Matéus 6:16 - Esaa-líat ɛ́ péná

¹⁶ «Eceg miní lɛ́ á etɔɔ-nzal, miníh kágág ɓé mísū, kaa ɓot bí ɔ́taɓa bí ŋga ɓɔ̄ŋ. Bíg yaanɛ misú máɓá nyaa etám á lí étɛ lí ɓot bísɛ nɛ́ bí lɛ́ á étɔɔ-nzal. La mbálɛ, mag laga ɓɛ́nɛ nɛ́, ɓá kūh nsála wáɓá.

Matéus 6:16 ပူးပေါင်းရင်းမြစ်များ

Matéus 6:1

«Nyɔŋán lítāt, miníh ɓɔŋɔ́g ɓé mām mí bíɓasɛ byáná ɔ́sū ví ɓot, á lí ɓɔŋ nɛ́ bí ɛ́n ɓɛ́nɛ; náŋ miní ŋgá kɛ ɓé lí kuh lí nsála tɔ wá nyú á ŋga sɔ́le la Ɛsɔ́ŋɛ́ wāná nyɔ́ a lɛ á lóō.

Matéus 6:2

Eceg ɔ ŋgɔ tíi hɔ́ ŋ̀yɛ́ɛ́yɛ́ɛ likaale, ɔh tɛ́ɛ́g ɓé líkálo á ɔ́sū ví éceg, ákaa ɓot bí ɔ́taɓa bí ŋga ɓɔ̄ŋ á ndáá-míɓomán la á mílɔ̄ŋ, á li somo nɛ́, ɓot bí tí ɓɔ́ lípēm. La mbálɛ, mag laga ɓɛ́nɛ nɛ́, ɓá kūh nsála wáɓá.

Matéus 6:5

«Eceg miní ŋga kánɛ, miníh ɓɛ́ɛ́g ɓé kaa ɓot bí ɔ́taɓa, ɓá bí ŋga dīŋ li kánɛ lí bítɛ̄tɛ́lí á ndáá-míɓomán la á míkāndán mí nzen, á lí somo nɛ́ ɓot bísɛ bí ɛ́n ɓɔ́. La mbálɛ, mag laga ɓɛ́nɛ nɛ́, ɓá man lí kuh lí nsála wáɓá.

Málkus 2:18

Ɔlɔ́ vá, ákaa ɓayége bí Yohánɛs Ǹtíi-nzoɓan la ɓot bí Élōg-Falísái bí ɓɛ́ɛ́ á étɔɔ-nzal, ɓot bú sɔ́ li bihi lí Yésus nɛ́: «Ányúū yéé ɓáyēge bí Yohánɛs la ɓá bí Élōg-Falísái bí ŋga tɔ́ɔ̄ nzal, ndí ɓayége ɓɔ́ɔ bí ŋgá tɔɔ ɓé nzal é?»

Lúkas 18:12

Á nzamɛ́ sig, mag nyɔŋ alɔ́ áɓáa á li tɔɔ lí nzal, mag tíi ki joga já átē á jóom jé lí bíkuhlé byáma.›

Misɔ́n mí Ɓáōmɓɛ 10:30

La Kɔlnéya ɔ pélē nɛ: «Náŋ a lɛ álɔ̄ áŋháa lɛn, eceg mi ŋgí kánɛ á ŋgɛ́ŋ ɛ́ŋháa ɛ́ ŋgōgó á ndáá yáma, á ékūyá-kúyá, mu ɛ́n mut wa nyɔ́ a jáhɛ́ mbɔ́tí ɛ́ ŋga páa, a tɛ́ɛ́ á ɔ́sū vama,

Misɔ́n mí Ɓáōmɓɛ 14:23

Póol la Balnábas bí ŋgí pɔhle Eɓasɛ sig ɓacɛ́ŋ bí éɓasɛ. Átē á míkánɛ la etɔɔ-nzal, bí ŋgí vá ɓɔ́ á sí bitátlé bí Nyɔ́ŋ-Ɛsáŋɛ́ nyɔ́ ɓá válé ŋyéɓé wáɓá.

Elōg-Kɔlínto 1 7:5

Nyɔ́ wa ah ɓenég ɓé nyɔ́ŋɔ́, amáh nɛ́ maná ámblán á lí tɔɔ náŋ ányúū puh eceg, á li ɓɔŋ nɛ́ miní vá ɓɛ́nɛ-mɛ̄n á mikánɛ. Ámbúh náŋ miní tímān káa miní mɓɛ́, á ŋkɔnwoŋɛ́ nɛ, ŋgí lí la lí lí byee lí nyúū yáná ɛ tí ǹsɔhɔ póla nɛ́ a céglɛ̄ ɓɛ́nɛ.

Elōg-Kɔlínto 2 11:27

Ma sál mísɔ̄n mí ŋga tɔ̄mbhan la mí mí ndútu, biceg byá ma tɔ́ɔ́ pɛ́ɛ, ma tɔ́ɔ̄ nzal la evéhé, biceg bitám mu ɓɔ̄ŋ étɔɔ-nzal á ŋkágán, ma ógtán ávɔ̄l, mbɔ́tí yú yɛ́ɛ́lé mā,

Elōg-Kɔlínto 2 6:5

eɓom, miɓog, mpuŋgú ǹcɛ́ŋ, etɔmb, etɔɔ-pɛɛ, la etɔɔ-nzal.