Matéus 6:10 - Esaa-líat ɛ́ péná

¹⁰ Likanʼyɛ jɔ́ɔ lí sɔ̄, nsom wɔ́ɔ á ɓɔ̄ŋɓɛ́ɛ á sí ákaa á lɛ́ á lóō.

Matéus 6:10 ပူးပေါင်းရင်းမြစ်များ

Matéus 12:50

Tɔ nzáá a ŋga ɓɔ̄ŋ nsom á Étāa nyɔ́ a lɛ á lóō, nyɛ́ nɛ́ a lɛ mɔɔ́lyāŋ á páam, mɔɔ́lyāŋ a mindígá, ndí ɔ ɓɛ́ ki yɛɛ.»

Matéus 16:28

La mbálɛ, mag laga ɓɛ́nɛ nɛ́, jogo lí ɓot vá lí ŋgá kɛ ɓé lí wú jɔ́ ŋgí lí ɛ́n lí Mɔɔ́n Mut ag sɔ́ kaa káísa.»

Matéus 26:42

Yésus ɔ nɛ́ŋɛ̄ ŋgele ya yáhɛ́ ɛ́ɓáa, ɔ kánɛ̄ nɛ: «Etāa, kí ɓɔŋ nɛ́ jé liɓondó lí ésɔghe lí lɛ́ nɛ lá lōo ɛ́h ɓɛ́ ɓé nɛ ma nyú jɔ́, ndí, nsom wɔ́ɔ nɛ́ á ɓɔ̄ŋɓɛ́!»

Matéus 3:2

«Támán aɓé wáná miní vēŋé bílɛ̄m, átɔm nɛ́ Likanʼyɛ lí lóō li lɛ́ ɓɛɓɛ!»

Matéus 4:17

Li ɓotle váŋ á yéŋ eceg nɛ́ Yésus a ɓōtlé lí lɛgɛ nɛ́: «Támán áɓē wáná miní vēŋé bílɛ̄m ányúū nɛ Likanʼyɛ lí lóō lá siŋgle.»

Matéus 7:21

«Ah li yáŋá lí ma ɓé nɛ: ‹Ɛtáŋɛ, Ɛtáŋɛ› nɛ́ lí ŋga níŋgɛ á Ékombo-lóō, ndí li ɓɔŋ lí nsom á Etāa nyɔ́ a lɛ á lóō.

Málkus 11:10

Ndómbo ɛ ɓɛ́ la líkanʼyɛ lí Dávid Etāa wahá, likanʼyɛ lí ŋga sɔ́! Osána á loó-loó!»

Málkus 3:35

Tɔ nzáá a ŋga ɓɔ̄ŋ nsom á Ɔlolómɛ̄, nyɛ́ nɛ́ a lɛ mɔɔ́lyāŋ á páam, mɔɔ́lyāŋ a mindígá, la yɛɛ.»

Lúkas 19:11

Kasig ɓot bí ŋgí ámble bí biɓaŋgá bí Yésus, ɔ kánɛ́ pɛ ɓɔ́ ví ɔŋgaáŋgan, átɔm nɛ́ a ɓɛ́ɛ́ ɓɛ́ɓɛ la Yelúsalɛm, la ki nɛ́ ɓot bí ŋgí ɔ́ŋɔ nɛ́ Likanʼyɛ lí Ɔlolómɛ̄ lá nyɛ́g.

Lúkas 19:38

Bú lágá nɛ: «Ndómbo ɛ ɓɛ́ la káísa, nyí ɛ ŋga sɔ́, á jóō lí Nyɔ́ŋ-Ɛsáŋɛ́! Nsaŋ á lóō la lipém á lóō lóō!»

Lúkas 22:42

«Etāa, kí wá yéɓe, nɛ̄ŋɓɛ́ ma jé liɓondó lí ésɔghe. Ah nsom wáma ɓé, ndí nsom wɔ́ɔ nɛ́ á ɓɔ̄ŋɓɛ́ɛ!»

Yohánɛs 4:34

Yésus ɔ lága ɓɔ nɛ́: «Lidí jama li lɛ́ ja li yáhɛ lí nsom á Ɔlolómɛ̄ nyɔ́ a óm ma la li ɓɔŋ li nsɔ́n wɛ́ɛ́.

Yohánɛs 6:40

Nsom á Etāa nyú nɛ́, Tɔ nzáá a ɛ́n Mɔɔ́n ndí a yéɓé la nyɛ́, ag kuh eniŋ éɓem. Mág, mag kɛ nyɛ́ li pahyɛ á ɔlɔ́ vá tiile.»

Yohánɛs 7:17

Nyɔ́ a ŋga sómo li ɓɔŋ lí nsom á Ɔ́lolómɛ̄, ag kɛ li yí kíyáɓɛ́nɛ yé mi ŋga yéglɛ ɛ́g sɔ́le la Ɔlolómɛ̄ tɔ nɛ́ la mā-mɛn.

Misɔ́n mí Ɓáōmɓɛ 13:22

Ɛnɛ́ Ɔ́lolómɛ̄ a ɓógtɛ́ Sául á líkanʼyɛ, ɔ tí ɓɔ́ Dávid kaa Káísa péná, ɔ tí nyí mbóŋ likɔlɓan la nyɛ́ nɛ́: ‹Ma sɔ̄m Dávid, mɔɔ́n Yése, nyɛ́ nɛ́ a lɛ mut a nyɛ́ɛlé m̀mím wáma, nyɔ́ a ŋga kɛ́ li yáhɛ lí nsom wáma.›

Misɔ́n mí Ɓáōmɓɛ 21:14

Kasig ɓāh la ɓé ɓɛ́hɛ nyɛ́ li veŋe lí míɔ̄ŋɔ, ɓāh tɔ́ɔ́ ɓé ɓɛ́hɛ nyɛ́ lí legtanɛ la mpɔ́t, bu lágā ja nɛ́: «Ɛ́ ɓɔ̄ŋɓɛ́ kaa nsom á Nyɔ́ŋ-Ɛsáŋɛ́!»

Misɔ́n mí Ɓáōmɓɛ 22:14

Ɔ laga ma nɛ́: ‹Lōó lí ɓatāa a pɔ́hɔ̄ wa ɔsú ví eceg nɛ́ ɔ yí nsom wɛ́ɛ́, ɔ ɛ́n Nyɔ́ a tɛ́ɛ́ sim, ɔ ámblé ki cíŋ yɛ́ɛ̄.

Elōg-Lóma 12:2

Miníh oŋlégé ɓé míɓɔŋɔg mí ɓot bí nyú ŋkɔŋ-á-sí á lɛn, ndí Mwahánɛ̄ Ɔlolómɛ̄ a yáanɛ́ ɓɛ́nɛ la eyí péná a ŋga tíi ɓɛ́nɛ, nɛ́ ndí miní la lí yí lí nsom wɛ́ɛ́: Ag somo yé ɛ́ lɛ́ élɔ́ŋgɔ, yé ɛ́ lɛ́ líŋgɔ̄ŋɔ́ á miíh mɛ́ɛ́ la yé ɛ́ lɛ́ tɛ́ŋgɛ́n.

Elōg-Éféso 6:6

Miníh ɓɔŋɔ́g ɓé naŋ á li nyɛɛle lí ɓot-bí-bínam ányúū nɛ bíg légɓe ɓɛ́nɛ, ndí ɓɔŋán náŋ ákaa miyɔ́ŋ bí Nyɔ́-a-Pɔ́hlɛ ɓá bí ŋga dīgɓan li ɓɔŋ lí nsom á Ɔ́lolómɛ̄.

Elōg-Kólóso 1:13

Ɔlolómɛ̄ a ɓógtɛ́ ɓɛ́hɛ á ŋguu nyí livito, la nyɛ́ ɔ níŋgɛ́ ɓɛ́hɛ á ékombo yé edidíŋɛ yɛ́ɛ́ Mɔ́ɔ̄n.

Elōg-Kólóso 1:9

Á élōgyāŋ, ányúū náŋ nɛ́ á ɛ́yāhā épah, káán bu yí náŋ, bí ŋgá tɔmb ɓé lí kánɛ ányúū yāná. Biíg ɓat Ɔlolómɛ̄ nɛ a yáhɛ́ ɓɛ́nɛ la peg la eyí li kele la M̀búl wɛ́ɛ́, á lí yíhɛ́ lí ɓɛ́nɛ nsom wɛ́ɛ́ ásɛ,

Elōg-Tésaloníka 1 4:3

Ɔlolómɛ̄ ag somo nɛ́ miní ɓɛ́ ɓapúán, miní nɛ́ŋɛ̄ la eniŋ ɛ́ mpuŋgú á ndeŋg.

Elōg-Tésaloníka 1 5:18

Tíán Ɔ́lolómɛ̄ mítamlan á tɔ yɔɔ́yɔ́ɔ eceg, átɔm nɛ́, náŋ nɛ́ a ŋga láaŋkene ɓɛ́nɛ, ɓɛ́nɛ ɓá maná āt la Yésus Kilístus.

Elōg-Hébɛl 1:14

Ɓaá, yíŋ áŋgɛl ɛ́sɛ ɛ́ sē ɓé ja mímbūl mí mí ŋga sále Ɔlolómɛ̄ é? Ɓaá nsɔ́n wáɓá á sē ɓé jā lí óŋgánɛ lí ɓot bí ŋga nyɛ́ɛ li kuh lí lísuŋga é?

Elōg-Hébɛl 10:36

Ákaa ɛ́sɛ, miní byɛ́ɛ́ kóó la kɔkɔ á lí yáhɛ lí nsom á Ɔ́lolómɛ̄, nɛ́ ndí miní kuh yé a kákānɛ̄ ɓɛ́nɛ.

Elōg-Hébɛl 10:7

Náŋ nɛ́ a yígle ma nɛ́ mi laga nɛ́: ‹Ma nyɔ́, átɔm nɛ́ ányúū yáma mā-mɛ̄n nɛ́ yá ciiɓɛ́ á kálati Licii-Lipúán nɛ́: Á Ɔ́lolómɛ̄, ma sɔ́ á li ɓɔŋ lí nsom wɔ́ɔ›.»

Elōg-Hébɛl 13:21

Nyɔ́ŋ Ɔlolómɛ̄ a óŋgānɛ́ ɓɛ́nɛ li ɓɔŋ lí yé ɛ́sɛ ɛ́ lɛ́ m̀ɓɛɛŋ, á lí yáhɛ lí nsom wɛ́ɛ́. A ɓɔŋ nɛ́ bi ɓɛ́ á nyaa ɛ ŋga nyɛ́ɛle nyɛ́, li kele la Yésus Kilístus, nyɔ́ a byɛɛ́ lípēm á éɓem la á éɓem. Ɛ́ ɓɛ́ náŋ!

Pétlos 1 2:15

Ákaa ɛ́sɛ, nsom á Ɔlolómɛ̄ á lɛ́ nɛ́, miní ɓɔ̄ŋ m̀ɓɛɛŋ, á lí somo nɛ́ miní leg minyu mí bíjōŋ-bí-ɓot ɓá bí ŋgá sɔ́ŋtánɛ ɓé.

Pétlos 1 4:2

Li ɓotle nyí vɔ́ŋɔ́ɔ, maná nyɛ́ɛ li niŋ lí nyí puh eceg ɛ ŋgí tɔɔ́ ɓɛ́nɛ á ŋkɔŋ-á-sí li oŋle la nsom á Ɔlolómɛ̄, ndí ah li oŋle la kóó-eɓé yí ŋkɔŋ-á-sí ɓé.

Biyɛ́ɛ́léné 11:15

Ɛnɛ́ áŋgɛl ya yáhɛ́ nzambúwá ya ɔ́ŋ nséɓá wɛ́ɛ́; cíŋ ecɛ́ŋ yú sɔ́le á lóō yú lága nɛ́: «Nyí vɔ́ŋɔ́ɔ likanʼyɛ lí ŋkɔŋ-á-sí la timan jé lí Ɛtáŋɛ wahá la jé lí Nyɔ́-a-Pɔ́hlɛ; ag kɛ li kanʼyɛ á éɓem la á éɓem.»

Biyɛ́ɛ́léné 12:10

La ma Yohánɛs mu ámblé cíŋ ecɛ́ŋ ɛ́g lón nɛ́: «Eceg lísuŋga hɔ́ yé yá kɔlan, eceg yé mbimban la yé likanʼyɛ lí Ɔlolómɛ̄ wahá. Nyí vɔ́ŋɔ́ɔ, likanʼyɛ li lɛ́ á mɔ mí Nyɔ́-a-Pɔ́hlɛ wɛɛ́ átɔm nɛ́, ǹsɔ́mánɛ elōgétāŋ yáhá a lééɓɛ́ á sí enɛŋɛ́ la lóō; nyɛ́ nɛ́ a ŋgí sɔ́mánɛ ɓɔ́ díɓe la nzámuh ɔ́sū ví Ɔ́lolómɛ̄ wahá.

Biyɛ́ɛ́léné 19:6

La ma mu ámblé ǹdumka ɔ́ŋgɛn eduŋgú yé límut licɛ́ŋ, yéŋ eduŋgú ɛ ɓɛ́ɛ́ ákaa eduŋgú mínɔŋgɔ́ mí túwɛ, la ákaa mbámká yí mbambat kí ɛ́g kóndo; ɛ́g laga nɛ́: «Alelúya! Átɔm nɛ́, Ɛtáŋɛ Ɔlolómɛ̄ wāhá a Ŋguu-mísɛ a étɛ́ Líkanʼyɛ jɛ́ɛ́.

Biyɛ́ɛ́léné 20:4

La ma mú ɛ́n bítɔɓé-bí-líkanʼyɛ. Bú tí ɓot bí ŋgí sɔ́ lí tɔ́ɔ̄ múŋ ŋguu nyí li kááhɛ. Mu ɛ́n ki mimbúl mí ɓot bí ólóó ányúū nɛ bí ŋgí tíi mbóŋ nyí Yésus la ányúū nɛ bí ŋgí lɛgɛ eɓaŋgá Ɔlolómɛ̄. Ɓɔ́ bíh ɓéghɛ́ɛ ɓé tít tɔ edíŋgɛ́-díŋgɛ yɛ́ɛ́, bíh ɓɛ́ɛ́la ɓé ndembye yɛ́ɛ́ á mbɔm tɔ á wɔ. Bú tímān á éniŋ, la ɓɔ́ bú tɔ́ɔ̄ á lí kanʼyɛ la Kilístus ányúū ɔkóó ví mímbú;