Matéus 5:5 - Esaa-líat ɛ́ péná

⁵ Misɔ́tá la ɓá bí ŋga lée, bíg kɛ ɓɔ́ lí mɔ́mɛ.

Matéus 5:5 ပူးပေါင်းရင်းမြစ်များ

Matéus 11:29

Ɓɛglán mbɛ́gɛ yama, miní níŋgí á ésukúlu yáma, átɔm nɛ́ mi lɛ̄ pií la esuhɛ-nyuú; la náŋ, miníg kɛ li kuh lí évɛɛɓan.

Matéus 21:5

«Laglán ŋgɔn ŋkɔŋ á Síon nɛ́, Légɓé sig, káísa yɔɔ ɛg sɔ́le wa, la esuhɛ-nyuú, á lóō lí m̀mín á jákāas la á lóō lí mɔ́ɔ̄n wɛ́ɛ̄, mɔɔ́n tít nyí ɛ ŋga ɓɛ́gɛ ɓot.»

Elōg-Lóma 4:13

Ákaa ɛ́sɛ, ah ányúū mbéndá Móse ɓé nɛ Áblaháam tɔ mbota yɛ́ɛ̄ ɓá kūh líkakanɛ nɛ́ ɓá nyɛɛ́ lí kuh lí ŋkɔŋ-á-sí ákaa embámbá, ndí ányúū etɛ́l-sim yé ɛ ŋga sɔ́léne á ŋyéɓé.

Elōg-Gálátia 5:23

ewú-m̀mím, lí ɔn lí nyúū, míŋ mam mih byɛ́ɛ́ ɓé Mbéndá tɔ ya.

Elōg-Éféso 4:2

Ɓɛ́án la esuhɛ-nyuú, ewú-m̀mím la eɔ́hánɛ, miní yéɓyán ɓɛ́nɛ la ɓɛ́nɛ átē á ediŋ.

Elōg-Kólóso 3:12

Kasig Ɔlolómɛ̄ a pɔ̄hɔ́ ɓɛ́nɛ, kasig miní lɛ́ ndog yɛ́ɛ̄, kasig miní lɛ́ bídidíŋɛ byɛ́ɛ́ bí ɓɔ́ɔ̄n, ɓɛ́án hɔ́ la m̀mím a ŋgɔ́ɔ́, ɓɛ́án la ediŋ, esuhɛ-nyuú, ewú-m̀mím, la eɔ́hánɛ.

Timotéo 1 6:11

Á wā m̀ɓɔŋle Ɔlolómɛ̄, nɛŋɛ́ la míŋ mam mísɛ. Somó étɛ̄l-sim, somó lí tiŋɓe la Ɔlolómɛ̄, somó lí ɓɛ́la lí ŋyéɓé, somó lí ɓɛ́la lí édiŋ, ɓɛ́ kɔ́kɔ, ɔ ɓɛ́la ewú-m̀mím.

Timotéo 2 2:25

Ag nyɛɛ li yéglɛ lí ɓátɛ̄ŋgánɛ nyɛ́ la ewú-m̀mím. Nzáá a ŋga yí, kíyáɓɛ́nɛ Ɔlolómɛ̄ a ŋgá kɛ ɓé ɓɔ lí tíi lí eceg nɛ́ bí vēŋé bílɛ̄m ányúū li yí lí mbálɛ é?

Títo 3:2

Yáh nyɛɛ ɓé lí óŋo lí mut tɔ wa, ɛ́ pún mómo, ɛ́ ɓɛ́ ɓot bí nsaŋ, ɛ́ ɓɛ́ ewú-m̀mím eceg sig á ŋgwáāg ɓot bísɛ.

Yákop 1:21

Jɔ́ nɛ́, ɓógyán á mam mísɛ mí ŋga vínɛ ɓɛ́nɛ, la nlohanɛ́ a m̀ɓé-a-m̀mím. Lɛ́glán éɓaŋgá Ɔ́lolómɛ̄ a ɓɛ́ɛl átē wāná la ewú-m̀mím, yɔ́ nɛ́ ɛ́ kɔ́ɔ ɓɛ́nɛ li suŋ.

Yákop 3:13

Mut a byɛ́ɛ́ peg la eyí á póla yaná, a lɛ nyɔ́ a ŋga étɛ́ míɓɔŋɔg mɛ́ɛ́ mílāām átē á misɔ́n mɛ́ɛ́ a ŋga ɓɔ̄ŋ la ewú-m̀mím. Nyɔ́ŋ mut ag ɓɔ̄ŋ bíŋ bísɛ la peg.

Pétlos 1 3:15

Ndí, ɓéghánɛ Nyɔ́-a-Pɔ́hlɛ á mimím máná, nyɛ́ nɛ́ a lɛ Nyɔ́ŋ-Ɛsáŋɛ́. Ɓɛ́án m̀ɓoŋhágan eceg ɛ́sɛ, á lí tíi lí ndagle lipitá miní byɛ́ɛ̄ la Ɔlolómɛ̄ á ɓáŋ bísɛ bí ŋga ɓāt ɓɛ́nɛ yɔ.

Pétlos 1 3:4

ndí aláám wáná á ɓɛ́ aláám nyú á átē wāná, aláám nyú á ŋgá lɔɓe ɓé, nyú á byɛ́ɛ̄ eɓɔɓɔtɛ-m̀mím la m̀mím á nsaŋ, nyúŋ aláám nɛ a lɛ́ nsɛ́ŋ ŋgandag ɔ́sū ví Ɔlolómɛ̄.