Matéus 5:30 - Esaa-líat ɛ́ péná

³⁰ Kíyáɓɛ́nɛ wɔ wɔ́ɔ á m̀ɓɛ́nlómɛ á lɛ́ njɔm aɓé wɔ́ɔ, sɛ́m wɔ́ ɔ léé wɔ́ énɛŋɛ́ lā wa; átɔm nɛ́, ɛ́ lɛ́ wa nsɛ́ŋ nɛ ɔ ɓɔ́lán éjo yɔ́ɔ ɛ́ nyúū yá li loo nɛ́ bíg léé nyúū yɔ́ɔ ɛsɛ̄ á éɓēl yé nzáan.»

Matéus 5:30 ပူးပေါင်းရင်းမြစ်များ

Matéus 11:6

Jɔ́ nɛ́, misɔ́tá la nyɔ́ a ŋgá kɛ ɓé lí ku á míceglan ányúū joó jáma!»

Matéus 13:21

Ndí, yéŋ eɓaŋgá yáh lo ɓé míkaŋ á m̀mím wɛ́ɛ́; a byɛ́ɛ ŋyéɓé ányúū puh epah éceg. Ɛnɛ́ éɓaŋgá Ɔ́lolómɛ̄ yá sɔ́la nyɛ́ ndútu la ndeeŋgɛ, ŋyéɓé wɛ́ɛ́ wú yɔŋɔ.

Matéus 16:23

Ndí Yésus ɔ yíán, a byɛ́la Pétlos nɛ́: «Ɓógó ma váŋ, nɛŋɛ́ la ma á Sátan! Ɔ lɛ́ ma yoóm míceglan, átɔm nɛ́ miɔ́ŋɔ mɔ́ɔ mí sē ɓé míɔ̄ŋɔ mí Ɔ́lolómɛ̄, ndí mí mí ɓot-bí-bínam.»

Matéus 17:27

Jɔ́ nɛ́, á lí pún nɛ́ náŋ ah teeŋgɛ́gɛ́ ɓé ɓáɓat-táas, kɛɛ́n á ébúle, lɛŋgɛ́ nlɔ́ɔ́ á ɔ́sōō. Kɔh ɔsú ɔ ŋgɔ ól, legé anyu wɛ́ɛ́, ɔg kɔ́p épah ɛ́ kápa múŋ; nyɔ̄ŋ yɔ́, ɔ tí yɔ́ ɓáŋ ɓot ányúū yáma la ányúū yɔ́ɔ.»

Matéus 18:8

Kíyáɓɛ́nɛ wɔ wɔ́ɔ tɔ akoo wɔ́ɔ bí lɛ́ njɔm aɓé wɔ́ɔ, sɛ́m byɔ́, ɔ léé byɔ́ énɛŋɛ́; átɔm nɛ́, ɛ́ lɛ́ wa nsɛ́ŋ nɛ ɔ níŋgí á éniŋ éɓem la wɔ wá tɔ la akoo wá, li loo nɛ́ bí léé wa la mɔ mɔ́ɔ míɓáa tɔ la mikoo mɔ́ɔ míɓáa á éɓēl-nzáan nyí ɛ ŋgá dím ɓé á éɓem la eɓem.

Matéus 22:13

Váŋ nɛ́ káísa a lāgá ɓáɓɔŋle ɓɛ́ɛ́ nɛ: ‹Kágán nyɛ́ mɔ la mikoo miní léé nyɛ́ á lívito á ápūū ápah liwú la edí-mísoŋ bí ŋga kɛ́ li ɓɛ́.›

Matéus 25:20

Nyɔ́ m̀ɓɔŋle a kuhúú ádun á kápa átáan ɔ sɔ́, ɔ étɛ̄ pɛ adun átáan atám, ɔ yó nɛ: ‹Etāa, wa tí ma ádun á kápa átáan, átáan atám pɛ nyú ma tómbanɛ.›

Matéus 26:31

Váŋ nɛ̄ Yésus a lāgá ɓɔ nɛ́: «Jé díɓe lí lɛn, ɓɛ́nɛ bísɛ miníg kɛ ma lí cóó, átɔm nɛ́ yá ciiɓɛ́ nɛ: ‹Mag kɛ li ól lí ǹtát mítōmbɛ́, la mitómbɛ́ mí líɓembá mí cámān.›

Matéus 5:22

Ndí ma, mag laga ɓɛ́nɛ nɛ́: tɔ nzáá a ŋga álye mɔɔ́nyāŋ, bíg kɛ la nyɛ́ á bíkááhɛ́nɛ́. Nyɔ́ la nyɔ́ a ŋga kɛ́ li óŋo lí mɔ́ɔ̄nyāŋ nɛ́: ‹Ejóŋ-mut›! Bíg kɛla nyɛ́ á ŋkál á ɔ́ku-vicɛ́ŋ-ví-bíkāāhɛ́nɛ́. Nyɔ́ ki a ŋga óŋo nyɛ́ nɛ́: ‹Mut-a-nzeg›, a kɔ́ɔ́ nɛ́ bí léé nyɛ́ á éɓēl yé nzáan.

Matéus 5:29

Kíyáɓɛ́nɛ diíh jɔ́ɔ lí m̀ɓɛ́nlómɛ lí lɛ́ njɔm aɓé wɔ́ɔ, túh jɔ́, ɔ léé jɔ́ énɛŋɛ́ lā wa, átɔm nɛ́ ɛ́ lɛ́ wā nsɛ́ŋ nɛ ɔ ɓɔ́lán éjo yɔ́ɔ ɛ́ nyúū yá li loo nɛ́ bíg léé wa la nyuú yɔ́ɔ ɛsɛ̄ á éɓēl yé nzáan.

Málkus 9:43

Kíyáɓɛ́nɛ wɔ wɔ́ɔ á lɛ́ njɔm aɓé wɔ́ɔ, sɛ́m wɔ́; átɔm nɛ́, ɛ́ lɛ́ wá nsɛ́ŋ nɛ ɔ níŋgí á éniŋ éɓem la wɔ wá, li loo nɛ́ ɔg kɛ la mɔ mɔ́ɔ míɓáa á éɓēl ɛ́ nzáan nyí ɛ ŋgá dím ɓé [

Lúkas 12:5

Mag étɛ ɓɛ́nɛ nzáá maná nyɛ́ɛ li kɔn lí woŋ; nyɔ́ a lɛ nɛ́, ámbúh li ól, a byɛ́ɛ̄ ŋguu li lɛŋgɛ á éɓēl ɛ́ nzáan, nyɛ́ nɛ́ miní kɔn woŋ. Ɔɔ, mag laga ɓɛ́nɛ, kɔnán nyɛ́ woŋ.

Lúkas 17:2

Ɛ́ lɛ nsɛ́ŋ nɛ nyíŋ nyaa mut bí tiŋ yɔ lisúŋ lí ŋgɔg á cíŋ, bí léé nyɛ á túwɛ, li loo nɛ́ ag ɓɛ́ njɔm miɓé nyí nyɔ́ a lóohan ntɔ́ga átē a ɓá ɓɔɔ́n.

Elōg-Lóma 9:33

ákaa yá ciiɓɛ́ nɛ́: «Léɓyán, mag tɛ́ɛ́yɛ ŋgɔg ɔɓag á tísɔn nyí Síon, liáá lí ŋgɔg lí ŋga ɓɛ́h ɓot. Ndí nyɔ́ la nyɔ́ a ŋga ɛ́gɓéne jɔ́, m̀ɓá a ŋgá kɛ ɓé lí tám.»

Elōg-Kɔlínto 1 8:13

Ányúū náŋ nɛ́, kíyáɓɛ́nɛ patí lidí yā ɛg kɛla mɔɔ́lyāŋ á míceglan, ɛnɛ m̀ɓá-mɓá māh nyɛɛ ɓé ma lí dí lí nyíŋ tít á lí pún nɛ́ mɔɔ́lyāŋ a táág ku á míceglan.

Elōg-Gálátia 5:11

Ndí ma á élōgyāŋ, ki ɓɔ́ŋ nɛ́ mi ŋgí lɛglag ja ɓɛ́nɛ nɛ́ miní kwɛ́ɛɓɛ́ɛ, ɓaá, kí bí ŋgí váŋghɛgɛ ma la ndeeŋgɛ é? Mag ɔ́ŋɔ nɛ́, kí lí lɛgɛ nɛ́ Kilístus a tōmlɛ́ á mbásá lí ŋgá teeŋgɛ ɓé pɛ tɔ mut.

Pétlos 1 2:8

Á epah etám, bíg laga ki nɛ́: «Ɛ lɛ̄ ŋgɔg ɔɓag, ŋgɔg nyí ɛ ŋga ɓɛ́h ɓot.» Bíg ɓomtan yɔ ányúū nɛ ɓá pún lí yéɓe lí eɓaŋgá Ɔ́lolómɛ̄, náŋ nɛ́ yá tɛ́ɛ́ɓɛ́ ányúū yáɓá.