Matéus 5:29 - Esaa-líat ɛ́ péná

²⁹ Kíyáɓɛ́nɛ diíh jɔ́ɔ lí m̀ɓɛ́nlómɛ lí lɛ́ njɔm aɓé wɔ́ɔ, túh jɔ́, ɔ léé jɔ́ énɛŋɛ́ lā wa, átɔm nɛ́ ɛ́ lɛ́ wā nsɛ́ŋ nɛ ɔ ɓɔ́lán éjo yɔ́ɔ ɛ́ nyúū yá li loo nɛ́ bíg léé wa la nyuú yɔ́ɔ ɛsɛ̄ á éɓēl yé nzáan.

Matéus 5:29 ပူးပေါင်းရင်းမြစ်များ

Matéus 10:28

Miníh kɔnɔ́g ɓé ɓot bí ŋga ól nyúū mut woŋ, ndí ɓáh la ɓé lí ól lí m̀búl. Ndí mut a ŋga lā li ól lí m̀búl la nyuú, a óm ɓɔ̄ á éɓēl nzáan, nyɛ́ nɛ́ miní kɔn woŋ.

Matéus 11:6

Jɔ́ nɛ́, misɔ́tá la nyɔ́ a ŋgá kɛ ɓé lí ku á míceglan ányúū joó jáma!»

Matéus 16:26

Wɔɔ́wɔ́ɔ nsɛ́ŋ mut a ŋga ɓɛ́la á lí tombanɛ lí ŋkɔŋ-á-sí ásɛ, kí wá véé nyɛ eniŋ yɛ́ɛ́ é? Tɔ nɛ́, yéé ɛ ŋga véé díyɛ li pám lí éniŋ ɛ́ mut é?

Matéus 17:27

Jɔ́ nɛ́, á lí pún nɛ́ náŋ ah teeŋgɛ́gɛ́ ɓé ɓáɓat-táas, kɛɛ́n á ébúle, lɛŋgɛ́ nlɔ́ɔ́ á ɔ́sōō. Kɔh ɔsú ɔ ŋgɔ ól, legé anyu wɛ́ɛ́, ɔg kɔ́p épah ɛ́ kápa múŋ; nyɔ̄ŋ yɔ́, ɔ tí yɔ́ ɓáŋ ɓot ányúū yáma la ányúū yɔ́ɔ.»

Matéus 19:12

Ákaa ɛ́sɛ nɛ́, ɓot ɓá bí lɛ, ɓá ɓá byáá ewúhá, ɓáŋá ki, ɓot nɛ́ ɓá nág ɓɔ; ɓatám bíg pún lí lɔ́mɓan ányúū Ekombo-lóō. Nyɔ́ a ŋga lā li sɔ́ŋtánɛ a sɔ́ŋtánɛ!»

Matéus 23:15

Eɓéé-nyúū la ɓɛ́nɛ ɓayí-mbéndá la Elōg-Falísái, ɓot bí ɔ́taɓa, ɓɛ́nɛ ɓawɛɛwɛɛ, ɛ́ ɓɛ́ á túwɛ tɔ nɛ́ á ŋkɔŋ, á nsom á tɔ mut wa nyɔ́ a sē ɓé mɔɔ́n Élōg-Yúda, nɛ a ōŋlé mbéndá Móse. Eceg maná tombánɛ́ nyɛ, miníg yaanɛ nyɛ́ mut a kɔɔ́ la eɓél-nzáan ŋgele ɛ́ɓáa li loo lí ɓɛ́nɛ-mɛ̄n!

Matéus 23:33

Ɓɛ́nɛ yí nyɔ, á mbóta péé nyí, nɛ láá miní ŋga la li véé lí ékɔ́ghɛ yé éɓēl-nzáan é?

Matéus 5:22

Ndí ma, mag laga ɓɛ́nɛ nɛ́: tɔ nzáá a ŋga álye mɔɔ́nyāŋ, bíg kɛ la nyɛ́ á bíkááhɛ́nɛ́. Nyɔ́ la nyɔ́ a ŋga kɛ́ li óŋo lí mɔ́ɔ̄nyāŋ nɛ́: ‹Ejóŋ-mut›! Bíg kɛla nyɛ́ á ŋkál á ɔ́ku-vicɛ́ŋ-ví-bíkāāhɛ́nɛ́. Nyɔ́ ki a ŋga óŋo nyɛ́ nɛ́: ‹Mut-a-nzeg›, a kɔ́ɔ́ nɛ́ bí léé nyɛ́ á éɓēl yé nzáan.

Matéus 5:30

Kíyáɓɛ́nɛ wɔ wɔ́ɔ á m̀ɓɛ́nlómɛ á lɛ́ njɔm aɓé wɔ́ɔ, sɛ́m wɔ́ ɔ léé wɔ́ énɛŋɛ́ lā wa; átɔm nɛ́, ɛ́ lɛ́ wa nsɛ́ŋ nɛ ɔ ɓɔ́lán éjo yɔ́ɔ ɛ́ nyúū yá li loo nɛ́ bíg léé nyúū yɔ́ɔ ɛsɛ̄ á éɓēl yé nzáan.»

Málkus 8:36

Wɔɔ́wɔ́ɔ nsɛ́ŋ mut a byɛ́ɛ̄ á li tombanɛ lí ŋkɔŋ-á-sí ásɛ, kí wá véé nyɛ eniŋ yɛ́ɛ́ é?

Lúkas 12:5

Mag étɛ ɓɛ́nɛ nzáá maná nyɛ́ɛ li kɔn lí woŋ; nyɔ́ a lɛ nɛ́, ámbúh li ól, a byɛ́ɛ̄ ŋguu li lɛŋgɛ á éɓēl ɛ́ nzáan, nyɛ́ nɛ́ miní kɔn woŋ. Ɔɔ, mag laga ɓɛ́nɛ, kɔnán nyɛ́ woŋ.

Elōg-Lóma 6:6

Bi sɔ́ŋtánɛ m̀ɓɛɛŋ nɛ́, nlom á mut bi ɓɛ́ɛ́, wá tomlɛ́ á mbásá élɔŋ la nyɛ́, nɛ́ ndí nyíŋ nyuú yāhá miɓé ɛh ɓɛ́ɛ́g ɓé pɛ, la ki nɛ́ bih ɓɛ́ɛ́g ɓé pɛ miyɔ́ŋ mí áɓē.

Elōg-Lóma 8:13

Átɔm nɛ́, kíyáɓɛ́nɛ miníg niŋ li oŋle la míson, miníg kɛ li wú. Ndí, kíyáɓɛ́nɛ la M̀búl Mpúán, miníg ól míɓɔŋɔg mí míson máná, miníg kɛ li niŋ.

Elōg-Kɔlínto 1 9:27

Ndí, mag sɔghɛ nyúū yáma taŋ-taŋ, mag kanʼyɛ ki yɔ ɛsɛ̄, á ŋkɔnwoŋɛ́ nɛ eceg mi ŋga mánɛ li lɛgɛ lí ɓáŋá ɓátām Pɔ́l M̀ɓɛɛŋ, mā-mɛn Ɔlolómɛ̄ aah váág ɓé mā á ŋgwáāg.

Elōg-Gálátia 5:24

Ɓá bísɛ bí lɛ́ la Kilístus ɓá tomó nyúū yáɓá elɔŋ la kóó yɛ́ɛ́ ɛ́sɛ á mbásá.

Elōg-Kólóso 3:5

Ɓɔŋán hɔ́ nɛ́ miní ól miɓɔŋɔg mí ŋkɔŋ-á-sí mísɛ mí lɛ́ átē wāná, mɔ́ nɛ́ mí lɛ́: mpuŋgú, ndeŋg, eót, kóó-eɓé, la eót-ɛ́-mɔ́nī yé ɛ́ lɛ́ lí ɓégɛ lí bísāt.