Matéus 5:22 - Esaa-líat ɛ́ péná

²² Ndí ma, mag laga ɓɛ́nɛ nɛ́: tɔ nzáá a ŋga álye mɔɔ́nyāŋ, bíg kɛ la nyɛ́ á bíkááhɛ́nɛ́. Nyɔ́ la nyɔ́ a ŋga kɛ́ li óŋo lí mɔ́ɔ̄nyāŋ nɛ́: ‹Ejóŋ-mut›! Bíg kɛla nyɛ́ á ŋkál á ɔ́ku-vicɛ́ŋ-ví-bíkāāhɛ́nɛ́. Nyɔ́ ki a ŋga óŋo nyɛ́ nɛ́: ‹Mut-a-nzeg›, a kɔ́ɔ́ nɛ́ bí léé nyɛ́ á éɓēl yé nzáan.

Matéus 5:22 ပူးပေါင်းရင်းမြစ်များ

Matéus 10:17

Nyɔŋán lítāt la ɓot! Bíg kɛ ɓɛ́nɛ li kɛla á ndáá-míkāl, bí búté ɓɛ́nɛ á ndáá-míɓomán yáɓá.

Matéus 10:28

Miníh kɔnɔ́g ɓé ɓot bí ŋga ól nyúū mut woŋ, ndí ɓáh la ɓé lí ól lí m̀búl. Ndí mut a ŋga lā li ól lí m̀búl la nyuú, a óm ɓɔ̄ á éɓēl nzáan, nyɛ́ nɛ́ miní kɔn woŋ.

Matéus 12:24

Ndí, ɛnɛ́ ɓot bí Falísái ɓá ámblé náŋ, bú lāgá nɛ: «La ŋguu nyí Bɛlzébul, ŋ̀kanʼyɛ mimbúl míɓē nɛ nyɔ́ mut a ŋga dúhu mímbūl míɓē.»

Matéus 17:5

Kasig a ɓɛ́ɛ́ a ŋgí pɔ́tɔg, mbaga ɛ ŋga páa yu bútyɛ́ ɓɔ, la cíŋ yu pámlé muŋ, yu lága nɛ: «Nyɔ́ nɛ́ a lɛ édidíŋɛ yáma Mɔɔ́n, nyɔ́ ma dīŋ lí pɔhɔ. Miní óglé nyɛ́!»

Matéus 18:21

Váŋ nɛ́ Pétlos a sīŋglé Yésus á ŋgwáāg ɔ yó nyɛ nɛ́: «Ɛtáŋɛ, eceg mɔɔ́lyāŋ a vūhlé ma, ɓaá ŋgele yáŋvéé ma nyɛ́ɛ nyɛ li laakɛ é? Tɛɛla ŋgele nzambúwá é?»

Matéus 18:35

Náŋ nɛ̄ Etāa a lɛ á lóō a ŋga kɛ́ ɓɛ́nɛ li ɓɔŋ, kíyáɓɛ́nɛ wa sig á póla yaná āh laakɛ ɓé mɔɔ́nɛ́sāŋ la m̀mím wɛ́ɛ́ ásɛ.»

Matéus 23:15

Eɓéé-nyúū la ɓɛ́nɛ ɓayí-mbéndá la Elōg-Falísái, ɓot bí ɔ́taɓa, ɓɛ́nɛ ɓawɛɛwɛɛ, ɛ́ ɓɛ́ á túwɛ tɔ nɛ́ á ŋkɔŋ, á nsom á tɔ mut wa nyɔ́ a sē ɓé mɔɔ́n Élōg-Yúda, nɛ a ōŋlé mbéndá Móse. Eceg maná tombánɛ́ nyɛ, miníg yaanɛ nyɛ́ mut a kɔɔ́ la eɓél-nzáan ŋgele ɛ́ɓáa li loo lí ɓɛ́nɛ-mɛ̄n!

Matéus 23:33

Ɓɛ́nɛ yí nyɔ, á mbóta péé nyí, nɛ láá miní ŋga la li véé lí ékɔ́ghɛ yé éɓēl-nzáan é?

Matéus 25:41

Ámbúh náŋ, káísa ag kɛ hɔ́ lí laga lí ɓot bí ŋga ɓɛ́ nyɛ́ á m̀ɓɛ́ŋgáa nɛ́: ‹Nɛŋlán la ma, á mílɔgɔ́g mí ɓot mí! Kɛnán á éɓēl-nzáan nyí ɛ́ ŋgá dím ɓé, yé lɛ́ m̀ɓoŋhágan ányúū ǹsɔhɔ la áŋgɛl yɛ́ɛ́.

Matéus 26:59

Á póla eceg, kí ɓákanʼyɛ ɓatíi-nsúlé la ɓot bí ɔ́ku-vicɛ́ŋ-ví-bíkāāhɛ́nɛ́ bíg somle Yésus njɔm nyí ɛ ŋga sɔ́la nyɛ́ ékɔ́ghɛ yé nyɛmb.

Matéus 3:17

Váŋ nɛ́ cíŋ ya sɔ́lé á lóō yú lágá nɛ: «Nyɔ́ nɛ́ a lɛ̄ edidíŋɛ yáma Mɔɔ́n, nyɔ́ ma ɛ́n m̀ɓɛɛŋ nɛ́ mi pɔ́hɔ́.»

Matéus 5:34

Ndí ma, mag laga ɓɛ́nɛ nɛ́ m̀ɓá-mɓá miníh kanág ɓé sɔŋ la lóō, átɔm nɛ́, etɔɓé-líkanʼyɛ yé Ɔ́lolómɛ̄ yéŋ,

Matéus 5:44

Ndí ma, mag laga ɓɛ́nɛ nɛ́: Diŋán ɓálem ɓáná, miní kánɛ́ ányúū ɓá bí ŋga váŋgɛ ɓɛ́nɛ la ndeeŋgɛ;

Málkus 14:55

Á mveŋghanɛ́, ɓakanʼyɛ ɓatíi-nsúlé la ɓot bí ɔ́ku-vicɛ́ŋ-ví-bíkāāhɛ́nɛ́ bí ŋgí somo mut a ŋga tíi mbóŋ nyí ɛ ŋga étɛ ɔvuha ví ŋga óm Yésus á nyɛmb. Ndí, ɓáh kuh ɓé mbóŋ tɔ ya.

Málkus 15:1

La miyɛ́ mí kítí, ɓakanʼyɛ ɓatíi-nsúlé bú tɔɔ á émɔga elɔŋ la ɓacɛ́ŋ bí mílōmɛ, la ɓayí-mbéndá, la ɔku-vicɛ́ŋ-ví-bíkāāhɛ́nɛ́ vísɛ nɛ́ ɓaam. Bú kág Yésus, bú kɛ nyɛ li tíi lí Piláto.

Lúkas 12:5

Mag étɛ ɓɛ́nɛ nzáá maná nyɛ́ɛ li kɔn lí woŋ; nyɔ́ a lɛ nɛ́, ámbúh li ól, a byɛ́ɛ̄ ŋguu li lɛŋgɛ á éɓēl ɛ́ nzáan, nyɛ́ nɛ́ miní kɔn woŋ. Ɔɔ, mag laga ɓɛ́nɛ, kɔnán nyɛ́ woŋ.

Lúkas 22:66

Ɛnɛ́ kítí ya kánda, ɔku ví ɓácɛ̄ŋ bí lílōmɛ, ɓakanʼyɛ ɓatíi-nsúlé la ɓayí-mbéndá bú kóman, la ɓɔ́ bú kɛ́la Yésus á voóm wāɓá á bikááhɛ́nɛ́.

Yohánɛs 11:47

Ɓakanʼyɛ ɓatíi-nsúlé la ɓot bí Falísái bú kɔ̄tán á ɔ́ku-vicɛ́ŋ-ví-bíkāāhɛ́nɛ́, la ɓɔ́ bú lagá nɛ: «Yéé ɓa nyɛ́ɛ li ɓɔŋ é? Nyɔ́ mut ag ɓɔŋ ŋgandag binanaŋga bí mam.

Yohánɛs 15:25

Náŋ ag ɓɔŋɓɛ nɛ́ ndí éɓaŋgá yá ciiɓɛ́ á mbéndá yaɓá ɛ́ yāl, yɔ́ nɛ́ ɛ́ lɛ́ nɛ́: ‹Ɓá síŋgɛ́ ma ŋgí la njɔm›.»

Yohánɛs 7:20

Limut lú pélē nyɛ nɛ́: «Ɔ byɛ́ɛ́ m̀búl m̀ɓé, nzáá a ŋga sómo wa lí ólhánɛ é?»

Yohánɛs 8:48

Ɓɔɔ́n bí Élōg-Yúda bú pélē nyɛ nɛ́: «Ɓaá, bih byɛ́ɛ́ ɓé kundɛ li laga nɛ́ ɔ lɛ mɔ́ɔ̄n Samália, ndí wu ɓɛ́la ki m̀búl m̀ɓé é?»

Misɔ́n mí Ɓáōmɓɛ 17:18

Ɓayéglɛ-peg ɓá ɓá pámlé á ésukúlu yé Epikúlɛ la yé Zénɔn ɓɔ́g bú kwɛ̄l elɔŋ la nyɛ́. Jogo lí ŋgí laga nɛ́: «Yéé nyɔ́ mut-a-ɔpɔ́pɔt a ŋga sómo li laga é?» Ɓáŋá ɓɔ́ɔ́: «Ag nyɛɛ li ɓɛ́ lí ǹlɛgɛ-pɔ́l nyɔ́ a ɓacɛn bí míloó.» Ákaa ɛ́sɛ, Póol a ŋgí pɔ́t likɔlɓan la Yésus la lipahye.

Misɔ́n mí Ɓáōmɓɛ 22:30

Ɔlɔ́ ví ŋgí oŋ víŋ, a ŋgí somo li sɔ́ŋtánɛ tɛɛ́tɛ́ɛ ányúū yéé Élōg-Yúda yá sɔ́mánɛ́ Póol. Váŋ nɛ́ a kúhú nyɛ misáŋ mí bícɛɛ la nyɛ́ ɔ yáŋá líɓomán lí ɓakanʼyɛ ɓatíi-nsúlé la ɔku-vicɛ́ŋ-ví-bíkāāhɛ́nɛ́. Ámbúh náŋ ɔ súhɛ Póol, ɔ tɛ́ɛ́yɛ́ nyɛ ɔ́sū váɓá.

Misɔ́n mí Ɓáōmɓɛ 23:1

Váŋ nɛ́ Póol a tīŋ ɔ́ku-vicɛ́ŋ-ví-bíkāāhɛ́nɛ́ miíh, a byɛ́ nɛ́: «Á ɛ́lōgɛ́tāŋ, m̀mím wáma á ŋgá kááhɛ ɓé ma jam tɔ já likɔlɓan la nsɔ́n á Ɔlolómɛ̄ ma sál nɛ́-tɛ́ɛla nyí lɛn.»

Misɔ́n mí Ɓáōmɓɛ 24:20

Tɔ nɛ́, ɓá ɓot bí lɛ́ vá, bí lagá wa vɔɔ́vɔ́ɔ ɔnɛ́g ɓá sɔ̄m ma eceg ma kál ɔsú ví ɔ́ku-vicɛ́ŋ-ví-bíkāāhɛ́nɛ́.

Misɔ́n mí Ɓáōmɓɛ 4:15

Jɔ́ nɛ́ bí tíéé kúndɛ nɛ́ bí pámɛ́ ɓɔ́ á ndáá nyí ɔku-vicɛ́ŋ-ví-bíkāāhɛ́nɛ́, nɛ́ ndí bí mɔg á lí ɓɔŋ nɛ́ bí tí mbag-ŋkál yāɓá.

Misɔ́n mí Ɓáōmɓɛ 5:21

Ɓaómɓɛ bú óglé áŋgɛl. La miyɛ́ mí kítí, bú kɛ á ndáá-ēcɛ́ŋ-Ɔlolómɛ̄, li pám wóŋ, bu ɓōtlé lí yéglɛ. Ɛnɛ́ ŋ̀kanʼyɛ ǹcɛ́ŋ a ɓatíi-nsúlé la elɔŋ yɛ́ɛ́ ɓá sɔ́, bú tɔ́ɔyɛ́ ɔ́ku-vicɛ́ŋ-ví-bíkāāhɛ́nɛ́, ví ví lɛ́ étɔ yé ɓácɛ̄ŋ bí ɓɔ́ɔ̄n bí Íslāɛl, la ɓɔ́ bú óm nɛ bí nyɔ̄ŋ ɓaómɓɛ á ndáá-m̀ɓog bí sɔ́la ɓɔ́.

Misɔ́n mí Ɓáōmɓɛ 5:27

Bú sɔ́la hɔ́ ɓáōmɓɛ, bú tɛ́ɛ́yɛ́ ɓɔ ɔ́sū ví ɔ́ku-vicɛ́ŋ-ví-bíkāāhɛ́nɛ́. Ŋ̀kanʼyɛ ǹcɛ́ŋ a ɓatíi-nsúlé ɔ bíhī ɓɔ nɛ́:

Misɔ́n mí Ɓáōmɓɛ 6:12

La ɓáŋ ɓot bísɛ bú vá lílōm, ɓacɛ́ŋ bí lílōmɛ la ɓayí-mbéndá, miɔ́ŋɔ miɓé á m̀mú; ámbúh náŋ, bú púhé Étiɛn la ɓɔ́ bú byeé nyɛ, bú kɛ́lā nyɛ́ ɔ́sū ví ɔ́ku-vicɛ́ŋ-ví-bíkāāhɛ́nɛ́.

Misɔ́n mí Ɓáōmɓɛ 6:15

Ɓot bísɛ bí ɔ́ku-vicɛ́ŋ-ví-bíkāāhɛ́nɛ́ bú lɛndán lí légɓe lí Étiɛn, la ɓɔ́ bú ɛ́n asú wɛ́ɛ́ wú yaán kaa asú nyú á áŋgɛl.

Misɔ́n mí Ɓáōmɓɛ 7:37

Nyɛ́ Móse nɛ́, a lāgá ɓɔ́ɔ̄n bí Íslāɛl nɛ́: ‹Ɔlolómɛ̄ ag kɛ ɓɛ́nɛ li pámɛ lí m̀pɔ́tle-a-Ɔlolómɛ̄ ákaa ma átē á linyaŋ jáná.›

Elōg-Lóma 12:10

Ediŋ línyaŋ ɛ́ at ɓɛ́nɛ nɛ́ ndí miní diŋán ɓɛ́nɛ la ɓɛ́nɛ, mut sig a ɓɛ́ nyɔ́ ɔsú á lí ditɛ lí nyɔ́ŋɔ́.

Elōg-Kɔlínto 1 6:10

ɛ́ ɓɛ́ ɓot bí wíī, ɛ́ ɓɛ́ ɓakágtánɛ-mam mí ɓot ɓatám, ɛ́ ɓɛ́ ɓapéé-mílɔg, ɛ́ ɓɛ́ ɓaɓeeyɛ-ɓot-mam, ndí tɔ mitɔnɓa, ɓáŋ bísɛ bí ŋgá kɛ ɓé lí koto lí Ékombo yé Ɔ́lolómɛ̄.

Elōg-Kɔlínto 1 6:6

Nɛ̄-láá linyaŋ lí éɓasɛ lí ŋga lá li sɔ́mhan é?, Á véé ki, á yóg ɓot bí ŋgá yéɓe ɓé la Ɔlolómɛ̄!

Elōg-Tésaloníka 1 4:6

Á yé ɛ́ ŋga légɓe mpuŋgú á ndeŋg la ɓondígá ma sɔ́lé ɓɛ́nɛ li laga, mut tɔ wa āh nyɛɛ ɓé lí kwɛ́m lí mɔɔ́nɛ́sāŋ tɔ li ɓɔŋ lí nyɛ aɓé átɔm nɛ́, Nyɔ́ŋ-Ɛsáŋɛ́ ag kɔ́ghɛ ɓaɓɔŋ míŋ mam mísɛ, kaa yé bi lagléé la li yīgyɛ lí ɓɛ́nɛ.

Títo 3:2

Yáh nyɛɛ ɓé lí óŋo lí mut tɔ wa, ɛ́ pún mómo, ɛ́ ɓɛ́ ɓot bí nsaŋ, ɛ́ ɓɛ́ ewú-m̀mím eceg sig á ŋgwáāg ɓot bísɛ.

Elōg-Hébɛl 12:25

Nyɔŋán lítāt, miníh púnúg ɓé lí ámble lí nyɔ́ la nyɔ́ a ŋga pɔ́tɛ ɓɛ́nɛ. Átɔm nɛ́, kíyáɓɛ́nɛ ɓɔɔ́n bí Íslāɛl ɓáh véé ɓé ékɔ́ghɛ eceg bí ŋgí pún lí ámble lí Móse kí ag ɓóŋyɛ ɓɔ́ mam mú á ŋkɔŋ-á-sí, ɛbuu-la-ŋgele yáŋvéé la ɓɛ́hɛ, kí bu pún lí ámble lí nyɔ́ a ŋga pɔ́thɛ́nɛ ɓɛ́hɛ á lóō é?

Elōg-Hébɛl 5:9

A óglé nɛ́-tɛ́ɛ ɔ yáan nyɔ́ a kɔɔ́ lí ɓɔŋ nɛ́ ɓot bísɛ bí ŋga ógle nyɛ́ bí kuh lísuŋga lí pɔ́gɔ́-pɔgɔ,

Yákop 2:20

Á énāān-ɛ́-mut yé, ɓaá, nyí vɔ́ŋɔ́ɔ ɔg sɔ́ŋtánɛ nɛ́ ŋyéɓé á ŋgíla misɔ́n á lɛ́ yɛ̄mɛ́ é?

Yákop 3:6

Ɔɔ, ɔlémb vɔ́g ví lɛ́ nzáan, etɔ yé míɓē. Vɔ́g ví lɛ́ á nsɔŋgí á bíjo byáhá bí nyúū, ví lɛ́ njɔm miɓé máhá. Ɔlémb víg koo nzáan á éniŋ yáhá ɛ́sɛ, nyíŋ nzáan ɛg sɔ́le ja á éɓēl ɛ́ nzáan yɔ́-mɛ̄n.

Pétlos 1 2:23

Nyɛ́ mut ɓá óŋo, ah timanɛ ɓé lióó tɔ já, átē á esɔghe yɛ́ɛ́ āh pɔ́t ɓé mut eɓaŋgá éɓē, ndí a ŋgí tíi jā ndag la Ɔlolómɛ̄ nyɔ́ a lɛ ŋ̀kááhɛ a tɛ́ɛ́ sim.

Pétlos 1 3:9

Miníh timkágánɛ́ ɓé aɓé ányúū aɓé, tɔ lióó ányúū lióó. Á mveŋghanɛ́, lómblán, átɔm nɛ́ ányúū náŋ nɛ́ maná yáŋlɛ, nɛ́ ndí miní kuh ndómbo Ɔlolómɛ̄ a kákānɛ̄ ɓɛ́nɛ.

Yohánɛs 1 2:9

Tɔ nzáá a ŋga lága nɛ́ a lɛ átē a mipúú, ndí ag síŋgɛ mɔɔ́nyāŋ, ɛnɛ a ŋgí lɛ átē á livito.

Yohánɛs 1 3:10

Jam lí ŋga ɓɔ̄ŋ nɛ́ bí lem ɓɔɔ́n bí Ɔ́lolómɛ̄ la ɓɔɔ́n bí ǹsɔhɔ li lɛ́ nɛ́, nyɔ́ la nyɔ́ a ŋgá ɓɔŋ ɓé yé ɛ́ tɛ́ɛ́ sim, tɔ li diŋ lí mɔ́ɔ̄nyāŋ a sē ɓé nyɔ́ a Ɔlolómɛ̄.

Yohánɛs 1 5:16

Kíyáɓɛ́nɛ mut a ɛ́n mɔ́ɔ̄nyāŋ ag ɓɔŋ aɓé, nyú á ŋgá óm ɓé nyɛ á nyɛ̄mb, a kánɛ̄, Ɔlolómɛ̄ ag kɛ lí tíi lí mɔ́ɔ̄nyāŋ eniŋ, kíyáɓɛ́nɛ, aɓé nyɔ́ŋ a ɓɔ̄ŋ á ŋgá óm ɓé kɔɔ nyɛ́ á nyɛ̄mb. Aɓé wá á lɛ̄ nyú á ŋga óm á nyɛ̄mb, ah ányúū wɔ́ ɓé nɛ mi ŋga lága nɛ́ bí kánɛ̄.

Yúde 1:9

Ndí tɔ Míkaɛ̄l ŋ̀kanʼyɛ áŋgɛl, āh ɓɔŋ ɓé nāŋ á míkālá mɛ́ɛ́ la ǹsɔhɔ, eceg bí ŋgí suŋan m̀bim á Móse. Āh cege ɓé nyɛ li óŋo eceg bí ŋgí kwámblān, ndí a lagléé ja nɛ́: «Nyɔ́ŋ-Ɛsáŋɛ́ nyɛ́-mɛ̄n a kɔ́ghɛ́ wa!»

Biyɛ́ɛ́léné 20:14

Váŋ nɛ́ ɓá lɛŋgɛ́ nyɛmb la ŋkɔŋ á ɓádūgu á ébúle yé nzáan. Ebúle yé nzáan nɛ́ ɛ́ lɛ nyɛmb ya yáhɛ́ ɛ́ɓáa nyí ya tíile!