Matéus 5:15 - Esaa-líat ɛ́ péná

¹⁵ Bí ŋgá koo ɓé étūlkáŋ, á lí bútyɛ lí yɔ mɔɔ́n ésɛɛ; ndí bíg cɛɛ yɔ́ á lóō, á lí ɓɔŋ nɛ́ ɛ́ paayé ɓá bísɛ bí lɛ́ á ndáá.

Matéus 5:15 ပူးပေါင်းရင်းမြစ်များ

Málkus 4:21

Yésus ɔ laga sīg-pɛ ɓɔ́ nɛ́: «Ɓaá mut ag koo etúlkáŋ ndí á bútyɛ́ yɔ mɔɔ́n ésɛɛ tɔ nɛ a vá yɔ á sí ekaga é? Ɓaá a ŋgá cɛɛ ɓé ja yɔ́ á lóō é?

Lúkas 11:33

«Mut tɔ wa a ŋgá koo ɓé étūlkáŋ ndí a sɔ́ɔ́ yɔ́; á mveŋghanɛ́, ag cɛɛ ja yɔ́ á lóō á li ɓɔŋ nɛ́ ɓáŋ bísɛ bí ŋga níŋgi bí ɛ́n mipúú.

Lúkas 11:36

Kíyáɓɛ́nɛ nyuú yɔ́ɔ ɛsɛ̄ ɛ lɛ átē á mipúú, ŋgíla ɔnɛ́g ví lívito, ɛg kɛ li ɓɛ́ yɔ ɛsɛ̄ á mipúú ákaa á eceg etúlkáŋ ɛ́ ŋga páɛ wa la mipúú mɛ́ɛ́.»

Lúkas 8:16

«Mut tɔ wa a ŋgá koo ɓé étūlkáŋ ndí á bútyɛ́ yɔ, tɔ nɛ́ a tɛ́ɛ́yɛ́ yɔ á sí ekaga; á mveŋghanɛ́, bíg cɛɛ yɔ́ á lóō, á lí ɓɔŋ nɛ́ ɓot bí ŋga níŋgi bí ɛ́n mipúú.

Elōg-Fílípi 2:15

á lí ɓɔŋ nɛ́ miní ɓɛ́ ŋgíla njɔm, miní ɓɛ́ mipúú, la nɛ́ miní ɓɛ́ ɓɔɔ́n bí Ɔlolómɛ̄, ɓá bí lɛ́ ŋgíla ɔnɛ́g átē a nyí nyɔŋɔn ɓot bí kɔ́tɛ́ la nyí nyɔŋɔn eɓé, ápah miní ŋga kɛ́ li paa ákaa mipúú á ŋkɔŋ-á-sí,

Elōg-Hébɛl 9:2

Ányúū náŋ, líndūm lí óŋɓɛ́ɛ, jé lí káaɓɛ́ɛ bipah bíɓáa. Epah ɔ́sū ɛ́ ŋgí yáŋlɛ nɛ́ ndugá púán, ápah etɛ́ɛ́yéné yé patí bí bítūlkáŋ ɛ́ ɓɛ́ɛ́, elɔŋ la téɓeli ndí la bikɔgá ɓá sɛmlé Ɔ́lolómɛ̄.

Biyɛ́ɛ́léné 2:5

Ɔ́ŋɔ́ hɔ́ ápah wa ɓógye ndí wu kū; veŋé éniŋ, timán á mísɔ̄n mɔ́ɔ ɔ ŋgí ɓɔŋ kwaŋ. Ah la náŋ ɓé, mag lɛ́ŋle wa, kí má kɔ́p nɛ wāh veŋe ɓé éniŋ, mag ɓógtɛ etúlkáŋ yɔ́ɔ ápah ɛ́ lɛ̄.