Matéus 5:14 - Esaa-líat ɛ́ péná

¹⁴ Ɓɛ́nɛ nɛ́ miní lɛ́ mípūū mí ŋkɔŋ-á-sí. Tísɔn nyí ɛ kahɛ́ á lóō lí ɔ́kolá ɛ ŋgá sɔlɔ ɓé.

Matéus 5:14 ပူးပေါင်းရင်းမြစ်များ

Yohánɛs 12:36

Eceg miní ŋgí byɛ́ɛ̄ mípūū, miní yéɓé la mipúú, á lí ɓɔŋ nɛ́ miní yáan ɓɔɔ́n bí mípūū.» Ɛnɛ́ Yésus a manɛ́ ɓɔ li laga náŋ, ɔ ɓógo váŋ, ɔ sɔ́lɔ.

Yohánɛs 5:35

Yohánɛs Ǹtíi-nzoɓan a ɓɛ́ɛ́ etúlkáŋ bí ŋga kóo la yɔ́ yá páa, ndí ɓɛ́nɛ, munú somó ja li kɔn li mívag la mipúú mɛ́ɛ́ ányúū pupúhú eceg.

Yohánɛs 8:12

Ámbúh náŋ, Yésus ɔ laga sīg-pɛ jéŋ límut nɛ́: «Ma nɛ́ mi lɛ mípūū mí ɓot bí ŋkɔŋ-á-sí Nyɔ́ la nyɔ́ a ŋga ōŋ ma a ŋgá kɛ ɓé lí wɛɛhɛnɛ á lívito, ag ɓɛ́la mipúú mí ŋga tíi eniŋ.»

Yohánɛs 9:5

La náŋ, kasig mi ŋgí lɛ á ŋkɔŋ-á-sí, mi lɛ mípūū mí ɓot bí ŋkɔŋ-á-sí.»

Elōg-Kɔlínto 2 6:14

Miníh byáŋág ɓé élɔŋ la ɓot bí ŋgíla ŋyéɓé. Ɓaá wɔɔ́wɔ́ɔ ŋ̀atanɛ́ a lɛ á póla etɛ́l-sim la aɓé é? Á póla mipúú la livito é?

Elōg-Fílípi 2:15

á lí ɓɔŋ nɛ́ miní ɓɛ́ ŋgíla njɔm, miní ɓɛ́ mipúú, la nɛ́ miní ɓɛ́ ɓɔɔ́n bí Ɔlolómɛ̄, ɓá bí lɛ́ ŋgíla ɔnɛ́g átē a nyí nyɔŋɔn ɓot bí kɔ́tɛ́ la nyí nyɔŋɔn eɓé, ápah miní ŋga kɛ́ li paa ákaa mipúú á ŋkɔŋ-á-sí,

Elōg-Tésaloníka 1 5:5

Ányúū nɛ, ɓɛ́nɛ bísɛ miní lɛ́ ɓot bí mípūū, ɓot bí nzámuh. Bi sē ɓé ɓot bí díɓe tɔ ɓá bí lívito.

Biyɛ́ɛ́léné 1:20

Á yé ɛ́ ŋga légɓé mbaŋ nyí atɛ́ nzambúwá nyú wa ɛ́n á wɔ́ wáma á m̀ɓɛ́nlómɛ la bitúlkáŋ bí góol nzambúwá, náŋ ag kɔplɛ nɛ́: atɛ́ nzambúwá á lɛ áŋgɛl nzambúwá nyí bíɓasɛ, bitúlkáŋ bí góol nzambúwá ki bú ɓɛ́ Bíɓasɛ nzambúwá.»

Biyɛ́ɛ́léné 2:5

Ɔ́ŋɔ́ hɔ́ ápah wa ɓógye ndí wu kū; veŋé éniŋ, timán á mísɔ̄n mɔ́ɔ ɔ ŋgí ɓɔŋ kwaŋ. Ah la náŋ ɓé, mag lɛ́ŋle wa, kí má kɔ́p nɛ wāh veŋe ɓé éniŋ, mag ɓógtɛ etúlkáŋ yɔ́ɔ ápah ɛ́ lɛ̄.