Matéus 4:22 - Esaa-líat ɛ́ péná

²² Á ékūyá-kúyá, bú yíg ɛ́sāŋɛ́ wāɓá la m̀ɓoŋgó, bú ōŋ Yésus.

Matéus 4:22 ပူးပေါင်းရင်းမြစ်များ

Matéus 10:37

Nyɔ́ la nyɔ́ a ŋga dīŋ ɛsáŋɛ́ tɔ nyaŋɛ́ li loo lí ma, ah kɔ́ɔ́ ɓé nɛ́ a ɓɛ́ la ma; nyɔ́ la nyɔ́ a ŋga díiŋ mɔɔ́n wɛ́ɛ̄ á páam tɔ ŋgɔn yɛ́ɛ̄ li loo li ma, ah kɔ́ɔ́ ɓé lí ɓɛ́ la ma.

Matéus 4:21

Ɛnɛ́ a kɛ̄ sīg-pɛ ɔ́sū, ɔ ɛ́n línyaŋ líɓáa litám, Yákop la Yohánɛs ɓɔɔ́n bí Zebedéo, bí tɔ́ɔ̄ á m̀ɓoŋgó wáɓá elɔŋ la ɛsáŋɛ́ wāɓá, bíg téétɛ bipéha byáɓá, ɔ yáŋa ɓɔ.

Matéus 4:23

Yésus ɔ ɓōtlé lí wɛɛ á Galiléa ɛsɛ̄, ag yéglɛ á ndáá-míɓomán yáɓá; ag lɛgɛ Pɔ́l M̀ɓɛɛŋ nyí Likanʼyɛ lí Ɔ́lolómɛ̄, ag manɛ ɓot bí lílōm ákɔn ásɛ la jóō nɛ elɛ́m yé ɛ́ ɓɛ́ɛ́ ɓot á nyúū.

Málkus 1:20

ɔ yáŋa ɓɔ; bú yíg ɛsáŋɛ́ wāɓá á m̀ɓoŋgó la ɓaɓɔŋle, bú ōŋ Yésus.

Lúkas 14:26

«Nyɔ́ la nyɔ́ a ŋga ōŋ ma, a nyɛ́ɛ li cóó lí ɛsáŋɛ́, nyaŋɛ́, ŋ̀gáá wɛ́ɛ́, ɓɔɔ́n ɓɛ́ɛ́, elōgnyāŋ yé páam la yé ɓondígá, ndí la eniŋ yɛ́ɛ́ nyɛ́-mɛ̄n ki. Ah la náŋ ɓé, a sē ɓé nɛ a la li ɓɛ́ lí ŋ̀yége wama.

Lúkas 14:33

Ányúū náŋ, tɔ nzáá átē wāná a ŋgá cóó ɓé yéé ɛ́sɛ a byɛ́ɛ́, a ŋga la ɓé li ɓɛ́ lí ŋ̀yége wama.»

Lúkas 5:11

La ɓɔ́ bú cág míɓoŋgó á sí, bú cóó byoóm bísɛ, bú ōŋ nyɛ.

Elōg-Kɔlínto 2 5:16

Ányúū náŋ hɔ́ nɛ, li ɓotle nyí vɔ́ŋɔ́ɔ, bi ŋgá ɛ́n ɓé pɛ ɓɛ́hɛ mut tɔ wa ákaa ɓot bí nyí sí ɓɔ́ bí ŋga ɛ́n. Mbálɛ nɛ́, á kwākwáŋɛ bií ŋgí ɛ́n Nyɔ́-a-Pɔ́hlɛ ákaa ɓot bí nyí sí ɓɔ́g bí ŋgí ɛ́n nyɛ́, ndí nyí vɔ́ŋɔ́ɔ bi ŋgá ɛ́n ɓé pɛ ɓɛ́hɛ nyɛ́ náŋ.