Matéus 4:13 - Esaa-líat ɛ́ péná

¹³ Ɔ yíg Názalɛt, ɔ kɛ́ lí tɔɔ á Kafalnáum, tísɔn ɛ lɛ̄ á ŋgwáāg túwɛ, á míkɔŋ mí Zabúlon la mí mí Neftália,

Matéus 4:13 ပူးပေါင်းရင်းမြစ်များ

Matéus 11:23

Wa ki, á Kafalnáum, ɔg ɔ́ŋɔ nɛ́ ɔg kɛ li ɓét tɛɛla á lóō é? Ɔg naaɓan, ɔg kɛ li suh nɛ́-tɛ́ɛ la á ŋkɔŋ á ɓá ɓá wū! Átɔm nɛ́ ki ɓɔŋ nɛ́ bínanaŋga bí mam byá loolé á yóg yɔ́ɔ bí lóolege á Sódom, kí nyíŋ tísɔn ɛ ŋgí tɛ́ɛ tɛɛla lɛn.

Matéus 17:24

Eceg Yésus la ɓayége ɓɛ́ɛ́ bí sɔ́ɔ́ á Kafalnáum, ɓot bí ŋgí ɓat táas nyí ndáá-ēcɛ́ŋ-Ɔlolómɛ̄ bú sīŋglé Pétlos á ŋgwáāg, bú ɓāt nyɛ nɛ́: «Ɓaá, ŋ̀yéglɛ waná a ŋgá sála ɓé táas nyí ndáá-ēcɛ́ŋ-Ɔlolómɛ̄ é?»

Matéus 4:14

á lí ɓɔŋ nɛ́ yé Ésáya m̀pɔ́tle-a-Ɔlolómɛ̄ a lagléé ɛ́ yáal. A pɔ́tɔ́ɔ́ nɛ́:

Matéus 4:15

Á ŋkɔŋ á Zabúlon la á ŋkɔŋ á Neftália, ɓɛ́nɛ miní lɛ́ á nzen túwɛ, ɓɛ́nɛ bikombo bí nyúŋú mií á lɔm lí Yɔ́ldan, Galiléa nyí milómɛ mí sē ɓé ɓɔ́ɔ̄n bí Élōg-Yúda!

Matéus 9:1

Yésus ɔ ɓét hɔ́ á m̀ɓoŋgó, ɔ yáɓé sīg-pɛ ebúle la nyɛ́ ɔ tímān á tísɔn yɛ́ɛ̄.

Málkus 1:21

Eceg Yésus la ɓayége ɓɛ́ɛ́ bí kɛ̄nɛ́ɛ́ á Kafalnáum, á ɔlɔ́ ví évɛɛɓan ví Élōg-Yúda, ɔ níŋgí á ndáá-miɓomán, ɔ ɓōtlé li yéglɛ.

Málkus 2:1

Ámbúh puh álɔ̄, Yésus ɔ tímān á Kafalnáum, ɓot bú ámblé nɛ a lɛ váŋ.

Lúkas 10:15

Wág ki á Kafalnáum, ɔg ɔ́ŋɔ́ɔ nɛ́ ɔg kɛ li ɓét tɛɛla á lóō é? Ɔg yɛ́ɛ, ɔg kɛ li suh nɛ́-tɛ́ɛla á ŋkɔŋ á ɓá ɓá wū.

Lúkas 4:23

La Yésus ɔ pélē nɛ: «Mag yí nɛ́ miníg kɛ ma li kanɛ lí nyí ŋgan nɛ́: ‹Á ǹtála-ɓakɔɔ́kɔn, tálá hɔ́ wā-mɛ̄n. Ɓaá ámblé yé ɛ́sɛ yá lóō á Kafalnáum, ɓɔ̄ŋ nlemlem á jam vá á ŋkɔŋ wɔ́ɔ.›»

Yohánɛs 2:12

Ámbúh náŋ, ɔ suh á Kafalnáum elɔŋ la nyaŋɛ́, elōgnyāŋ la ɓayége ɓɛ́ɛ́ ápah bí tɔɓéé ja puh álɔ̄.

Yohánɛs 4:46

Yésus ɔ tímān hɔ́ á tísɔn nyí Kána á Galiléa, ápah a yaanɛ́ɛ mindím mílɔg. Ŋ̀kanʼyɛ nlɔŋ á sónja wa nyɔ́ a káísa a ɓɛ́ɛ́la mɔɔ́n-á-páam nyɔ́ a ŋgí kɔn á Kafalnáum.

Yohánɛs 6:17

Bú ɓét á m̀ɓoŋgó, bú ɓēhé á nyúŋú mií á ébúle li kɛ á Kafalnáum. Livito lú kū, kí Yésus āh ŋkɔ́pɔ́g ɓé ɓɔ.

Yohánɛs 6:24

Ɛnɛ́ ɓot ɓá sɔm nɛ́ Yésus tɔ ɓayége ɓɛ́ɛ́ bí sē ɓé pɛ váŋ, bú ɓét á míŋ míɓoŋgó, bú kɛ́ nyɛ́ lí somo á Kafalnáum.

Yohánɛs 6:59

Náŋ nɛ́ Yésus a ŋgí yéglɛ á ndáá-miɓomán nyí Kafalnáum.