Matéus 3:17 - Esaa-líat ɛ́ péná

¹⁷ Váŋ nɛ́ cíŋ ya sɔ́lé á lóō yú lágá nɛ: «Nyɔ́ nɛ́ a lɛ̄ edidíŋɛ yáma Mɔɔ́n, nyɔ́ ma ɛ́n m̀ɓɛɛŋ nɛ́ mi pɔ́hɔ́.»

Matéus 3:17 ပူးပေါင်းရင်းမြစ်များ

Matéus 12:18

«Nyɔ́ nɛ́ a lɛ m̀ɓɔŋle wama ma pɔ́hɔ, nyɛ́ nɛ́ mi ŋga dīŋ, nyɛ́ nɛ́ ma ɛ́n m̀ɓɛɛŋ li pɔhɔ, mag suhɛnɛ nyɛ́ M̀búl wáma, ag kɛ li yéglɛ lí mílōm yé ɛ́ tɛ́ɛ́ sim.

Matéus 17:5

Kasig a ɓɛ́ɛ́ a ŋgí pɔ́tɔg, mbaga ɛ ŋga páa yu bútyɛ́ ɓɔ, la cíŋ yu pámlé muŋ, yu lága nɛ: «Nyɔ́ nɛ́ a lɛ édidíŋɛ yáma Mɔɔ́n, nyɔ́ ma dīŋ lí pɔhɔ. Miní óglé nyɛ́!»

Málkus 1:11

Váŋ nɛ́ cíŋ ya sɔ́le á lóō yú lága nɛ: «Ɔ lɛ edidíŋɛ yáma Mɔɔ́n, nyɔ́ ma pɔ́hɔ.»

Málkus 9:7

Mbaga yu sūh, yu bútyɛ́ ɓɔ́, váŋ nɛ́ cíŋ ya pámléné múŋ á nyíŋ mbaga, yu yó nɛ: «Nyɔ́ nɛ́ a lɛ édidíŋɛ yáma Mɔɔ́n, miní óglé nyɛ́!»

Lúkas 3:22

M̀búl Mpúán a sūhlé nyɛ́ mbunán la ɔɓeŋ. Váŋ nɛ́ cíŋ ɛ sɔ́léné á lóō, yu lága nɛ: «Wa nɛ ɔ lɛ mɔɔ́n wama, nyí lɛn nɛ́ ma byál wa.»

Lúkas 9:35

Váŋ nɛ́ cíŋ ya pámléné muŋ á nyíŋ mbaga, yu yó nɛ: «Nyɔ́ nɛ́ a lɛ̄ Mɔ́ɔ̄n wama, nyɔ́ ma pɔ́hɔ, miní óglé nyɛ́!»

Yohánɛs 5:20

Kasig Etāa a ŋga dīŋ Mɔɔ́n, jɔ́ nɛ a ŋga étɛ nyɛ́ byoóm bísɛ a ŋga ɓɔ̄ŋ. Ag kɛ sīg-pɛ nyɛ́ lí étɛ lí mísɔ̄n mícɛ̄ŋ mí ŋga lōo mí, á lí nyágɛ lí ɓɛ́nɛ.

Yohánɛs 5:37

Etāa nyɔ́ a óm ma nyɛ́-mɛ̄n a tí mbóŋ yama. Ndí, m̀ɓá-mɓá manáh ámble ɓé cíŋ yɛ́ɛ̄ tɔ li ɛ́n lí asú wɛ́ɛ́.

Elōg-Éféso 1:6

Bi lɔ́ŋgɛ́ hɔ́ lipém lí Ɔlolómɛ̄, ányúū taŋ míkaale a tí ɓɛ́hɛ la m̀mím nláám á ŋ̀atanɛ́ wāhá la edidíŋɛ yɛ́ɛ́ Mɔ́ɔ̄n Yésus Kilístus.

Elōg-Kólóso 1:13

Ɔlolómɛ̄ a ɓógtɛ́ ɓɛ́hɛ á ŋguu nyí livito, la nyɛ́ ɔ níŋgɛ́ ɓɛ́hɛ á ékombo yé edidíŋɛ yɛ́ɛ́ Mɔ́ɔ̄n.

Pétlos 2 1:17

Átɔm nɛ́, Etāa Ɔlolómɛ̄ a tí nyɛ adit la lipém, eceg cíŋ Ɔlolómɛ̄ ɛ sɔ́léé á épapáɛ mbaga, yu lagá nɛ: «Nyɔ́ nɛ́ a lɛ édidíŋɛ yáma Mɔ́ɔ̄n, nyɛ́ nɛ́ ma dīŋ lí pɔhɔ.»

Yohánɛs 1 5:9

Kíyáɓɛ́nɛ biíg yéɓe mbóŋ nyí ɓot-bí-bínam, yíán nɛ́ nyí Ɔlolómɛ̄ ɛ lɛ́ taŋ, átɔm nɛ́, mbóŋ Ɔlolómɛ̄ ɛ lɛ nyí a tí, ányúū Mɔ́ɔ̄n wɛ́ɛ̄.

Biyɛ́ɛ́léné 14:2

La ma mu ámblé cíŋ ɛg sɔ́le á lóō, ákaa eduŋgú yé mínɔŋgɔ́ mí túwɛ, ákaa mbámká nyí mbambat, Cíŋ mi ŋgí ámble ɛ́ ɓɛ́ɛ́ ákaa yaá yé ɓálɔ́ŋgɛ-ŋgoso kí bíg kut andende wáɓá.