Matéus 28:6 - Esaa-líat ɛ́ péná

⁶ A sē ɓé vá, átɔm nɛ́ a pāhye ákaa a lagléé. Sɔ́án miní légɓé ápah a mɓɛ́ á náŋɛ.

Matéus 28:6 ပူးပေါင်းရင်းမြစ်များ

Matéus 12:40

Nlemlem kaa Yónas a tɔɓéé á líbum lí kɔh ecɛ́ŋ míɓe míŋháa la nzámuh ɛ́ŋháa á sí mindím, náŋ ki nɛ́ Mɔɔ́n Mut a ŋga kɛ́ li tɔɔ míɓe míŋháa la nzámuh ɛ́ŋháa á sí-ntím.

Matéus 16:21

Váŋ á yéŋ eceg nɛ́ Yésus Kilístus a ɓōtlé lí yéglɛ lí ɓáyēge ɓɛ́ɛ́ nɛ́, ɛ́g somlɛ nɛ́ a ɓét á Yélūsalɛm, ɓacɛ́ŋ bí lílōmɛ, ɓakanʼyɛ ɓatíi-nsúlé la ɓayí-mbéndá bí teeŋgɛ́ nyɛ́ ŋgandag, bí ólhánɛ nyɛ́, ndí á ɔ́lɔ̄ vá yáhɛ áŋháa a páhyé.

Matéus 17:23

Bíg kɛ nyɛ́ lí ól, ndí ag kɛ li pahye á ɔ́lɔ̄ vá yáhɛ áŋháa.» Náŋ ɔ lóohánɛ́ ɓɔ li teeŋgɛ.

Matéus 17:9

Á mísuh máɓá mí ɔ́kolá, Yésus ɔ ɓéhyɛ́ ɓɔ nɛ́: «Miníh laglág ɓé tɔ mut jam maná ɛ́n, nɛ́-tɛ́ɛ Mɔɔ́n Mut a pāhye átē a ɓá ɓā wú.»

Matéus 20:19

bí núŋú nyɛ́ á yóg ɓot bíh byɛ́ɛ́ ɓé ŋyéɓé la Ɔlolómɛ̄ á lí ɓɔŋ nɛ́ bí ɔl nyɛ́, bí lɔ́g nyɛ́ áso, bí tōmó nyɛ́ á mbásá ndí, á ɔ́lɔ̄ vá yáhɛ́ áŋháa a páhyé.»

Matéus 27:63

Bú lāgá nyɛ̄ nɛ́: «Ɛtáŋɛ, ɓaá ɔ́ŋɔ jam já nɛ̄, eceg nyɔ́ m̀ɓegminaŋga a ɓɛ́ɛ́ á éniŋ, a lagléé nɛ́: ‹Á ɔ́lɔ̄ vá yáhɛ́ áŋháa mag kɛ li pahye.›

Málkus 16:6

Ndí nyɛ́ ɔ laga ɓɔ́ nɛ́: «Miníh kɔnɔ́g ɓé woŋ! Ɓaá miníg somo Yésus nyɔ́ a Názalɛt, nyɔ́ ɓá tomó á mbásá é? A pāhye, a sē ɓé vá. Léɓyán, voóm bí nāntɛ́ɛ m̀bim wɛ́ɛ́ nyɔ́.

Málkus 8:31

Ámbúh náŋ, Yésus ɔ ɓōtlé li yíhɛ lí ɓáyēge ɓɛ́ɛ́ nɛ, ɛ́g somlɛ nɛ́ Mɔɔ́n Mut a táká ŋgandag; ɓacɛ́ŋ bí Élōg-Yúda, ɓakanʼyɛ ɓatíi-nsúlé la ɓayí-mbéndá bí ɓen nyɛ́, bí óm nyɛ́ á nyɛmb ndí á ɔlɔ́ vá yáhɛ áŋháa a páhyé.

Lúkas 24:12

Váŋ nɛ́ Pétlos a tɛ́lɛ ɔ ɓól m̀bíí li kɛ á sɔŋ. Ɛnɛ́ a pám wóŋ, ɔ úlɓan, ɔ ɛ́n ja mbɔ́ŋ yɔ́-ntámɛ́ la nyɛ́ ɔ nyɔŋ yɛ́ɛ̄ nzen, ɔ nyág la yé ɛ́sɛ a ɛ́n.

Lúkas 24:23

ɓáh kɔ́p ɓé m̀bim á Yésus, bú sɔ́ li laga nɛ́ ɓá ɛ́n yágá ki áŋgɛl yí yá lagá ɓɔ nɛ́ Yésus a lɛ á éniŋ.

Lúkas 24:44

Ámbúh náŋ ɔ lága ɓɔ nɛ́: «Biɓaŋgá mi ŋgí laga ɓɛ́nɛ eceg bi ɓɛ́ɛ́ bi ŋgí lɛ élɔŋ byɔ́ bí nɛ́: ɛ́g somlɛ nɛ́ yé ɛ́sɛ yá ciiɓɛ́ ányúū yama á Mbéndá Móse, á kálati yí ɓápɔ́tle-bí-Ɔ́lolómɛ̄ la á kálati byaá ya nyɛɛ li yál.»

Yohánɛs 10:17

Etāa ag diŋ ma ányúū nɛ mag tíi eniŋ yáma, nɛ́ ndí mi nyɔ́ŋ yɔ́ ámbúh eceg.

Yohánɛs 2:19

Yésus ɔ pélē mɔ nɛ́: «Búgán nyí ndáá-ēcɛ́ŋ-Ɔlolómɛ̄, li pám lí álɔ̄ áŋháa, mag kɛ yɔ li tɛ́ɛ́yɛ.»

Misɔ́n mí Ɓáōmɓɛ 2:24

Ndí Ɔlolómɛ̄ a pahyɛ́ɛ́ nyɛ́, ɔ ɓógtɛ́ nyɛ á átē á ésɔghe yé nyɛ̄mb átɔm nɛ́, nyɛmb ɛh ɓɛ́ɛ́la ɓé ŋguu li byee lí nyɛ.