36 la ɓɔ́ bú tɔ́ɔ̄ váŋ á lí légɓe lí nyɛ.
Bú cií njɔm ekɔ́ghɛ yɛ́ɛ́ ɛ́ nyɛmb á lóō jɛ́ɛ́ lí m̀mú nɛ́: «Nyɔ́ nɛ́ a lɛ Yésus, Káísa nyí Elōg-Yúda.»
Ɛnɛ́ ŋ̀kanʼyɛ a nlɔŋ á éɓōgo sónja la ɓatát Yésus bí ógtáán kaa sí ya póghan, bú ɛ́n ki kaa mam mí ŋgí loo, bú nát la woŋ la ɓɔ́ bú pɔ́t nɛ: «La mbálɛ, nyɔ́ mut a mɓɛ́ kɔɔ Mɔɔ́n Ɔ́lolómɛ̄!»
Ŋ̀kanʼyɛ a nlɔŋ á eɓógo sónja a ɓɛ́ɛ́ a tɛ́ɛ́ ɔ́sū ví Yésus, ɛnɛ́ a ɛ́n ákaa a páte, ɔ pɔ́t nɛ: «La mbálɛ, nyɔ́ mut a mɓɛ́ kɔɔ Mɔɔ́n Ɔlolómɛ̄.»
Piláto ɔ nyág nɛ́ Yésus a vóó lí wú. Váŋ nɛ́ a óm nɛ bí yáŋá nyɛ́ ŋ̀kanʼyɛ nlɔŋ á éɓōgo sónja á li ɓat lí nyɛ kíyáɓɛ́nɛ Yésus a wú yɔŋ.
