Matéus 26:25 - Esaa-líat ɛ́ péná

²⁵ Váŋ nɛ́ Yúdas, mut a ŋgí kɛ nyɛ́ li nuŋu a nyɔ̄ŋ mpɔ́t ɔ ɓāt nɛ: «Á ŋ̀yéglɛ, ɓaá ma é?» Yésus ɔ tímānɛ̄ nyɛ̄ nɛ́: «Wā-mɛ̄n nɛ́ wa pɔ́t jɔ!»

Matéus 26:25 ပူးပေါင်းရင်းမြစ်များ

Matéus 23:7

Bíg diŋ nɛ́ ɓot bíg tama ɓɔ́ á ɓávoóm bí líŋgīndá, la li yáŋlɛ nɛ́: ‹Ŋ̀yéglɛ›.

Matéus 23:8

Ndí ɓɛ́nɛ, miníh ɓɔŋɔ́g ɓé nɛ miní yáŋlɛ́ nɛ́ ‹ŋ̀yéglɛ›, átɔm nɛ́ miní byɛ́ɛ́ ja Ŋ̀yéglɛ wāhwa, la ki nɛ́, ɓɛ́nɛ bísɛ miní lɛ́ línyaŋ.

Matéus 26:14

Wa á élɔŋ yé Jóom lí ɓáōmɓɛ la Bíɓáa bí ŋga yáŋa nɛ́ Yúdas Iskáliot, ɔ kɛ́ lí ɛ́n lí ɓákanʼyɛ ɓatíi-nsúlé,

Matéus 26:49

Á ékūyá-kúyá, Yúdas ɔ sīŋglé Yésus ɓɛɓɛ, a byɛ́la nyɛ́ nɛ́: «Lábi ma táma wa á!» La nyɛ́ ɔ óóɓé nyɛ.

Matéus 26:64

Yésus ɔ pélē nyɛ̄ nɛ́: «Wa nɛ́ wa pɔ́t nāŋ, jɔ́ nɛ́, mag laga ɓɛ́nɛ nɛ́, li ɓotle la lɛn miníg kɛ li ɛ́n lí Mɔ́ɔ̄n Mut a tɔ́ɔ̄ á m̀ɓɛ́nlómɛ á Ɛsáŋɛ́ á Ŋguu-Mísɛ ápah a ŋga kɛ́ li sɔ́le á lóō átē á mbaga.»

Matéus 27:11

Bú kɛ́lā Yésus ɔ́sū ví gɔ́mna licɛ́ŋ Piláto. Gɔ́mna licɛ́ŋ ɔ ɓōtlé nyɛ li bihi, aá la nyɛ́ nɛ́: «Ɓaá wa nɛ́ ɔ lɛ káísa nyí Elōg-Yúda é?» Yésus ɔ pélē nyɛ nɛ́: «Wa nɛ́ wa pɔ́t jɔ!»

Lúkas 22:70

Ɓɔ́ bísɛ bú yó nɛ: «Ɔ lɛ hɔ́ pɔ́n Mɔ́ɔ̄n Ɔ́lolómɛ̄!» Yésus ɔ tímānɛ̄ ɓɔ́ nɛ́: «Ɓɛ́nɛ-mɛ̄n miní lɛ́ li yó nɛ́ mi lɛ nyɛ́.»

Yohánɛs 18:37

Piláto ɔ lága nyɛ nɛ́: «Ɔ lɛ hɔ́ káísa é?» Yésus ɔ pélē nyɛ nɛ́: «Wa nɛ́ ɔ ŋgɔ yó nɛ́ mi lɛ káísa. Ma byáa, mu sɔ́ á ŋkɔŋ-á-sí á lí tíi lí mbóŋ ányúū mbálɛ. Tɔ nzáá a lɛ mut a mbálɛ ag ámble yé mi ŋga lága.»

Yohánɛs 4:31

Á póla yéŋ eceg nɛ́ ɓáyēge bí Yésus ɓá váŋgɛ́ nyɛ li laga nɛ́: «Lábi, ŋ̀gɛ̄n dí puh jam.»