Matéus 24:7 - Esaa-líat ɛ́ péná

⁷ Átɔm nɛ́, jé lilóm líg kɛ li duhɛ lí jéŋé, yé ekombo ɛ́ dúhɛ̄ yéŋé. Á míkāh mí ŋkɔŋ-á-sí má, nzal ecɛ́ŋ ɛg kɛ li ɓɛ́, sí ɛg kɛ li póghan.

Matéus 24:7 ပူးပေါင်းရင်းမြစ်များ

Lúkas 21:11

Mpóghānɛ́ ǹcɛ́ŋɛ́ ag kɛ li ɓɛ́ á sí. Á míkāh má mí ŋkɔŋ-á-sí, akɔn aɓé la nzal bíg kɛ li ɓɛ́, mam mí ŋga kɔ́nhan woŋ la ndembye ecɛ́ŋ bíg kɛ li sɔ́le á lóō.»

Misɔ́n mí Ɓáōmɓɛ 11:28

Wa á elɔŋ yáɓá bí ŋga yáŋa nɛ́ Agábus, kaa M̀búl Mpúán á ŋgí wɛɛ la nyɛ́, ɔ yíhɛ nɛ́ nzal ecɛ́ŋ ɛg kɛ li ɓɛ́ á ŋkɔŋ-á-sí ásɛ. Náŋ a ɓɔ̄ŋɓɛ́ɛ eceg Kolóde a ɓɛ́ɛ́ Káísa ecɛ́ŋ.

Misɔ́n mí Ɓáōmɓɛ 2:19

Mag kɛ li ɓɔŋ lí bínanaŋga bí mam á lóō la minyáká mí ŋga kɛ́ li yégle lí ndembye á ŋkɔŋ-á-sí. Micii, nzáan la ŋkɔɔ á víta bíg kɛ li ɓɛ́.

Elōg-Hébɛl 12:27

Bí biɓaŋgá nɛ «ŋgele ya súgle» bíg yéglɛ nɛ́, byoóm byá vegɓɛ, bí bí ŋga lá li pógɛ bíg kɛ li nyɔ́ŋ, á lí ɓɔŋ nɛ́ bí bí ŋgá la ɓé lí pógɛ bí kōndyé lí ɓɛ́.

Biyɛ́ɛ́léné 6:12

La ma mu ɛ́n, eceg a kɔ̄pɔ́ éɓátan-ɛ́-ndembye yá yáhɛ́ bísáama, sí yu póghán ŋgandag vaŋgá vú vín ákaa mbɔ́tí miléna, la sóŋ yu vɛ́ɛ ákaa micii.

Biyɛ́ɛ́léné 6:5

Ɛnɛ́ a kɔ̄pɔ́ éɓátan-ɛ́-ndembye yá yáhɛ́ bíŋháa, mu ámblé éveglé yá yáhɛ bíŋháa ɛ́g lón nɛ́: «Sɔ́!» La ma mu ɛ́n evívínɛ vɔ́si; mut a ɓɛ́ɛ́ á tɔ́ɔ̄ yɔ á lóō a ɓɛ́ɛ́ á byɛ́ɛ likɔɓɔ á wɔ.

Biyɛ́ɛ́léné 6:6

La ma mu ámblé ɔ́ŋgɛn cíŋ nɛ́ ɛ ŋga pámle á póla biveglé bínáa, ɛg laga nɛ́: «Ɔvega ví bléya vá ányúū nsála á ɔlɔ́ ví nsɔ́n vá, avega áŋháa á mbóó ɛ ŋga púnan la bléya ki ányúū nsála á ɔlɔ́ ví nsɔ́n vá; ndí, ɔh siiɓágán ɓé míwūū tɔ milɔg.»

Biyɛ́ɛ́léné 6:8

La ma mu ɛ́n vɔ́si ɛ byɛ́ɛ̄ nsɔn á nzɔŋgɔ́ ɔwáá. Mut a ɓɛ́ɛ́ a tɔ́ɔ̄ yɔ á lóō a ɓɛ́ɛ́la joó nɛ «nyɛmb» ŋkɔŋ á ɓádūgu ki ag oŋ nyɛ́ á mbúh. Bú tí ɓɔ́ ŋguu nyí li kanʼyɛ li joga já até a moga mínáa mi ŋkɔŋ-á-sí; á lí ól lí ɓátɔɓene ɓɛ́ɛ́ la mboná, la nzal, la yé ɛ́sɛ ɛ́ ŋga sɔ́la nyɛmb, elɔŋ la tít éɓē ɛ́ ŋkɔŋ-á-sí ki.