Matéus 24:49 - Esaa-líat ɛ́ péná

⁴⁹ la nyɛ́ a ɓōtlé li ɓom lí míwāndá mɛ́ɛ́ mí nsɔ́n, ag dí, ag nyú la ɓot bí péa,

Matéus 24:49 ပူးပေါင်းရင်းမြစ်များ

Matéus 18:28

Ɛnɛ́ nyɔ́ŋ m̀ɓɔŋle a ɓógó á mbóg káísa, la nyɛ́ ɔ ɓómán la liwándá jɛ́ɛ́ lí nsɔ́n já, jé a ŋgí ɓāt eɓógo bípah bí kápa, ɔ kég nyɔ̄ŋ yag, ɓɛɓɛ la lí sɛ́m lí nyɛ mvɛɛɓan; ɔ yó nyɛ nɛ́: ‹Sálá ma epíl mi ŋga ɓāt wa.›

Matéus 24:48

Ndí, kíyáɓɛ́nɛ nyɔ́ŋ m̀ɓɔŋle a ɓɛ́ m̀ɓé, ndí a pɔ́t la m̀mím wɛ́ɛ́ nɛ: ‹Ɛsáŋɛ́-a-mitán ag bíŋhan li sɔ́›,

Matéus 24:50

ɛsáŋɛ́-a-mitán a nyɔ́ŋ m̀ɓɔŋle ag kɛ li sɔ́ á m̀bya a ŋgá laaŋke ɓé nyɛ, la á ŋgɛ́ŋ a ŋgá yí ɓé;

Matéus 7:15

Nyɔŋán hɔ́ lítāt la ɓapɔ́tle-bí-Ɔ́lolómɛ̄ bí mínaa, ɓá bí ŋga sɔ́ á ŋgwáāg yaná, bí jáhɛ mbɔ́tí nyí bíkogo bí mítōmbɛ́, ndí ki á átē wāɓá, bí lɛ́ nzɛ.

Yohánɛs 2:10

Váŋ nɛ́ a lága mut a lɔ́mɓan nɛ́: «Joó nɛ́ mut ag dúgu yágá lí pámɛ lí bílɔ̄ŋgɔ bí mílɔg, eceg ɓayáŋlɛ á ŋgand ɓá péé, ndí ɓá pámɛ hɔ́ mí máh loohan ɓé lí ɓɛ́ lí m̀ɓɛɛŋ. Ndí wá, wa náŋɛ̄ bílɔ̄ŋgɔ bí mílɔg tɛɛla vɔ́ŋɔ́ɔ!»

Elōg-Lóma 16:18

Ányúū nɛ́, ɓot kaa ɓɔ́ bí ŋgá sále ɓé Nyɔ́-a-Pɔ́hlɛ Ɛtáŋɛ wahá, ndí bíg sál ja ányúū mibum máɓá, la ki nɛ́ bíg yɛ́ɛ ɓot bí sē ɓé pɛɛ la bilɔ́ŋgɔ bí bíɓaŋgá, ndí la lɛɛ́-lɛ̄ɛ́ yáɓá mikwɛl mí mínaa.

Elōg-Kɔlínto 2 11:20

Miníg yéɓe nɛ́ bí yáanɛ́ ɓɛ́nɛ miyɔ́ŋ, nɛ́ bí tɔ́l ɓɛ́nɛ, nɛ́ bí ɔ́lɔ́ yé ɛ́sɛ miní byɛ́ɛ̄, nɛ́ bí yɔ́l ɓɛ́nɛ, nɛ́ bí lɔ́g ɓɛ́nɛ á ásū.

Elōg-Fílípi 3:19

Ɓáŋ bísɛ lísūg jáɓá líg kɛ lí ɓɛ́ lí m̀ɓɔ́lanɛ́. Mibum máɓá nɛ́ mí lɛ́ míloó máɓá, mam mí ŋga nyɛ́ɛ ɓɔ́ lí kɔnhanɛ lí mbɔɔla nɛ́ ɓɔ́ bí ŋga nyɔ̄ŋ ákaa lípēm jáɓá, ɓɔ́ ɓot ɓá vá jā mímīm á mam mí ŋkɔŋ-á-sí.

Pétlos 1 5:3

Miníh kɔgtégé ɓé ɓot ɓá tí ɓɛ́nɛ li tát ndí, ɓɛ́án ndembye eláám ányúū ɓot bí jéŋ liɓembá.

Yúde 1:12

Ɓáŋ ɓot yágá ki nɛ́ bí ŋga óŋlánɛ bipepá bí lídī byáná bí línyaŋ, ápah bí ŋga yáhɛ bisóá bí lídī nɛ̄ káŋ, ɓá sógɓán lídī la li mbaatan lí binyúnyú ɛ́h ɓɛ́ ɓé ɓɔ li kɔn lí ɔ́sɔ̄n. Bí lɛ́ kaa mbaga nyí ŋgíla mindím nɛ́ ŋgɔá ɛ ŋga vóóŋgɛ́ɛ. Bí lɛ́ kaa biéé bí bíh byɛ́ɛ́ ɓé mítām á éceg ɛ́ pumu, bí byá uulɛ la byɔ́ bú wú ŋgéle ɛ́ɓáa.

Biyɛ́ɛ́léné 13:7

Bú tí tít kundɛ li duhɛ lí ndog-Ɔlolómɛ̄ wélan la li dí lí yɔ cíŋ, bu tí yɔ likanʼyɛ lí mílōmɛ mísɛ, milóm mísɛ, mipɔ́t mísɛ la bikombo bísɛ.

Biyɛ́ɛ́léné 16:6

Kasig ɓá cámānɛ́ mícii mí ndog yɔɔ la ɓapɔ́tle-bí-Ɔ́lolómɛ̄ ɓɔ́ɔ, jɔ́ nɛ́ wág wa tí ɓɔ micii nɛ́ bí nyū. Bí kɔ́ɔ́ li kuh náŋ!»

Biyɛ́ɛ́léné 17:6

La ma mu ɛ́n nɛ nyɔ́ŋ mindígá a péé mícii mí ndog-Ɔlolómɛ̄ la micii mí mbóŋ yí Yésus. Ɛnɛ́ ma ɛ́n nyɛ, mu nyág tɔláá.