Matéus 24:11 - Esaa-líat ɛ́ péná

¹¹ Ɓapɔ́tle-bí-Ɔ́lolómɛ̄ bí mínaa bíg kɛ li ɓɛ́ ŋgandag, la ɓɔ́ ɓá jáŋɛ́ ɓot ŋgandag.

Matéus 24:11 ပူးပေါင်းရင်းမြစ်များ

Matéus 24:12

Aɓé ág kɛ li kondye nyaa nyí ɛ́ lɛ nɛ́, ŋgandag ediŋ bí ɓɛ́ɛ́la ɛg kɛ li suh.

Matéus 24:24

Ákaa ɛ́sɛ, mipɔ̄hlɛ́gɛ mí ɓot-bí-mínaa la ɓapɔ́tle-bí-Ɔ́lolómɛ̄ bí mínaa, bíg kɛ li tɛ́lɛ á lí ɓɔŋ lí mínɛ̄ŋ la binanaŋga bí mam, á lí jáŋɛ lí ɓot, kí ɓɔ̄ŋ nɛ́ bí ŋga lā, kí bí ŋga jáŋɛ ki ɓá Ɔlolómɛ̄ a pɔ́hɔ.

Matéus 24:5

átɔm nɛ́, ɓot ŋgandag bíg kɛ li sɔ́ á jóō jáma; bí ɓɛ́ bíg laga nɛ́: ‹Ma nɛ́ mi lɛ Nyɔ́-a-Pɔ́hlɛ›. Bíg kɛ li jáŋɛ lí ɓot ŋgandag.

Matéus 7:15

Nyɔŋán hɔ́ lítāt la ɓapɔ́tle-bí-Ɔ́lolómɛ̄ bí mínaa, ɓá bí ŋga sɔ́ á ŋgwáāg yaná, bí jáhɛ mbɔ́tí nyí bíkogo bí mítōmbɛ́, ndí ki á átē wāɓá, bí lɛ́ nzɛ.

Málkus 13:22

Mipɔ̄hlɛ́gɛ mí ɓot-bí-mínaa la ɓapɔ́tle-bí-Ɔ́lolómɛ̄ bí mínaa, bíg kɛ li tɛ́lɛ á li ɓɔŋ lí minɛ́ŋ la binanaŋga bí mam á li jáŋɛ lí ɓot, kí ɓɔ̄ŋ nɛ́ bí ŋga la, bí ŋga jáŋɛ ki ɓá Ɔlolómɛ̄ a pɔ́hɔ.

Misɔ́n mí Ɓáōmɓɛ 20:30

Ndí, tɔ á elɔŋ yáná ɓɛ́nɛ-mɛ̄n, ɓot-bí-mínaa bíg kɛ li ɓɛ́ átē á li ɓɔŋ nɛ́ ɓayéɓe bí oŋ ɓɔ́.

Timotéo 1 4:1

M̀búl Mpúán ag laga kɔɔ nɛ́, á eceg yá tiile, ɓot ɓatám bíg kɛ li cóó lí ŋyéɓé á li oŋ lí ɓot bí ŋga jáŋɛ ɓɔ́, la li oŋle lí miéélé mí ŋga sɔ́le la mimbúl míɓē.

Pétlos 2 2:1

Á kwakwáŋɛ, ɓapɔ́tle-bí-Ɔ́lolómɛ̄ bí mínaa bí ɓɛ́ɛ́ á lílōm lí Íslāɛl. Náŋ ki nɛ́ ɓáyēglɛ bí mínaa bí ŋga kɛ́ li ɓɛ́ á póla yāná. Bíg kɛ li níŋgɛ lí miéélé miɓé á nsɔlɓɛ́ á lí jáŋɛ lí ɓot, li pám á ɔ́vega ví bí ŋga táŋɓan Nyɔ́ŋ-Ɛsáŋɛ́ nyɔ́ a tɔ́hɔ́ ɓɔ, la li kɛla lí ɓɔ́-mɛ̄n mpápá á njáŋgá.

Yohánɛs 1 2:18

Á ɓɔ́ɔ̄n ɓáma, ŋgɛ́ŋ ya tíile nyí, maná ámblé bíg laga nɛ́ ǹlem a Kilístus ag sɔ́, ndí nyí vɔ́ŋɔ́ɔ, ŋgandag ɓálem-bí-kilístus ɛ́ lɛ́ váŋ. Náŋ nɛ́ a ŋga yíhɛ ɓɛ́hɛ nɛ́ ŋgɛ́ŋ ya tíile nyí.

Yohánɛs 1 2:26

Jéŋ jam nɛ́ ma somo ɓɛ́nɛ li ciile likɔlɓan la ɓot bí ŋga somo ɓɛ́nɛ li jáŋɛ.

Yohánɛs 1 4:1

Á élōgyāŋ yé ediŋ, Miníh yéɓyág ɓé la ɓá bísɛ bí ŋga yó nɛ́ bí byɛ́ɛ́ M̀búl Mpúán, ndí miní ceglɛ́ ɓɔ́, á lí yí tɔ nɛ́ m̀búl bí byɛ́ɛ̄ a lɛ́ nyú á Ɔlolómɛ̄, átɔm nɛ́ ŋgandag ɓapɔ́tle-bí-Ɔ́lolómɛ̄ bí mínaa yá cámān á ŋkɔŋ-á-sí.

Yúde 1:4

Mag ciile ɓɛ́nɛ ányúū nɛ ɓot ɓaɓé ɓá níŋgí nsɔlɓɛ́ á póla yaná. Ɓáŋ ɓot ekɔ́ghɛ yáɓá yá ciiɓɛ́ ɓɛɛvéé á Lícii-Lipúán. Bí lɛ́ ɓot bí ŋgíla ŋyéɓé, ɓá bí ŋga véŋe pɔ́l ediŋ yé Ɔ́lolómɛ̄ Loó jáhá ányúū li niŋ lí éniŋ ɛ́ mpuŋgú. Bíg táŋɓan ki Yésus Kilístus, pɔ̄m yahá Ŋ̀kanʼyɛ la Ɛtáŋɛ.

Biyɛ́ɛ́léné 19:20

La tít yu byéelɓɛ́ ŋkómá, bú byeé ki m̀pɔ́tle-a-Ɔlolómɛ̄ a minaa nyɔ́ a ɓɔŋɔ́ɔ́ mínɛ́ŋ ɔ́sū ví tít, ányúū li jáŋɛ lí ɓot bí kuhúú ndembye nyí tít la li ɓégɛ lí edíŋgɛ́-díŋgɛ yɛ́ɛ́. Tít la m̀pɔ́tle-a-Ɔlolómɛ̄ a minaa bú lééɓɛ́ bíg vɛɛɓan átē á éɓēl-nzáan nyí ɛ ŋgá dím ɓé, nyí nzuhú ɛ ŋga lóŋɛ.