Matéus 22:30 - Esaa-líat ɛ́ péná

³⁰ Átɔm nɛ́ á lípahye, páam la ɓondígá bí ŋgá kɛ ɓé lí lɔ́mɓan, ndí ɓot bíg kɛ ja lí niŋ kaa áŋgɛl ɛ́ lɛ́ á lóō.

Matéus 22:30 ပူးပေါင်းရင်းမြစ်များ

Matéus 13:43

Jɔ́ nɛ́, ɓot bí tɛ́ɛ́ sim bíg kɛ li paa kaa vaŋgá á Ékombo yé Ɛsáŋɛ́ wāɓá. Nyɔ́ a byɛ́ɛ̄ miɔ́ɔ́ a ámblé.»

Matéus 18:10

«Nyɔŋán lítāt nɛ́ miníh yɔ́lɔ́g ɓé ntɔ́ga tɔ wa vá, átɔm nɛ́ mag laga ɓɛ́nɛ nɛ́, wóŋ á lóō, áŋgɛl yáɓá ɛ́ ɓáág ja ɛ́ tɛ́ɛ ɓɛɓɛ la Etāa wama nyɔ́ a lɛ á lóō. [

Matéus 22:31

Ányúū lipahye lí ɓá ɓá wū, ɓaá maná sɔ́ŋgɔ ɓé éɓaŋgá yé Ɔ́lolómɛ̄ ɛ́ ŋga lága nɛ́:

Matéus 24:38

Náŋ ag ɓɛ́ nlemlem ákaa nyú alɔ́ wá dúgu, sɔ́kágánɛ́ líbūmbé líg ɓɛ́han. Ɓot bí ŋgí dí, bíg nyú, bíg lɔ́mɓan, bíg óm ŋgɔn yáɓá á míūg, tɛɛla á ɔ́lɔ̄ ví Nóa a níŋgléé á ŋkúú.

Lúkas 17:27

ɓot bí ŋgí dí, bíg nyú, bíg nyɔŋ ɓondígá, bíg kɛ á míūg, tɛɛla á ɔ́lɔ̄ Nóa a níŋgléé á ŋkúú. Váŋ nɛ́ épupɛ ecɛ́ŋɛ́ ɛ́ sɔ́ɔ́la libúmbé jé li manhɛ́ɛ mbɔŋgɔ limut ɛsɛ̄.

Biyɛ́ɛ́léné 19:10

La ma mu úlɓán ɔ́sū ví áŋgɛl á lí ɓégɛ lí yɔ; ndí yu lága ma nɛ́: «Nyɔ̄ŋ lítāt, ɔh ɓɔŋɔ́g ɓé naŋ! Mág mi lɛ ja m̀ɓɔŋle nlemlem ákaa wa, la ákaa yéŋé élōgɛ́sɔ̄ŋ yá tiŋɓé lí tíi lí mbóŋ nyí Yésus. Ɔlolómɛ̄ nɛ wa nyɛ́ɛ lí ɓégɛ; átɔm nɛ́ li tíi lí mbóŋ nyí Yésus lí lɛ́ li máŋa nɛ́ yé ɓápɔ́tle-bí-Ɔ́lolómɛ̄ ɓá lɛgɛ ɛ́ lɛ́ mbálɛ.»