Matéus 21:31 - Esaa-líat ɛ́ péná

³¹ Wɔɔ́wɔ́ɔ mɔɔ́n á póla ɓɔ́ bíɓáa a ɓɔ̄ŋ nsom á ɛ́sāŋɛ́ é?» La ɓɔ́ bú pélē Yésus nɛ́: «Nyɔ́ ɔsú.» Váŋ nɛ́ a lāgá ɓɔ̄ nɛ́: «La mbálɛ, mag laga ɓɛ́nɛ nɛ́, ɓakomanɛ-ŋkuh-á-gɔ́mna la ɓondígá bí ákwala, bíg kɛ li dúgu lí lí pám la ɓɛ́nɛ á Ékombo Ɔ́lolómɛ̄.

Matéus 21:31 ပူးပေါင်းရင်းမြစ်များ

Matéus 12:50

Tɔ nzáá a ŋga ɓɔ̄ŋ nsom á Étāa nyɔ́ a lɛ á lóō, nyɛ́ nɛ́ a lɛ mɔɔ́lyāŋ á páam, mɔɔ́lyāŋ a mindígá, ndí ɔ ɓɛ́ ki yɛɛ.»

Matéus 18:3

ɔ lāgá nɛ: «La mbálɛ mag laga ɓɛ́nɛ nɛ́, kíyáɓɛ́nɛ manáh veŋe ɓé bílɛ̄m, maná yaán kaa ɓɔɔ́n ɓátɔ̄ga, m̀ɓá, miní ŋgá kɛ ɓé lí níŋgi á Ékombo-lóō.

Matéus 20:16

Jɔ́ nɛ́ ɓot bí mbúh bíg kɛ li ɓɛ́ lí ɓá bí ɔ́sū, ɓá bí ɔ́sū ki bí ɓɛ́ ɓá bí mbúh.»

Matéus 21:30

Nyɔ́ŋ mut ɔ sīŋglé nyɔ́ a yáhɛ́ bíɓáa á ŋgwáāg, ɔ lāgá nyɛ̄ nlemlem á jam. Nyɔ́ŋ ɔ pélē nyɛ nɛ́: ‹Etāa mag kɛ›. Ndí, ámbúh eceg āh kɛ ɓé.

Matéus 5:18

La mbálɛ, mag laga ɓɛ́nɛ nɛ́, sɔ́kágánɛ́ sí la lóō bíg loo, tɔ píhí likétée tɔ ya ndí tɔ litɔt tɔ já bí ŋgá kɛ ɓé lí ɓógo á mbéndá, nɛ́-tɛ́ɛ míŋ mam mísɛ má yál.

Matéus 5:46

Kí maná dīŋ ja ɓot bí ŋga dīŋ ɓɛ́nɛ, wɔɔ́wɔ́ɔ nsála miní ŋga láaŋke é? Ɓakomanɛ-ŋkuh-á-gɔ́mna ɓɔ́g bíg ɓɔŋ nlemlem á jam!

Matéus 6:5

«Eceg miní ŋga kánɛ, miníh ɓɛ́ɛ́g ɓé kaa ɓot bí ɔ́taɓa, ɓá bí ŋga dīŋ li kánɛ lí bítɛ̄tɛ́lí á ndáá-míɓomán la á míkāndán mí nzen, á lí somo nɛ́ ɓot bísɛ bí ɛ́n ɓɔ́. La mbálɛ, mag laga ɓɛ́nɛ nɛ́, ɓá man lí kuh lí nsála wáɓá.

Matéus 7:21

«Ah li yáŋá lí ma ɓé nɛ: ‹Ɛtáŋɛ, Ɛtáŋɛ› nɛ́ lí ŋga níŋgɛ á Ékombo-lóō, ndí li ɓɔŋ lí nsom á Etāa nyɔ́ a lɛ á lóō.

Matéus 9:9

Kasig Yésus a nyɔŋɔ́ɔ́ duwɛ li kɛ, a ŋgí loo nzen, ɔ ɛ́n mut wa bí ŋga yáŋa nɛ́ Matéus a tɔ́ɔ̄ á voóm wɛ́ɛ̄ á nsɔ́n; a byɛ́la nyɛ́ nɛ́: «Ōŋ ma.» La nyɔ́ŋ ɔ tɛ́lɛ, ɔ ōŋ nyɛ.

Lúkas 15:10

Jɔ́ hɔ́ nɛ, mi ŋga laga ɓɛ́nɛ nɛ́, áŋgɛl Ɔlolómɛ̄ ɛ́g ɓɛ́ mívag ányúū m̀ɓɔŋ-miɓé wāhwa nyɔ́ a ŋga véŋe eniŋ yɛ́ɛ́.»

Lúkas 19:22

Ŋ̀kanʼyɛ a byɛ́la nyɛ́ nɛ́: ‹Li oŋle la biɓaŋgá byɔ́ɔ nɛ́ mi ŋga kɛ́ wa li kááhɛ; m̀ɓɔŋle m̀ɓé kaa wa! Ɔ ŋgɔ yí nɛ́ mi lɛ́ ŋ̀kat á mut, nɛ́ mag nyɔŋ yé māh naŋɛ ma, mag pumu yé māh sál ma;

Lúkas 7:29

Ɓot bísɛ bí ɓɛ́ɛ́ bí ŋgí ámble Yohánɛs, nɛ́-tɛ́ɛla ɓakomanɛ-ŋkuh-á-gɔ́mna, bú sɔ́ŋtánɛ́ nɛ Ɔlolómɛ̄ a lɛ mbálɛ. Váŋ nɛ́ mut sig a yéɓé lí kuh lí nzoɓan nyí Yohánɛs.

Yohánɛs 3:3

Yésus ɔ pélē nyɛ nɛ́: «La mbálɛ-mbálɛ, mag laga wa nɛ́, kíyáɓɛ́nɛ mut āh byáá ɓé líbyáa lí péná, a ŋgá la ɓé lí ɛ́n lí Ékombo yé Ɔlolómɛ̄.»

Yohánɛs 3:5

Yésus ɔ pélē nyɛ nɛ́: «La mbálɛ-mbálɛ, mag lága wa nɛ́, mut tɔ wa a ŋga la ɓé lí níŋgi á Ékombo Ɔ́lolómɛ̄, kíyáɓɛ́nɛ ah mbyááyág ɓé la mindím tɔ la M̀búl Mpúán.

Misɔ́n mí Ɓáōmɓɛ 17:30

Ɛ́nán sig nɛ́, Ɔlolómɛ̄ ah nyɔŋ ɓé eceg la nyíŋ ŋgilí-sɔ́ŋtānɛ, nyí vɔ́ŋɔ́ɔ, ag lɛgɛ ɓot voóm ásɛ nɛ́ bí vēŋé bílɛ̄m.

Elōg-Lóma 3:19

Ndí ɓɛ́hɛ, biíg yí nɛ́ yé ɛ́sɛ mbéndá Móse ɛ ŋga lága, ɛg laga yɔ́ ányúū ɓá bí ŋga nyɛ́ɛ yɔ li ógle, nɛ́ ndí ɓot bí lēg minyu, la nɛ́ ɛ́ yílɛ́ nɛ́, ɓot bísɛ á ŋkɔŋ-á-sí ɓá ku ŋkál ɔ́sū ví Ɔ́lolómɛ̄.

Elōg-Lóma 5:20

Kaa mbéndá ya sɔ́, ányúū náŋ nɛ́ áɓē wá bul. Ndí, ápah aɓé wá bul, váŋ ki nɛ́ ékɔnan-ŋgɔ́ɔ́ yé Ɔ́lolómɛ̄ yɔ́g yá loohán lí bul.

Pétlos 2 3:9

Nyɔ́ŋ-Ɛsáŋɛ́ a ŋgá bíŋhan ɓé lí yáhɛ lí mikakanɛ mɛ́ɛ́, tɔ náŋ ákaa ɓot ɓatám bí ŋga ɔ́ŋɔ nɛ́ a lóohán bíŋhan. Ndí, ányúū yaná, Nyɔ́ŋ-Ɛsáŋɛ́ a byɛ́ɛ eɔ́hánɛ, nsom wɛ́ɛ́ a sē ɓé nɛ́ jogo á póla yaná bí jáŋɛ́ eniŋ yáɓá, ndí, nɛ́ ɓɛ́hɛ bísɛ bi la li veŋe lí éniŋ.