Matéus 2:13 - Esaa-líat ɛ́ péná

¹³ Ámbúh mikɛ mí ɓáyī-átɛ̄, áŋgɛl nyí Nyɔ́ŋ-Ɛsáŋɛ́ yu pámlé Yósɛp á élɛɛ́lɛm yu lāgá nyɛ nɛ́: «Tɛ́lɛ́, nyɔ̄ŋ mɔ́ɔ̄n la nyaŋɛ́ túú pɛ́ɛ́ la ɓɔ́ ɔ kɛ́ á Égípto, tɔɔ́ wóŋ nɛ́-tɛ́ɛ la á éceg mi ŋga kɛ̄ wa lí yíhɛ, átɔm nɛ́ káísa Elóde ag kɛ li somo nɛ́ a ólhánɛ nyɔ́ŋ mɔɔ́n.»

Matéus 2:13 ပူးပေါင်းရင်းမြစ်များ

Matéus 1:20

Ɛnɛ́ a manáá lí veg lí nyíŋ peg, áŋgɛl nyí Nyɔ́ŋ-Ɛsáŋɛ́ yu pámlé nyɛ á élɛɛ́lɛm, yu yó nyɛ nɛ́: «Á Yósɛp, mɔɔ́n Dávid, ɔh kɔnɔ́g ɓé woŋ li nyɔŋ lí ŋ̀gáá wɔ́ɔ Malía á yóg yɔ́ɔ; átɔm nɛ́ a nyɔ̄ŋ já líbum la ŋguu nyí M̀búl Mpúán.

Matéus 10:23

Á tɔ yɔɔ́yɔ́ɔ tísɔn bí ŋga kɛ̄ ɓɛ́nɛ li váŋgɛ la ndeeŋgɛ, kɛnán á nyíŋí étām. La mbálɛ mag laga ɓɛ́nɛ nɛ́, miníg ɓɛ́ ŋgí lí mánɛ lí lí wɛɛ á tísɔn Íslāɛl ɛ́sɛ kí Mɔɔ́n mut ɔ sɔ́.

Matéus 2:12

Váŋ nɛ́ Ɔlolómɛ̄ a yíhɛ́ ɓɔ á élɛɛ́lɛm nɛ́ bíh timkágán ɓé pɛ á yóg káísa Elóde. La ɓɔ́ bú nyɔ̄ŋ nzen etám á lí timan á ékombo yáɓá.

Matéus 2:14

Váŋ nɛ́ Yósɛp a tɛ́lɛ̄ la díɓe, ɔ nyɔ̄ŋ mɔ́ɔ̄n la nyaŋɛ́ ɔ túú pɛ́ɛ́ la ɓɔ́, ɔ kɛ́ á Égípto.

Matéus 2:16

Ɛnɛ́ káísa Elóde a tímān lí yí nɛ́ ɓayí-átɛ̄ bí yɛ́ɛ́hɛ́ nyɛ́, ɔ álá ŋgándag. Váŋ nɛ́ a kānʼyɛ́ nɛ́, á Bétlehéem la á míkɔŋ mí ŋgwáāg mísɛ bí ól bitúmb-bí-ɓɔ́ɔ̄n bísɛ tɛɛla ɓá bí byɛ́ɛ̄ mímbú míɓáa. Nyíŋ nyɔŋɔn ɓɔɔ́n ɛ ŋgí kɔlɓan la yé ɓáyī-átɛ̄ bí lagléé nyɛ́.

Matéus 2:22

Ndí ɛnɛ́ a ámblé nɛ́ Alkéláus a nyɔ̄ŋ étɛ̄l yé ɛ́sāŋɛ́ Élóde á Yúdēa, ɔ kɔ̄n woŋ li timan wóŋ. Kasig Nyɔ́ŋ-Ɛsáŋɛ́ a yíhɛ́ɛ sīg-pɛ nyɛ́ náŋ á élɛɛ́lɛm, ɔ kɛ́ á Galiléa,

Misɔ́n mí Ɓáōmɓɛ 10:22

Bú pélē nyɛ nɛ́: «Kɔlnéya, ŋ̀kanʼyɛ nlɔŋ á eɓógo ɛ́ sónja, mut a tɛ́ɛ́ sim, a ŋga kɔ̄n Ɔlolómɛ̄ woŋ, nyɔ́ lilóm lí Élōg-Yúda lísɛ lí ŋga tíi mbóŋ élāām, nyɛ́ nɛ́ á óm ɓɛ́hɛ. Áŋgɛl Ɔlolómɛ̄ ya yɛ́ɛ́léné nyɛ nɛ́, ɔg nyɛɛ li kɛ á ndáá yɛ́ɛ̄, ɔ máŋlɛ́ nyɛ́ yé ɛ́sɛ ɔ byɛ́ɛ̄ á lí laga lí nyɛ.»

Misɔ́n mí Ɓáōmɓɛ 10:7

Ɛnɛ́ áŋgɛl ya mánɛ nyɛ li pɔ́tɛ, yu nyɔ́ŋ. Váŋ nɛ́ Kɔlnéya a yáŋá ɓáɓɔŋle bíɓáa á ɓáɓɔŋle ɓɛ́ɛ́, ɔ yáŋá ki sónja ya nyí ɛ byɛ́ɛ̄ ŋguu ŋyéɓé la Ɔlolómɛ̄, nyí ya ɓēmlé á sí likanʼyɛ jɛ́ɛ́.

Misɔ́n mí Ɓáōmɓɛ 12:11

Ɛnɛ́ Pétlos a tímān la nyɛ́-mɛ̄n, ɔ lāgá nɛ: «Nyí vɔ́ŋɔ́ɔ ma sɔ́ŋtánɛ̄ nɛ, la mbálɛ Nyɔ́ŋ-Ɛsáŋɛ́ a óm áŋgɛl yɛ́ɛ̄ nɛ́ ɛ ɓógtɛ́ ma á mɔ mí Élóde, la á áɓē ásɛ ɓɔɔ́n bí Élōg-Yúda bí ŋga sóomlene ma.»

Misɔ́n mí Ɓáōmɓɛ 12:7

Á ékūyá-kúyá, áŋgɛl nyí Nyɔ́ŋ-Ɛsáŋɛ́ yu nyɛ́g, la mipúú mú páa á étun ɛ́ ndáá-m̀ɓog ápah a ɓɛ́ɛ́. Áŋgɛl yu kwāt Pétlos á mbaa á lí vɛɛɓɛ lí nyɛ, yu yó nyɛ nɛ́: «Vóɛ li tɛ́lɛ!» Váŋ nɛ̄ misáŋ mí bícɛɛ má kúhlán Pétlos á mɔ.

Misɔ́n mí Ɓáōmɓɛ 16:36

Ǹtát ɔ sɔ́ li laga lí Póol nɛ́: «Ɓakááhɛ ɓá lagá nɛ mi pámɛ́ ɓɛ́nɛ, miní kɛ la nsaŋ.»

Misɔ́n mí Ɓáōmɓɛ 5:19

Ndí, la díɓe, áŋgɛl nyí Nyɔ́ŋ-Ɛsáŋɛ́ yu légē míkooká mí ndáá-m̀ɓog, yu pámɛ́ ɓɔ̄ la yɔ yu lāgá ɓɔ nɛ́:

Misɔ́n mí Ɓáōmɓɛ 7:19

Nyíŋ káísa yu ól lílōm jáhá la minaa, yu teeŋgɛ́ ɓácɛ̄ŋ ɓáhá bí lílōmɛ, yu nyághánɛ́ ɓɔ nɛ́ bí cóo la mikɛ́gá mí ɓɔ́ɔ̄n máɓá mísɛ á li somo nɛ́ míh niŋíg ɓé.

Biyɛ́ɛ́léné 12:14

Ndí bú tí míndīgá mípaa míɓáa mí ŋyogó ǹcɛ́ŋ á lí ɓɔŋ nɛ́ a púplé li kɛ á éyāŋ, ápah ɓá ɓoŋhán nyɛ voóm bí ŋga díɛ́hɛ́nɛ nyɛ́ mimbú míŋháa la epah, enɛŋɛ́ la nyíŋ nyɔ.

Biyɛ́ɛ́léné 12:4

Mpɛg wɛ́ɛ́ á ŋgí vɔ́l joga já átē á moga míŋháa mí átɛ̄ mí lɛ́ á lóō, wu léé jɔ á sí. Nyuŋgu yu tɛ́lɛ́ ɔ́sū ví míndīgá a ŋgí kogɛ, nɛ́ mɔɔ́n lá li byáa, ɛ mín nyɛ́.

Biyɛ́ɛ́léné 12:6

Váŋ nɛ́ míndīgá a nāŋgá m̀bíí á éyāŋ, ápah Ɔlolómɛ̄ a ɓōŋhánɛ́ nyɛ etɔ, nɛ́ bí díɛ́hɛ́ nyɛ́ wóŋ ɔkóó la biɓógo bíɓáa la muúmísáama mí alɔ́.