Matéus 18:9 - Esaa-líat ɛ́ péná

⁹ Nlemlem á jam, kíyáɓɛ́nɛ diíh jɔ́ɔ lí lɛ́ njɔm aɓé wɔ́ɔ, túú jɔ́, ɔ léé jɔ́ énɛŋɛ́; ɛ́ lɛ́ wa nsɛ́ŋ nɛ ɔ níŋgí la diíh já á éniŋ éɓem, li loo nɛ́ bíg léé wa la miíh mɔ́ɔ míɓáa á éɓēl-nzáan nyí ɛ ŋgá dím ɓé á éɓem la eɓem!»

Matéus 18:9 ပူးပေါင်းရင်းမြစ်များ

Matéus 16:26

Wɔɔ́wɔ́ɔ nsɛ́ŋ mut a ŋga ɓɛ́la á lí tombanɛ lí ŋkɔŋ-á-sí ásɛ, kí wá véé nyɛ eniŋ yɛ́ɛ́ é? Tɔ nɛ́, yéé ɛ ŋga véé díyɛ li pám lí éniŋ ɛ́ mut é?

Matéus 18:8

Kíyáɓɛ́nɛ wɔ wɔ́ɔ tɔ akoo wɔ́ɔ bí lɛ́ njɔm aɓé wɔ́ɔ, sɛ́m byɔ́, ɔ léé byɔ́ énɛŋɛ́; átɔm nɛ́, ɛ́ lɛ́ wa nsɛ́ŋ nɛ ɔ níŋgí á éniŋ éɓem la wɔ wá tɔ la akoo wá, li loo nɛ́ bí léé wa la mɔ mɔ́ɔ míɓáa tɔ la mikoo mɔ́ɔ míɓáa á éɓēl-nzáan nyí ɛ ŋgá dím ɓé á éɓem la eɓem.

Matéus 19:17

Yésus ɔ pélē nyɛ́ nɛ́: «Ányúū yéé ɔ ŋgɔ bíhī ma likɔlɓan la elɔ́ŋgɔ jam é? Wāhwa nɛ́ a lɛ élɔ́ŋgɔ. Kíyáɓɛ́nɛ ɔg somo li ɓɛ́la lí éniŋ éɓem, oŋlé mbéndá.»

Matéus 5:22

Ndí ma, mag laga ɓɛ́nɛ nɛ́: tɔ nzáá a ŋga álye mɔɔ́nyāŋ, bíg kɛ la nyɛ́ á bíkááhɛ́nɛ́. Nyɔ́ la nyɔ́ a ŋga kɛ́ li óŋo lí mɔ́ɔ̄nyāŋ nɛ́: ‹Ejóŋ-mut›! Bíg kɛla nyɛ́ á ŋkál á ɔ́ku-vicɛ́ŋ-ví-bíkāāhɛ́nɛ́. Nyɔ́ ki a ŋga óŋo nyɛ́ nɛ́: ‹Mut-a-nzeg›, a kɔ́ɔ́ nɛ́ bí léé nyɛ́ á éɓēl yé nzáan.

Matéus 5:29

Kíyáɓɛ́nɛ diíh jɔ́ɔ lí m̀ɓɛ́nlómɛ lí lɛ́ njɔm aɓé wɔ́ɔ, túh jɔ́, ɔ léé jɔ́ énɛŋɛ́ lā wa, átɔm nɛ́ ɛ́ lɛ́ wā nsɛ́ŋ nɛ ɔ ɓɔ́lán éjo yɔ́ɔ ɛ́ nyúū yá li loo nɛ́ bíg léé wa la nyuú yɔ́ɔ ɛsɛ̄ á éɓēl yé nzáan.

Málkus 9:47

Nlemlem á jam, kíyáɓɛ́nɛ diíh jɔ́ɔ lí lɛ́ njɔm aɓé wɔ́ɔ, túú jɔ́; ɛ́ lɛ́ wá nsɛ́ŋ nɛ ɔ níŋgí la diíh já á líkanʼyɛ lí Ɔ́lolómɛ̄, li loo nɛ́ bíg léé wa á éɓēl yé nzáan la miíh mɔ́ɔ míɓáa,

Misɔ́n mí Ɓáōmɓɛ 14:22

Voóm sig, bí ŋgí letɛ ɓayége nyuú la li tíi lí ɓɔ mikúndá nɛ́ bí tiŋɓé á ŋyéɓé. Jɔ́ nɛ́ bí ŋgí laga ɓɔ́ nɛ́: «Ɛ́g somlɛ nɛ́ bi lōolé á ŋgandag bísɔghe á lí ɓɔŋ nɛ́ bi níŋgí á Ékombo Ɔ́lolómɛ̄.»

Elōg-Hébɛl 4:11

Bi cégé hɔ́ la ŋguu á lí níŋgi á yéŋ evɛɛɓan, bi dū hɔ́ éɓāndá nɛ mut wáhá tɔ wa ah kuág ɓé nlemlem ákaa ɓot ɓá pún lí ógle.

Biyɛ́ɛ́léné 21:27

Yoóm ɛ́ líbūá tɔ yá ɛ́ ŋgá kɛ́ ɓé lí níŋgi múŋ á nyíŋ tísɔn, nlemlem la tɔ nzáá ki a ŋga ɓɔŋ mam mí nyɛgá la li ɓaŋ lí mínaa. Ɓot bí ŋga kɛ́ li níŋgi á nyíŋ tísɔn bí lɛ́ ɓá moó má ciiɓɛ á kálati eniŋ nyí mɔɔ́n ntómbɛ́.