Matéus 18:8 - Esaa-líat ɛ́ péná

⁸ Kíyáɓɛ́nɛ wɔ wɔ́ɔ tɔ akoo wɔ́ɔ bí lɛ́ njɔm aɓé wɔ́ɔ, sɛ́m byɔ́, ɔ léé byɔ́ énɛŋɛ́; átɔm nɛ́, ɛ́ lɛ́ wa nsɛ́ŋ nɛ ɔ níŋgí á éniŋ éɓem la wɔ wá tɔ la akoo wá, li loo nɛ́ bí léé wa la mɔ mɔ́ɔ míɓáa tɔ la mikoo mɔ́ɔ míɓáa á éɓēl-nzáan nyí ɛ ŋgá dím ɓé á éɓem la eɓem.

Matéus 18:8 ပူးပေါင်းရင်းမြစ်များ

Matéus 17:27

Jɔ́ nɛ́, á lí pún nɛ́ náŋ ah teeŋgɛ́gɛ́ ɓé ɓáɓat-táas, kɛɛ́n á ébúle, lɛŋgɛ́ nlɔ́ɔ́ á ɔ́sōō. Kɔh ɔsú ɔ ŋgɔ ól, legé anyu wɛ́ɛ́, ɔg kɔ́p épah ɛ́ kápa múŋ; nyɔ̄ŋ yɔ́, ɔ tí yɔ́ ɓáŋ ɓot ányúū yáma la ányúū yɔ́ɔ.»

Matéus 25:41

Ámbúh náŋ, káísa ag kɛ hɔ́ lí laga lí ɓot bí ŋga ɓɛ́ nyɛ́ á m̀ɓɛ́ŋgáa nɛ́: ‹Nɛŋlán la ma, á mílɔgɔ́g mí ɓot mí! Kɛnán á éɓēl-nzáan nyí ɛ́ ŋgá dím ɓé, yé lɛ́ m̀ɓoŋhágan ányúū ǹsɔhɔ la áŋgɛl yɛ́ɛ́.

Matéus 25:46

Jɔ́ nɛ́, bíg kɛ li kuh lí ékɔ́ghɛ á éɓem la á éɓem. Ɓáŋá ki bí tɛ́ɛ́ sim, bíg kɛ li kuh lí éniŋ éɓem.»

Lúkas 14:33

Ányúū náŋ, tɔ nzáá átē wāná a ŋgá cóó ɓé yéé ɛ́sɛ a byɛ́ɛ́, a ŋga la ɓé li ɓɛ́ lí ŋ̀yége wama.»

Lúkas 16:24

Váŋ nɛ́ a tɛ́ɛ́ nlón a byɛ́ nɛ́: ‹Etāa Áblaháam, kɔnlé ma ŋgɔ́ɔ́, ɔ óm Lásalo a cág ɔnu-ví-wɔ á míndīm a vɔ́lɛ́ ma ɔlémb, átɔm nɛ́ mag taka ŋgandag mú á nyí nzáan.›

Elōg-Lóma 13:12

Díɓe la kɛ, kítí ɛ lɛ ɓɛ́ɓɛ. Bi cóó hɔ́ mísɔ̄n mí lívito, bi nyɔ̄ŋ bidulé-bí-wélan bí bi ŋga ɓɔ̄ŋle á mípūū.

Biyɛ́ɛ́léné 14:10

nyɛ́g ag kɛ li nyú lí wáany nyí nlohanɛ́ a ɔún ví Ɔ́lolómɛ̄, nyí ɓá ɔlɔ́ á líɓondó lí ɔ́ūn vɛ́ɛ́, ɛ́h ɓɛ́ ɓé yɔ li puu; ag kɛ li kuh lí také até a nzáan la nzuhú, ɔ́sū ví áŋgɛl púán la ɔ́sū ví mɔɔ́n ntómbɛ́.

Biyɛ́ɛ́léné 20:15

Ndí nyɔ́ la nyɔ́ jóō líh cíiɓɛ ɓé á kálati nyí eniŋ ɔ lɛ̄ŋgɓɛ́ á yéŋ ébúle yé nzáan.

Biyɛ́ɛ́léné 21:8

Ndí, ányúū aɓɔɓɔŋga á ɓot, ɓot ɓáh tiŋɓe ɓé la ma, ɓaɓéé-mam, ɓot bí miólan, ɓot bí mpuŋgú, ɓot bí míkaŋ, ɓaɓégɛ-bisát la ɓot bí minaa bísɛ; bíg kɛ li kɛ á ébúle yé nzáan la nzuhú. Náŋ nɛ́ a lɛ nyɛmb ya yáhɛ́ ɛ́ɓáa nyí ya tíile.»