Matéus 16:28 - Esaa-líat ɛ́ péná

²⁸ La mbálɛ, mag laga ɓɛ́nɛ nɛ́, jogo lí ɓot vá lí ŋgá kɛ ɓé lí wú jɔ́ ŋgí lí ɛ́n lí Mɔɔ́n Mut ag sɔ́ kaa káísa.»

Matéus 16:28 ပူးပေါင်းရင်းမြစ်များ

Lúkas 9:27

La mbálɛ, mag laga ɓɛ́nɛ nɛ́, jogo lí ɓot vá lí ŋgá kɛ ɓé lí wú jɔ́ ŋgí lí ɛ́n lí Líkanʼyɛ lí Ɔlolómɛ̄.»

Málkus 9:1

La Yésus ɔ lága sīg-pɛ limut la ɓayége ɓɛ́ɛ́ nɛ́: «La mbálɛ, mag laga ɓɛ́nɛ nɛ́, jogo lí ɓot vá lí ŋgá kɛ ɓé lí wú jɔ́ ŋgí lí ɛ́n lí Líkanʼyɛ lí Ɔlolómɛ̄ líg suh la adit wɛ́ɛ́ ásɛ.»

Yohánɛs 8:52

Váŋ hɔ́ nɛ ɓɔɔ́n bí Élōg-Yúda ɓá lága nyɛ nɛ́: «Biíg yí vɔ́ŋɔ́ɔ nɛ́ ɔ byɛ́ɛ́ m̀búl m̀ɓé! Áblaháam a wúēē, nlemlem la ɓapɔ́tle-bí-Ɔ́lolómɛ̄, ndí wa ɔg laga nɛ́: ‹Kíyáɓɛ́nɛ mut a náŋɛ bíɓaŋgá byáma, m̀ɓá a ŋgá kɛ ɓé lí wú.›

Matéus 26:64

Yésus ɔ pélē nyɛ̄ nɛ́: «Wa nɛ́ wa pɔ́t nāŋ, jɔ́ nɛ́, mag laga ɓɛ́nɛ nɛ́, li ɓotle la lɛn miníg kɛ li ɛ́n lí Mɔ́ɔ̄n Mut a tɔ́ɔ̄ á m̀ɓɛ́nlómɛ á Ɛsáŋɛ́ á Ŋguu-Mísɛ ápah a ŋga kɛ́ li sɔ́le á lóō átē á mbaga.»

Matéus 10:23

Á tɔ yɔɔ́yɔ́ɔ tísɔn bí ŋga kɛ̄ ɓɛ́nɛ li váŋgɛ la ndeeŋgɛ, kɛnán á nyíŋí étām. La mbálɛ mag laga ɓɛ́nɛ nɛ́, miníg ɓɛ́ ŋgí lí mánɛ lí lí wɛɛ á tísɔn Íslāɛl ɛ́sɛ kí Mɔɔ́n mut ɔ sɔ́.

Lúkas 2:26

M̀búl Mpúán á yíhɛ́ɛ́ nyɛ́ nɛ́, a ŋgá kɛ ɓé li wú nyɛ́ ŋgí li ɛ́n lí Nyɔ́-a-Pɔ́hlɛ la Nyɔ́ŋ-Ɛsáŋɛ́.

Málkus 13:26

Váŋ nɛ́ bí ŋga kɛ́ li ɛ́n lí Mɔɔ́n Mut ag sɔ́ átē á mbaga, ŋyálāg la ŋguu, la lipém.

Elōg-Hébɛl 2:9

Ndí, ɓaá sɔm nɛ nyɔ́ Yésus a mɓɛ́ puh eceg á sí áŋgɛl, nyɛ́ nɛ́ li kele la nyɛmb yɛ́ɛ̄ á mbásá ɓá jáhɛ́ nyɛ ekót yé káísa, yé ɛ́ ŋga tíi nyɛ́ ádit la li yaanɛ lí nyɛ́ mut ǹcɛ́ŋ. Jɔ́ nɛ́, li kele la elɔ́ŋgɔ m̀mím yé Ɔ́lolómɛ̄, a wú ányúū ɓot bísɛ.

Matéus 24:3

Kasig Yésus a ɓɛ́ɛ́ á tɔ́ɔ̄ á ɔ́kolá ví tín ɛ́ Olíva, ɓayége ɓɛ́ɛ́ bú ōŋ nyɛ̄ ápah a ɓɛ́ɛ́ á mɓagɓanɛ́, bú lāgá nyɛ̄ nɛ́: «Lagá ɓɛ́hɛ ǹjén náŋ a ŋga kɛ́ li ɓɔŋɓɛ, yɔɔ́yɔ́ɔ ndembye ɛ ŋga kɛ́ li yíhɛ nɛ́ misɔ́ mɔ́ɔ mí lɛ́ ɓɛ́ɓɛ, la nɛ́ misúg mí bíceg má kɔlan.»

Elōg-Tésaloníka 1 1:10

á nlaaŋkán á Mɔ́ɔ̄n wɛ́ɛ̄ Yésus nyɔ́ a ŋga kɛ́ li timan lí lí sɔ́léne á lōó, nyɔ́ a pahyéé á póla ɓá ɓá wū, nyɔ́ a ŋga kɛ́ ɓɛ́hɛ sūŋ á ɔ́ūn ví ŋga kɛ́ li sɔ́.

Matéus 24:42

Ɓɛ́án hɔ́ pɛ́ɛ, átɔm nɛ́ miní ŋgá yí ɓé ɔ́lɔ̄ Ɛ́sɔ̄ŋɛ́ waná a ŋga kɛ́ li sɔ́.

Lúkas 18:8

Mag yíhɛ ɓɛ́nɛ nɛ́: pɛ́lɛ-pɛ́lɛ, ag pámɛ mbag yaɓá. Ndí eceg Mɔɔ́n Mut a ŋga kɛ́ li sɔ́, ɓaá, ag kɛ li kɔ́p lí ɓot bí ŋyéɓé á ŋkɔŋ-á-sí é?»

Matéus 8:20

Yésus ɔ tímānɛ̄ nyɛ̄ nɛ́: «Mbaŋga ɛ́ byɛ́ɛ́ bivóg, anɔn á byɛ́ɛ́ mumbú; ndí Mɔɔ́n Mut nyɛ́, ah byɛ́ɛ́ ɓé línanténé.»

Matéus 16:13

Ɛnɛ́ ɓá pám á épah ékombo yé Sezaléa nyí Filípi, Yésus ɔ bíhī ɓáyēge ɓɛ́ɛ́ nɛ: «Á lípɔ́tɔg lí ɓot, Mɔɔ́n Mut a lɛ nzáá é?»

Matéus 24:34

La mbálɛ, mag laga ɓɛ́nɛ nɛ́, nyí nyɔŋɔn ɛg ɓɛ́ ŋgí lí loo kí míŋ mam mísɛ mú ɓɔ̄ŋɓɛ.

Málkus 8:38

Ányúū nɛ́ nyɔ́ la nyɔ́ a ŋga kɔ̄n ɔsɔ́n ányúū yáma la ányúū biɓaŋgá byáma ɔ́sū ví nyí nyɔŋɔn ɛ lɛn, nyí miɓé, nyí yāh tiŋɓe ɓé la Ɔlolómɛ̄, Mɔɔ́n Mut nyɛ́g ag kɛ li kɔn lí ɔsɔ́n ányúū yɛ́ɛ̄, eceg a ŋga kɛ́ li sɔ́ elɔŋ la áŋgɛl epúán átē a lipém lí Ɛ́sāŋɛ́.»

Yohánɛs 8:51

La mbálɛ-mbálɛ, mag laga ɓɛ́nɛ nɛ́, kíyáɓɛ́nɛ mut a náŋɛ bíɓaŋgá byáma, m̀ɓá a ŋgá kɛ ɓé lí wú.»

Yohánɛs 21:22

Yésus ɔ pélē nyɛ nɛ́: «Náŋ a byɛ́ɛ́ wa yéé é? Kíyáɓɛ́nɛ mag diŋ, ag tɔɔ á éniŋ nɛ́-tɛ́ɛla á mítiman máma, wá hɔ́, ōŋ ma.»

Misɔ́n mí Ɓáōmɓɛ 1:11

bú ɓāt ɓɔ nɛ́: «Á ɓot bí Galiléa, ányúū yéé maná lɛndán lí légɓe lí lóō é? Nyɔ́ Yésus maná sɔ́lé lí ɛ́n ag nyɔŋɓɛ á lóō, ag kɛ li sɔ́ nlemlem kaa maná ɛ́n nyɛ ag ɓét.»

Elōg-Kɔlínto 1 15:23

ndí, mut sig á ɛ́yɛ̄ɛ̄ éceg. Nyɔ́-a-Pɔ́hlɛ yágá kaa mut ɔsú a pāhye, ámbúh, ɓá bísɛ bí lɛ́ ndog yɛɛ́ ɓɔ́g bíg kɛ li pahye eceg a ŋga kɛ́ lí sɔ́.

Yákop 5:7

Á élōgyāŋ, miní ɔ́hánɛ hɔ́ nɛ́-tɛ́ɛla á mísɔ̄ mí Nyɔ́ŋ-Ɛsáŋɛ́. Léɓyán ǹsál-ǹdíí, a ɓáág ja ag laaŋke taŋ mpumu ɛ ŋga sɔ́le á sí ɛ́h ɓɛ́ ɓé nyɛ ntɔghanɛ́ tɔ wa, nɛ́-tɛ́ɛ a púmú li ɓotle á mitám mí ɔ́sū li pám á mí má tiile.

Pétlos 2 1:16

Ákaa ɛ́sɛ, aŋgaáŋgan ɓaá yí lí oŋanɛ, ah la wɔ́ ɓé nɛ ɓaá yíhɛ́ ɓɛ́nɛ nɛ́ Ɛtáŋɛ wahá Yésus Kilístus ag sɔ́ ŋyálāg la ŋguu, ndí ɓaá yíhɛ́ ɓɛ́nɛ nɛ́ ag sɔ́ ányúū nɛ miíh máhá má ɛ́n nyɛ́ átē a epaa yɛ́ɛ́ ɛ́sɛ.

Yohánɛs 1 2:28

La náŋ, á ɓɔ́ɔ̄n ɓáma, miní ɓɛ́ la nyɛ́ á lí ɓɔŋ nɛ́ eceg a ŋga kɛ́ li sɔ́, ɓɛ́hɛ bísɛ bi ɓɛ́ ŋgíla woŋ, la ki nɛ́ bi táág kɔ̄n ɔ́sɔ̄n á misɔ́ mɛ́ɛ́, kí ɔ nɛ́ŋɓɛ́ ɓɛ́hɛ la nyɛ́.