Matéus 16:27 - Esaa-líat ɛ́ péná

²⁷ Átɔm nɛ́ Mɔɔ́n Mut ag kɛ li sɔ́ elɔŋ la áŋgɛl yɛ́ɛ́ átē a lipém lí Ɛ́sāŋɛ́. La náŋ, ag kɛ li sála lí mut sig li oŋle la miɓɔŋɔg mɛ́ɛ́.

Matéus 16:27 ပူးပေါင်းရင်းမြစ်များ

Matéus 13:41

Mɔɔ́n mut ag kɛ li óm lí áŋgɛl yɛ́ɛ́, nɛ́ ɛ́ kómánɛ yé ɛ́sɛ ɛ́ ŋga kuɛhɛ ɓot á míceglan, la ɓot bísɛ bí ŋga ɓɔ̄ŋ aɓé, á lí pámɛ lí ɓɔ á Ékombo yɛ́ɛ́,

Matéus 13:49

Náŋ nɛ́ ɛ́ ŋga kɛ́ li ɓɛ́ á lísūg lí sí. Áŋgɛl ɛ́g kɛ li sɔ́ á lí ɓága lí ɓot ɓaɓé la ɓá bí tɛ́ɛ́ sim.

Matéus 24:30

Váŋ nɛ́ bí ŋga kɛ́ li ɛ́n lí ndembye misɔ́ mí Mɔ́ɔ̄n Mut á lóō. La náŋ, milóm mí sí ɛsɛ̄ míg kɛ li lee, la mɔ́ mí ɛ́n Mɔɔ́n Mut ag sɔ́ átē á mbaga, ŋyálāg la ŋguu, la lipém.

Matéus 25:31

«Eceg Mɔ́ɔ̄n Mut a ŋga kɛ́ li sɔ́ átē a lipém jɛ́ɛ́, elɔŋ la áŋgɛl ɛ́sɛ, váŋ nɛ̄ a ŋga kɛ́ li tɔɔ á étɔɓé-líkanʼyɛ yɛ́ɛ́.

Matéus 26:64

Yésus ɔ pélē nyɛ̄ nɛ́: «Wa nɛ́ wa pɔ́t nāŋ, jɔ́ nɛ́, mag laga ɓɛ́nɛ nɛ́, li ɓotle la lɛn miníg kɛ li ɛ́n lí Mɔ́ɔ̄n Mut a tɔ́ɔ̄ á m̀ɓɛ́nlómɛ á Ɛsáŋɛ́ á Ŋguu-Mísɛ ápah a ŋga kɛ́ li sɔ́le á lóō átē á mbaga.»

Matéus 8:20

Yésus ɔ tímānɛ̄ nyɛ̄ nɛ́: «Mbaŋga ɛ́ byɛ́ɛ́ bivóg, anɔn á byɛ́ɛ́ mumbú; ndí Mɔɔ́n Mut nyɛ́, ah byɛ́ɛ́ ɓé línanténé.»

Málkus 14:62

Yésus ɔ pélē nyɛ nɛ́: «Ɔɔ, ma nɛ́ mi lɛ nyɛ́, miníg kɛ li ɛ́n lí Mɔɔ́n Mut a tɔ́ɔ̄ á m̀ɓɛ́nlómɛ á Ɔlolómɛ̄ á Ŋguu-Mísɛ ápah a ŋga kɛ́ li sɔ́léne á lóō átē á mbaga.»

Málkus 8:38

Ányúū nɛ́ nyɔ́ la nyɔ́ a ŋga kɔ̄n ɔsɔ́n ányúū yáma la ányúū biɓaŋgá byáma ɔ́sū ví nyí nyɔŋɔn ɛ lɛn, nyí miɓé, nyí yāh tiŋɓe ɓé la Ɔlolómɛ̄, Mɔɔ́n Mut nyɛ́g ag kɛ li kɔn lí ɔsɔ́n ányúū yɛ́ɛ̄, eceg a ŋga kɛ́ li sɔ́ elɔŋ la áŋgɛl epúán átē a lipém lí Ɛ́sāŋɛ́.»

Lúkas 21:27

Váŋ nɛ́ bí ŋga kɛ li ɛ́n lí Mɔɔ́n Mut ag sɔ́léne átē á mbaga, ŋyálāg la ŋguu, la lipém.»

Lúkas 22:69

Ndí li ɓotle Vɔ́ŋɔ́ɔ, Mɔɔ́n Mut ag kɛ li tɔɔ á m̀ɓɛ́nlómɛ a Ɔlolómɛ̄ a Ŋguu-Mísɛ.»

Lúkas 9:26

Ányúū nɛ́ nyɔ́ la nyɔ́ a kɔ̄n ɔsɔ́n ányúū yáma la biɓaŋgá byáma, Mɔɔ́n Mut nyɛ́g ag kɛ li kɔn lí ɔ́sɔ̄n ányúū yɛ́ɛ̄ eceg a ŋga kɛ́ li sɔ́ átē á lipém jɛ́ɛ́, jé lí Ɛ́sāŋɛ́ la jé lí áŋgɛl epúán.

Yohánɛs 21:22

Yésus ɔ pélē nyɛ nɛ́: «Náŋ a byɛ́ɛ́ wa yéé é? Kíyáɓɛ́nɛ mag diŋ, ag tɔɔ á éniŋ nɛ́-tɛ́ɛla á mítiman máma, wá hɔ́, ōŋ ma.»

Yohánɛs 21:23

Bíŋ biɓaŋgá bí Yésus nɛ́ byá ɓɔŋ pɔ́l yu cáman á póla ɓayéɓe bísɛ nɛ́ nyɔ́ŋ ŋ̀yége a ŋgá kɛ ɓé lí wú. La mbálɛ, Yésus áh laglee ɓé Pétlos nɛ́ nyɔ́ŋ ŋ̀yége a ŋga kɛ ɓé lí wú, ndí nɛ: «Náŋ a byɛ́ɛ́ wa yéé é? Kíyáɓɛ́nɛ mag diŋ, ag tɔɔ á éniŋ nɛ́-tɛ́ɛla á mítiman máma.»

Misɔ́n mí Ɓáōmɓɛ 1:11

bú ɓāt ɓɔ nɛ́: «Á ɓot bí Galiléa, ányúū yéé maná lɛndán lí légɓe lí lóō é? Nyɔ́ Yésus maná sɔ́lé lí ɛ́n ag nyɔŋɓɛ á lóō, ag kɛ li sɔ́ nlemlem kaa maná ɛ́n nyɛ ag ɓét.»

Elōg-Lóma 14:12

La náŋ, mut wahá sig ag kɛ li tíi lí Ɔ́lolómɛ̄ ndagle ányúū yɛ́ɛ̄ nyɛ́-mɛ̄n.

Elōg-Lóma 2:6

Múŋ á víŋ ɔlɔ́, ag kɛ li sála lí mut sig li oŋle la miɓɔŋɔg mɛ́ɛ́.

Elōg-Kɔlínto 1 15:23

ndí, mut sig á ɛ́yɛ̄ɛ̄ éceg. Nyɔ́-a-Pɔ́hlɛ yágá kaa mut ɔsú a pāhye, ámbúh, ɓá bísɛ bí lɛ́ ndog yɛɛ́ ɓɔ́g bíg kɛ li pahye eceg a ŋga kɛ́ lí sɔ́.

Elōg-Kɔlínto 1 3:13

nsɔ́n á mut sig ág kɛ li ɛ́ni. Ɔlɔ́ ví bíkāāhɛ́nɛ́ víg kɛ wɔ́ lí yíhɛ, ányúū nɛ víŋ ɔlɔ́ víg kɛ li ɛ́nyéne a nzáan, la nyíŋ nzáan ɛ étɛ́ eɓɛ́lé yé nsɔ́n á mut sig.

Elōg-Kɔlínto 1 8:8

Ah patí lidí yā ɓé nɛ ɛ ŋga kɛ́ ɓɛ́hɛ li siŋglɛ á ŋgwáāg Ɔlolómɛ̄, nyí ɛ lɛ nɛ́, kíyáɓɛ́nɛ ɓa dí yɔ tɔ nɛ́ ɓāh dí ɓé yɔ, náŋ a lɛ jā ɓɛ́hɛ nyaa ya la kaa ya.

Elōg-Kɔlínto 2 5:10

Ákaa ɛ́sɛ, ɛ́g kɛ li somlɛ nɛ́ ɓɛ́hɛ bísɛ bi tɛ́lɛ́ á ntélélé ɔ́sū ví bíkāāhɛ́nɛ́ bí Nyɔ́-a-Pɔ́hlɛ, nɛ́ ndí mut sig a púmú yé ɛ lɛ́ nɛ a sál a éniŋ yɛ́ɛ́ míson, ɛ́ ɓɛ́ m̀ɓɛɛŋ, ɛ́ ɓɛ́ aɓé.

Elōg-Éféso 6:8

Miníg yí nɛ́, m̀ɓɛɛŋ ásɛ ŋyɔ́ŋ tɔ kundɛ-mut ɛ ŋga ɓɔ̄ŋ, Nyɔ́ŋ-Ɛsáŋɛ́ ag kɛ wɔ́ lí sála.

Elōg-Kólóso 3:25

Tɔ nzáá a ŋga ɓɔ̄ŋ aɓé, ag kuh nsála á áɓē wɛ́ɛ́, átɔm nɛ́ Ɔlolómɛ̄ ah byɛ́ɛ́ ɓé mbáglán tɔ ya a póla ɓot.

Elōg-Tésaloníka 1 1:10

á nlaaŋkán á Mɔ́ɔ̄n wɛ́ɛ̄ Yésus nyɔ́ a ŋga kɛ́ li timan lí lí sɔ́léne á lōó, nyɔ́ a pahyéé á póla ɓá ɓá wū, nyɔ́ a ŋga kɛ́ ɓɛ́hɛ sūŋ á ɔ́ūn ví ŋga kɛ́ li sɔ́.

Elōg-Tésaloníka 1 4:16

Ányúū nɛ, eceg ŋgɛ́ŋ ya kūt, eceg bi ŋga kɛ́ li ámble lí cíŋ nyí áŋgɛl ecɛ́ŋɛ́ la nlón á nséɓá á Ɔ́lolómɛ̄, Nyɔ́ŋ-Ɛsáŋɛ́ nyɛ́-mɛ̄n ag kɛ li sɔ́le á lōó, váŋ hɔ́, ɓot ɓá wú ányúū Nyɔ́-a-Pɔ́hlɛ nɛ́ bí ŋga kɛ́ li dúgu lí lí pahye.

Yákop 5:7

Á élōgyāŋ, miní ɔ́hánɛ hɔ́ nɛ́-tɛ́ɛla á mísɔ̄ mí Nyɔ́ŋ-Ɛsáŋɛ́. Léɓyán ǹsál-ǹdíí, a ɓáág ja ag laaŋke taŋ mpumu ɛ ŋga sɔ́le á sí ɛ́h ɓɛ́ ɓé nyɛ ntɔghanɛ́ tɔ wa, nɛ́-tɛ́ɛ a púmú li ɓotle á mitám mí ɔ́sū li pám á mí má tiile.

Pétlos 1 1:17

Kasig miní ŋga yáŋa joó lí Etāa á míkánɛ, nyɔ́ ah byɛ́ɛ́ ɓé ndɔ́tlán tɔ ya, nyɔ́ a ŋga kááhɛ mut sig li oŋle la miɓɔŋɔg mɛ́ɛ́, kɔnán hɔ́ Ɔlolómɛ̄ wōŋ á míɓɔŋɔg máná eceg ɛ́sɛ miní ŋga nīŋ á ŋkɔŋ-á-sí.

Yohánɛs 1 2:28

La náŋ, á ɓɔ́ɔ̄n ɓáma, miní ɓɛ́ la nyɛ́ á lí ɓɔŋ nɛ́ eceg a ŋga kɛ́ li sɔ́, ɓɛ́hɛ bísɛ bi ɓɛ́ ŋgíla woŋ, la ki nɛ́ bi táág kɔ̄n ɔ́sɔ̄n á misɔ́ mɛ́ɛ́, kí ɔ nɛ́ŋɓɛ́ ɓɛ́hɛ la nyɛ́.

Yúde 1:14

Ányúū yāɓá ki nɛ́ Hénɔk, mut a yáhɛ́ nzambúwá ámbúh Ádam a pɔ́tɔ́ɔ́ á jóō lí Ɔ́lolómɛ̄ eceg a ŋgí laga nɛ́: «Léɓyán sig, Nyɔ́ŋ-Ɛsáŋɛ́ ag sɔ́ elɔŋ la milɔŋ mipúán mɛ́ɛ́ mí wélan, adun ndí ádun,

Biyɛ́ɛ́léné 1:7

Léɓyán sig, ag kɛ li sɔ́ até á mbaga; joó nɛ́ diíh líg kɛ nyɛ́ li ɛ́n, nlemlem la ɓá bísɛ ɓá ól nyɛ́, ɓot bí mílōmɛ mí ŋkɔŋ-á-sí bísɛ bíg kɛ li lee ányúū yɛ́ɛ́. Ɔɔ, ɛ́ ɓɛ́ náŋ!»

Biyɛ́ɛ́léné 2:23

Mag kɛ li ól lí ɓɔ́ɔ̄n ɓɛ́ɛ́; váŋ, Biɓasɛ bísɛ bíg kɛ li yí nɛ́ ma nɛ́ mi lɛ nyɔ́ a ŋga pígi miɔ́ŋɔ la kóó yí ɓot-bí-bínam; mag kɛ li sála lí mut waná sig li oŋle la misɔ́n mɛ́ɛ́.

Biyɛ́ɛ́léné 20:12

La ma mu ɛ́n ɓot ɓá wú, ɓacɛ́ŋ la ɓatɔ́ga bí tɛ́ɛ ɔ́sū ví étɔɓé-líkanʼyɛ; kálati yú vúúlɛ. Kálati etám yu vúúlɛ sīg-pɛ; yɔ nɛ́ ɛ lɛ kálati nyí eniŋ. Bú kááhɛ́ ɓot ɓá wú, mut sig li oŋle la miɓɔŋɔg mɛ́ɛ́, ákaa yá ciiɓɛ́ á kálati.