Matéus 16:23 - Esaa-líat ɛ́ péná

²³ Ndí Yésus ɔ yíán, a byɛ́la Pétlos nɛ́: «Ɓógó ma váŋ, nɛŋɛ́ la ma á Sátan! Ɔ lɛ́ ma yoóm míceglan, átɔm nɛ́ miɔ́ŋɔ mɔ́ɔ mí sē ɓé míɔ̄ŋɔ mí Ɔ́lolómɛ̄, ndí mí mí ɓot-bí-bínam.»

Matéus 16:23 ပူးပေါင်းရင်းမြစ်များ

Matéus 16:22

Váŋ nɛ̄ Pétlos a dūtɛ́ nyɛ á ŋgwáāg, ɔ ɓōtlé nyɛ li ɓémɛ ag laga nɛ́: «Ɔlolómɛ̄ a ɓāg wa jéŋ jam Ɛtáŋɛ! Kɛ́m, náŋ a ŋgá kɛ ɓé wa lí pámle!»

Matéus 18:7

Eɓéé-nyúū la ɓot bí ŋkɔŋ-á-sí ányúū víŋ ɔbul ví míɓē! Ákaa ɛ́sɛ nɛ́, mam mí ŋga óm ɓot lí ɓɔŋ lí áɓē mí ŋgá súú ɓé. Ndí eɓéé-nyúū la mut a ŋga kɛ́ li ɓɛ́ lí njɔm nyí míɓē mí ɓáŋá!

Matéus 4:10

Váŋ nɛ́ Yésus a tímānɛ̄ nyɛ̄ nɛ́: «Ɓagɓán ma á mbɔm á Sátan! Átɔm nɛ́ yá ciiɓɛ́ nɛ: ‹Ɔg kɛ ja lí ɓégɛ lí Nyɔ́ŋ-Ɛsáŋɛ́ Loó jɔ́ɔ nyɛ́-ntámɛ́, nyɛ́-ntámɛ́ kí nɛ́ ɔ ŋgɔ kɛ́ li ɓɔŋle›.»

Málkus 8:33

Ɛnɛ́ Yésus a yáan, ɔ légɓé ɓáyēge ɓɛ́ɛ́, ɔ nyáálé Pétlos, aá la nyɛ nɛ́: «Ɓógó ma váŋ á Sátan! Nɛŋɛ́ la ma, átɔm nɛ́ miɔ́ŋɔ mɔ́ɔ mí sē ɓé mí mí Ɔ́lolómɛ̄, ndí mí mí ɓot-bí-bínam.»

Lúkas 4:8

Yésus ki ɔ pélē nyɛ nɛ́: «Yá ciiɓɛ́ nɛ: Ɔg kɛ ja li úm lí míɓɔ̄ŋ á li ɓégɛ lí Nyɔ́ŋ-Ɛsáŋɛ́ Lōó jɔ́ɔ, nyɛ́-ntámɛ́ ntámɛ́ kí nɛ́ ɔ ŋgɔ kɛ́ li ɓɔŋle.»

Yohánɛs 6:70

Yésus ɔ pélē ɓɔ́ nɛ́: «Ɓaá, ah ma ɓé nɛ́ ma pɔ́hɔ̄ ɓɛ́nɛ jé jóom la bíɓáa é? Ndí wa á póla yaná a lɛ̄ ǹsɔhɔ.»

Elōg-Lóma 14:13

Bi mwáhɛ́ hɔ́ lí kááhan ɓɛ́hɛ la ɓɛ́hɛ. Ndí nyɔŋán jā bísúghɛ́nɛ́ nɛ miní ŋgá ɓɔŋ ɓé jam lí ŋga ɓɛ́ mɔɔ́nɛ́sɔ̄ŋ waná ɔ́ɓag ví ŋga yígle nyɛ́ lí ɓɔŋ lí áɓē, ndí tɔ li kuhʼanɛ lí nyɛ á míceglan.

Elōg-Lóma 14:21

Yé ɛ́ lɛ́ m̀ɓɛɛŋ, ɛ́ lɛ́ lí ɓen lí lí ɓɔŋ lí jam jé lí ŋga lā li kuɛhɛ lí mɔ́ɔ̄nɛ́sāŋ á míceglan, kíyáɓɛ́nɛ lí dí lí tít, ɔh díág ɓé yɔ, kíyáɓɛ́nɛ li nyú lí mílɔg, ɔh nyúág ɓé mɔ̄.

Elōg-Fílípi 3:19

Ɓáŋ bísɛ lísūg jáɓá líg kɛ lí ɓɛ́ lí m̀ɓɔ́lanɛ́. Mibum máɓá nɛ́ mí lɛ́ míloó máɓá, mam mí ŋga nyɛ́ɛ ɓɔ́ lí kɔnhanɛ lí mbɔɔla nɛ́ ɓɔ́ bí ŋga nyɔ̄ŋ ákaa lípēm jáɓá, ɓɔ́ ɓot ɓá vá jā mímīm á mam mí ŋkɔŋ-á-sí.

Elōg-Kólóso 3:2

Nsɛ́ŋ á éniŋ yáná á lɛ́ jā á lōó, ndí ah á sí ɓé.