Matéus 16:18 - Esaa-líat ɛ́ péná

¹⁸ Má, mag laga wa nɛ́: ‹Ɔ lɛ Ŋgɔgɛ, á lóō lí nyíŋ ŋgɔg nɛ́ mi ŋga óŋ Eɓasɛ yáma, tɔ ŋguu nyí nyɛmb ɛ́ ŋgá kɛ ɓé yɔ li dí lí cíŋ.

Matéus 16:18 ပူးပေါင်းရင်းမြစ်များ

Matéus 10:2

Moó mí jéŋ jóom lí ɓáōmɓɛ la bíɓáa mí nɛ́: nyɔ́ ɔsú nɛ Símɔn, nyɔ́ a ŋga yáŋlɛ nɛ́ Pétlos la mɔɔ́nyāŋ Andléas, Yákop mɔɔ́n Zebedéo la mɔɔ́nyāŋ Yohánɛs,

Matéus 11:23

Wa ki, á Kafalnáum, ɔg ɔ́ŋɔ nɛ́ ɔg kɛ li ɓét tɛɛla á lóō é? Ɔg naaɓan, ɔg kɛ li suh nɛ́-tɛ́ɛ la á ŋkɔŋ á ɓá ɓá wū! Átɔm nɛ́ ki ɓɔŋ nɛ́ bínanaŋga bí mam byá loolé á yóg yɔ́ɔ bí lóolege á Sódom, kí nyíŋ tísɔn ɛ ŋgí tɛ́ɛ tɛɛla lɛn.

Matéus 18:17

Kíyáɓɛ́nɛ āh ámble ɓé ki ɓɔ́, kɛ̄n la nyúŋ ŋkwɛl á Éɓasɛ. Kíyáɓɛ́nɛ a ɓēn ki li ámble lí ɓot bí Éɓasɛ, nyɔ̄ŋ nyɛ́ kaa mut a ŋga yí ɓé Ɔ́lolómɛ̄ tɔ kaa ŋ̀komanɛ-ŋkuh-á-gɔ́mna.

Matéus 4:18

Kasig Yésus a ŋgí wɛɛ á ŋgwáāg ebúle yé Galiléa, ɔ ɛ́n línyaŋ líɓáa, Símɔn nyɔ́ a ŋga yáŋlɛ nɛ́ Pétlos la mɔɔ́nyāŋ Andléas bíg léé épéha á ébúle, kasig bí ɓɛ́ɛ́ ɓot bí mísombó.

Matéus 7:24

«Jɔ́ nɛ́ tɔ nzáá a ŋga ámblé bí biɓaŋgá ma sɔ́lé lí pɔ́t, ndí ag oŋle ki byɔ́, ag punan la mut á peg nyɔ́ a óŋ nlɛ́ɛ́ á taŋ sí nyí ŋgɔg.

Yohánɛs 1:42

La nyɛ́ ɔ kɛ́la Símɔn á yóg Yésus. Ɛnɛ́ Yésus a tīŋ nyɛ miíh ɔ lága nyɛ nɛ́: «Ɔ lɛ Símɔn mɔɔ́n Yohánɛs, ɔg kɛ li yáŋlɛ nɛ́ Séfas.» Náŋ a lɛ nɛ́ ŋgɔgɛ.

Misɔ́n mí Ɓáōmɓɛ 2:47

Bí ŋgí ɓégɛ Ɔlolómɛ̄, lilóm lísɛ lí ŋgí diŋ ɓɔ́. Ɔlɔ́ sig ki, Nyɔ́ŋ-Ɛsáŋɛ́ a ŋgí kondye ɓá bísɛ bí ŋgí kuh lisuŋga á élɔŋ yáɓá.

Misɔ́n mí Ɓáōmɓɛ 20:28

Miní táthán la ɓɛ́nɛ-mɛ̄n, miní táthán ki la liɓembá jé M̀búl Mpúán a tí ɓɛ́nɛ. Ɓɛ́án ɓatát bí Eɓasɛ yé Ɔlolómɛ̄, yé a sóm ányúū yɛ́ɛ̄ nyɛ́-mɛ̄n la micii mɛ́ɛ́.»

Misɔ́n mí Ɓáōmɓɛ 8:1

Sául nyɛ́g a ɓɛ́ɛ́ á dimb lí ɓot bí yéɓyéé nyɛmb nyí Étiɛn. Múŋ á nyúŋ m̀bya, bú ɓōtlé li váŋgɛ lí Éɓasɛ yé Yelúsalɛm la ndeeŋgɛ. Amáh sig ɓáōmɓɛ, ɓáŋá ɓáyēɓe bísɛ bú cámān á míkɔŋ mí Yúdēa la mí mí Samália.

Elōg-Kɔlínto 1 15:55

«Á nyɛmb ah wa ɓé nyɔ́ ɓá dí cíŋ é? Á nyɛmb nsɔŋ wɔ́ɔ á lɛ́ véé é?»

Elōg-Gálátia 2:9

Ɛnɛ́ Yákop, Séfas la Yohánɛs mbii-ɓōt yí éɓasɛ, ɓá ɛ́n líkaale Ɔlolómɛ̄ a tíéé ma, bú sám ma la Balnábas wɔ, ákaa ndembye nyí ŋ̀atanɛ́ wahá átē a nsɔ́n, á li ɓɔŋ nɛ́ ɓɛ́hɛ bi kɛ̄ ápah ɓot bí sē ɓé ɓɔ́ɔ̄n bí Élōg-Yúda bí lɛ, ɓɔ́g bí kɛ á yóg ɓɔɔ́n bí Élōg-Yúda.

Elōg-Éféso 3:10

Jɔ́ nɛ́, li ɓotle nyí vɔ́ŋɔ́ɔ, li loole la Eɓasɛ nɛ́ Migɔ́mna la Ɓakanʼyɛ bí lɛ́ á lóō bí ŋga kɛ́ lí yí lí peg Ɔlolómɛ̄ á pánd ɛ́sɛ,

Elōg-Éféso 5:32

Nyíŋ mbaŋ ɛ lɛ́ ŋguu. Ma, mag laga nɛ́ ɛg pɔ́tle Nyɔ́-a-Pɔ́hlɛ la Eɓasɛ.

Elōg-Kólóso 1:18

Nyɛ́ nɛ́ a lɛ m̀mú á nyúū, nyíŋ nyúū nɛ ɛ lɛ̄ Éɓasɛ. Nyɛ́ nɛ́ a lɛ míɓōtlé Mut ɔsú á lí pahye á póla ɓá ɓá wū, á li ɓɔŋ nɛ́ a ɓɛ́ nyɔ́ ɔsú á mam mísɛ.

Timotéo 1 3:15

Ndí, Kíyáɓɛ́nɛ ma bíŋhan, yé ma cíilé wa ɛg kɛ wa lí óŋgánɛ á lí yí ákaa wa nyɛ́ɛ lí wɛɛ á ndáá Ɔlolómɛ̄, nyí ɛ lɛ Éɓasɛ yé Ɔlolómɛ̄ nyɔ́ a lɛ̄ á éniŋ, nyí ɛ lɛ̄ mbíi ɛ ŋga ɓɛ́gɛ mbálɛ la li nit lí yɔ.

Timotéo 1 3:5

Á mbálɛ, Kíyáɓɛ́nɛ mut a ŋgá yí ɓé lí wɛɛla lí ndáá yɛ́ɛ̄, nɛ̄-láá hɔ́ a lɛ́ nɛ́ a nyɔ̄ŋ eceg la Eɓasɛ yé Ɔ́lolómɛ̄ é?

Elōg-Hébɛl 12:28

Kasig ɓɛ́hɛ bi ŋga kɛ́ li kuh lí líkanʼyɛ jé lí ŋgá kɛ ɓé lí póghan, la náŋ bi tí Ɔlolómɛ̄ mítamlan, bi sálé nyɛ́ átē a esuhɛ-nyuú la ŋkɔnwoŋɛ́, á nyaa ɛ ŋga kɔ́nɛ nyɛ́ mívag.

Biyɛ́ɛ́léné 11:15

Ɛnɛ́ áŋgɛl ya yáhɛ́ nzambúwá ya ɔ́ŋ nséɓá wɛ́ɛ́; cíŋ ecɛ́ŋ yú sɔ́le á lóō yú lága nɛ́: «Nyí vɔ́ŋɔ́ɔ likanʼyɛ lí ŋkɔŋ-á-sí la timan jé lí Ɛtáŋɛ wahá la jé lí Nyɔ́-a-Pɔ́hlɛ; ag kɛ li kanʼyɛ á éɓem la á éɓem.»

Biyɛ́ɛ́léné 21:14

Bididiya bí kɔ́tá tísɔn bí óŋɓɛ́ɛ á lóō lí jóom lí melké la míɓáa. Jelké sig, lí ɓɛ́ɛ́la joó lí ŋ̀ómɓɛ wa, á moó mí jóom lí ɓáōmɓɛ la bíɓáa bí mɔ́ɔ̄n ntómbɛ́.