Matéus 13:39 - Esaa-líat ɛ́ péná

³⁹ Ǹlem nyɔ́ a ɓɛ̄l líkāā-lí-ŋkóg nɛ́ a lɛ ǹsɔhɔ. Mpumu á lɛ́ lísūg lí ŋkɔŋ-á-sí, ɓapumu nɛ́ bí lɛ́ áŋgɛl.

Matéus 13:39 ပူးပေါင်းရင်းမြစ်များ

Matéus 12:32

Tɔ nzáá a ŋga kɛ́ li pɔ́t á lí tɛ́ŋgánɛ lí Mɔ́ɔ̄n Mut, bíg kɛ nyɛ́ lí laakɛ; ndí, tɔ nzáá a ŋga pɔ́t á lí tɛ́ŋgánɛ lí M̀búl Mpúán, bí ŋgá kɛ ɓé nyɛ li laakɛ, vɔ́ŋɔ́ɔ tɔ á éceg ɛ́ ŋga kɛ́ li sɔ́.»

Matéus 13:22

Mbóó ya ɓɛ̄lɓɛ́ á voóm á bikáá bí bílɔ, ɛ lɛ́ mut a ŋga ámblé eɓaŋgá Ɔ́lolómɛ̄, ndí mitaka mí ŋkɔŋ-á-sí la nsom á ábyaŋ ɓá lēgtánɛ́ yéŋ eɓaŋgá, yáh wúm ɓé mítām.

Matéus 13:25

Eceg ɓot bí ɓɛ́ɛ́ á ɔ́lɔ̄, ǹlem wɛɛ́ ɔ sɔ́, ɔ ɓɛ̄l líkāā-lí-ŋkóg á póla mbahɛ ɔ kɛ̄.

Matéus 13:28

Ɔ pélē ɓɔ́ nɛ́: ‹Ǹlem nɛ́ a ɓɔ̄ŋ náŋ.› Ɓaɓɔŋle bú ɓāt nyɛ nɛ́: ‹Ɔg somo nɛ́ bi kɛ̄ bi ɓógtɛ́ jɔ́ é?›

Matéus 13:40

Nlemlem kaa bí ŋga kɛ́ li komanɛ lí líkāā-lí-ŋkóg á lí dígɛ lí jɔ, náŋ ki nɛ́ lísūg lí ŋkɔŋ-á-sí lí ŋga kɛ́ li ɓɛ́.

Matéus 13:49

Náŋ nɛ́ ɛ́ ŋga kɛ́ li ɓɛ́ á lísūg lí sí. Áŋgɛl ɛ́g kɛ li sɔ́ á lí ɓága lí ɓot ɓaɓé la ɓá bí tɛ́ɛ́ sim.

Matéus 24:3

Kasig Yésus a ɓɛ́ɛ́ á tɔ́ɔ̄ á ɔ́kolá ví tín ɛ́ Olíva, ɓayége ɓɛ́ɛ́ bú ōŋ nyɛ̄ ápah a ɓɛ́ɛ́ á mɓagɓanɛ́, bú lāgá nyɛ̄ nɛ́: «Lagá ɓɛ́hɛ ǹjén náŋ a ŋga kɛ́ li ɓɔŋɓɛ, yɔɔ́yɔ́ɔ ndembye ɛ ŋga kɛ́ li yíhɛ nɛ́ misɔ́ mɔ́ɔ mí lɛ́ ɓɛ́ɓɛ, la nɛ́ misúg mí bíceg má kɔlan.»

Matéus 25:31

«Eceg Mɔ́ɔ̄n Mut a ŋga kɛ́ li sɔ́ átē a lipém jɛ́ɛ́, elɔŋ la áŋgɛl ɛ́sɛ, váŋ nɛ̄ a ŋga kɛ́ li tɔɔ á étɔɓé-líkanʼyɛ yɛ́ɛ́.

Matéus 28:20

Miní yéglɛ́ ɓɔ́ li naŋɛ lí mam mísɛ ma yéglɛ́ ɓɛ́nɛ. Á yé ŋga légɓe ma, mi lɛ élɔŋ la ɓɛ́nɛ ɔlɔ́ sig, nɛ́-tɛ́ɛla á lísūg lí biceg.»

Elōg-Kɔlínto 1 10:11

Míŋ mam mí pámléé ɓɔ́ á lí ɓɔŋ nɛ́ mí ɓɛ́ ndembye, la mɔ́ mú cíiɓɛ́ ányúū li yéglɛ lí ɓɛ́hɛ, ɓɛ́hɛ ɓá bi lɛ lí kɛ á mísūg mí bíceg.

Elōg-Kɔlínto 2 11:3

Ndí, mag kɔn woŋ nɛ́, kaa nyɔ ɛ lɔ́ɔ́ndéé Éva la micaŋg mɛ́ɛ́, miɔ́ŋɔ máná ki mí táág kɔ́tɔ́ la mɔ́ mí nɛ̄ŋɓɛ́ taŋ yaná ekɔ́ɔ́ maná nyɛɛ́ lí ɓɛ́la la Nyɔ́-a-Pɔ́hlɛ.

Elōg-Kɔlínto 2 2:17

Ákaa ɛ́sɛ, bi sē ɓé ɓɛ́hɛ káa víŋí ɔ́bul ví ɓot, ɓá bí ŋga núŋu eɓaŋgá yé Ɔ́lolómɛ̄. Ndí ɓɛ́hɛ, biíg pɔ́t á nyaa ɛ tɛ́ɛ́ á joó lí Ɔ́lolómɛ̄, ɔ́sū ví Ɔ́lolómɛ̄, á ŋ̀atanɛ́ la Nyɔ́-a-Pɔ́hlɛ.

Elōg-Éféso 2:2

á ɔkolpáŋá, eceg miní ŋgí ógle loó lí nyú ŋkɔŋ-á-sí, ŋ̀kanʼyɛ nyɔ́ a lɛ á póla sí la loó. Nyɔ́ŋ ŋ̀kanʼyɛ nɛ́ a lɛ m̀búl m̀ɓé á ŋga sál vɔ́ŋɔ́ɔ á póla ɓot ɓá ndɔ́gɓéné Ɔ́lolómɛ̄.

Elōg-Hébɛl 1:2

Ndí, á nyú alɔ́ wá tiile bi byɛɛ́, Ɔlolómɛ̄ a pɔ́tɛ́ ɓɛ́hɛ li loole la Mɔɔ́n wɛ́ɛ̄. Li loole la nyɔ́ŋ Mɔɔ́n nɛ a vēg ŋkɔŋ-á-sí ásɛ la mam mí lɛ́ átē, ɔ tɛ́ɛ́yɛ́ nyɛ ŋ̀koto-embámbá yé mam mísɛ.

Elōg-Hébɛl 9:26

Kí ɓɔ̄ŋ nɛ́ ɛ́ loolog náŋ, kí a táka ŋgéle ŋgandag li ɓotle á mívegɓɛ mí ŋkɔŋ-á-sí. Á mbálɛ, nyí vɔ́ŋɔ́ɔ á mí misúg mí bí bíceg, Yésus Kilístus a ɛ́ni ŋgéle ya ányúū yɔ́ ɛ́sɛ, á lí manɛ lí áɓē eceg a tíéé nyɛ́-mɛ̄n kaa nsúlé.

Pétlos 1 5:8

Miníh lɛndkágán ɓé, ɓɛ́án pɛɛ átɔm nɛ́, ǹsɔhɔ, ǹlem waná, ag ciiŋgan váŋ kaa ŋgíla nɛ́ ɛ ŋga ɓám, á lí somo lí mut ɛ ŋga dí.

Yúde 1:14

Ányúū yāɓá ki nɛ́ Hénɔk, mut a yáhɛ́ nzambúwá ámbúh Ádam a pɔ́tɔ́ɔ́ á jóō lí Ɔ́lolómɛ̄ eceg a ŋgí laga nɛ́: «Léɓyán sig, Nyɔ́ŋ-Ɛsáŋɛ́ ag sɔ́ elɔŋ la milɔŋ mipúán mɛ́ɛ́ mí wélan, adun ndí ádun,

Biyɛ́ɛ́léné 12:9

Nyúŋ m̀ɓáláŋ á nyuŋgu la áŋgɛl yɛ́ɛ́ bú lééɓɛ́ á ŋkɔŋ-á-sí; wɔ́ nɛ́ á lɛ́ nlom á nyɔ, nyú bí ŋga yáŋa nɛ́ Ǹsɔhɔ, Sátan, ŋ̀yɛ́ɛ ŋkɔŋ-á-sí ásɛ;

Biyɛ́ɛ́léné 13:14

La nyíŋ tít yu yɛ́ɛ́ ɓot bí ŋkɔŋ-á-sí la ŋguu ɓá tí yɔ á li ɓɔŋ lí mínɛ́ŋ ɔ́sū ví tít ɔsú. Yu kágyɛ́ ɓɔ nɛ́ bí mɛ̄ njimbilí á épunan ɛ́ nyí tít ɛ byɛ́ɛ̄ ékwɛɛ ɛ́ ŋga lá yɔ li ól ndí yú mān á lí tíi lí yɔ adit.

Biyɛ́ɛ́léné 19:20

La tít yu byéelɓɛ́ ŋkómá, bú byeé ki m̀pɔ́tle-a-Ɔlolómɛ̄ a minaa nyɔ́ a ɓɔŋɔ́ɔ́ mínɛ́ŋ ɔ́sū ví tít, ányúū li jáŋɛ lí ɓot bí kuhúú ndembye nyí tít la li ɓégɛ lí edíŋgɛ́-díŋgɛ yɛ́ɛ́. Tít la m̀pɔ́tle-a-Ɔlolómɛ̄ a minaa bú lééɓɛ́ bíg vɛɛɓan átē á éɓēl-nzáan nyí ɛ ŋgá dím ɓé, nyí nzuhú ɛ ŋga lóŋɛ.