Matéus 13:11 - Esaa-líat ɛ́ péná

¹¹ Yésus ɔ pélē ɓɔ̄ nɛ́: «Ányúū nɛ́ ɓɛ́nɛ nɛ́ maná pɔhlɛ́ á lí yí lí mam mí mbaŋ nyí Ékombo-lóō. Ndí ah ɓáŋá ɓátām ɓé,

Matéus 13:11 ပူးပေါင်းရင်းမြစ်များ

Matéus 13:10

Ɓayége ɓɛ́ɛ́ bú sīŋglé nyɛ ɓɛɓɛ bú ɓāt nyɛ nɛ́: «Ányúū yéé ɔ ŋgɔ pɔ́tɛ ɓɔ́ á aŋgaáŋgan é?»

Matéus 16:17

Yésus ɔ nyɔ̄ŋ sīg-pɛ mpɔ́t, ɔ lāgá nɛ: «Misɔ́tá la wa á Símɔn, mɔɔ́n Yónas, átɔm nɛ́ mut-a-binam ɓé nɛ a yíhɛ́ wa náŋ, ndí Etāa nyɔ́ a lɛ á lóō.

Matéus 19:11

Yésus ɔ pélē ɓɔ̄ nɛ́: «Ɓot bísɛ bí ŋgá sɔ́ŋtánɛ ɓé nyúŋ ŋkwɛl, amáh sig ɓá bí lɛ́ m̀ɓoŋhágan ányúū náŋ.

Matéus 20:23

Yésus ɔ lága ɓɔ́ nɛ́: «Kɔɔ, miníg nyú líɓondó lí ésɔghe mi ŋga kɛ́ li nyú; ndí ányúū li tɔɔ á m̀ɓɛ́nlómɛ tɔ á m̀ɓɛ́ŋgáa wama, ah ma ɓé nɛ mi ŋga súgɛ náŋ. Etāa a ɓōŋhán bíŋ bitɔ ányúū ɓot ɓá.»

Málkus 10:40

Ndí ányúū li tɔɔ á m̀ɓɛ́nlómɛ tɔ á m̀ɓɛ́ŋgáa wama, ah ma ɓé nɛ mi ŋga súgɛ náŋ. Bíŋ bitɔ bí lɛ ányúū ɓot Etāa a ɓōŋhán byɔ.»

Málkus 4:11

A byɛ́la ɓɔ́ nɛ́: «Ɓɛ́nɛ nɛ́ maná kūh líkaale jé lí lí yí lí mbaŋ Likanʼyɛ lí Ɔlolómɛ̄, ndí ɓáŋá ɓátām ya sɔ́lɔ́ ɓɔ.

Lúkas 8:10

Yésus ɔ pélē ɓɔ́ nɛ́: «Ɓɛ́nɛ nɛ́ maná pɔhlɛ́ á lí yí lí mbaŋ nyí mam mí Ékombo Ɔ́lolómɛ̄. Ndí ɓáŋá ɓatám, bíg laga ɓɔ́ mɔ́ á aŋgaáŋgan, á lí ɓɔŋ nɛ́ bí légɓe, ɛ́h ɓɛ́ ɓé lí ɛ́n, bí ámble ɛ́h ɓɛ́ ɓé lí sɔ́ŋtánɛ.»

Yohánɛs 6:65

Ɔ kōndyé sīg-pɛ nɛ́: «Ányúū náŋ nɛ́ ma lága ɓɛ́nɛ nɛ́: ‹Mut tɔ wa a ŋgá la ɓé lí sɔ́ la ma, kíyáɓɛ́nɛ náŋ āh tíéɓɛ ɓé nyɛ la Etāa›.»

Yohánɛs 7:17

Nyɔ́ a ŋga sómo li ɓɔŋ lí nsom á Ɔ́lolómɛ̄, ag kɛ li yí kíyáɓɛ́nɛ yé mi ŋga yéglɛ ɛ́g sɔ́le la Ɔlolómɛ̄ tɔ nɛ́ la mā-mɛn.

Misɔ́n mí Ɓáōmɓɛ 16:14

Mindígá wa múŋ á elɔŋ ɛ́ ɓondígá bí ŋgí yáŋa nɛ́ Lídia, ŋgɔn tísɔn nyí Tiatília, a ŋgí yéɓe la Ɔlolómɛ̄, a ŋgí nuŋu taŋ bívɛɛ́vɛ́ɛ bí míɓato mí ŋga véé díyɛ. A ŋgí ámble ɓɛ́hɛ, la Nyɔ́ŋ-Ɛsáŋɛ́ ɔ legé m̀mím wɛ́ɛ́ á lí ɓɔŋ nɛ́ a sɔ́ŋtánɛ biɓaŋgá bí Póol.

Elōg-Lóma 11:25

Á élōgyāŋ, mag somo ɓɛ́nɛ li yíhɛ lí ŋ̀yɛ́ɛ́lāg á mbaŋ, á lí ɓɔŋ nɛ́ miníh nyɔŋɔ́g ɓé ɓɛ́nɛ-mɛ̄n kaa ɓot bí peg. Jogo lí ɓot bí lílōm lí Íslāɛl lá pún lí sɔ́ŋtánɛ, náŋ ag kɛ li ɓemle tɛɛ míŋí mílōm mísɛ má ōŋ nzen Ɔlolómɛ̄.

Elōg-Lóma 16:25

Bi ɓégɛ́ Ɔlolómɛ̄ nyɔ́ a byɛ́ɛ̄ ŋguu li ólɓɛ lí ŋyéɓé wáná, kaa ɛ́ ŋga lāglɛ á Pɔ́l M̀ɓɛɛŋ nyí mi ŋga camanɛ, nyí ɛ ŋga yíhɛ ɓɛ́nɛ nzáá a lɛ Yésus Kilístus. Nyíŋ Pɔ́l M̀ɓɛɛŋ ya yɛ́lɛ́ mbaŋ nyí Ɔlolómɛ̄ nyí ɛ ɓɛ́ɛ́ ɛ́ sɔ́lɛ ɓɛɛvéé.

Elōg-Kɔlínto 1 13:2

Tɔ yá ɓɛ́ nɛ ma kūh líkaale jé lí pɔ́t ákaa m̀pɔ́tle-a-Ɔlolómɛ̄, tɔ yá ɓɛ́ nɛ ma lā lí sɔ́ŋtánɛ lí mbaŋ yɔ́ ɛ́sɛ, la li yí lí mam mísɛ, tɔ yá ɓɛ́ nɛ ma ɓɛ́la ŋyéɓé á sí ɛsɛ̄, nyú a ŋga ɓɛgɛ akolá, kíyáɓɛ́nɛ míh byɛ́ɛ́ ɓé mā édiŋ, ɛnɛ mi sē ɓé mā tɔ jam.

Elōg-Kɔlínto 1 15:51

Mag yɛ́ɛ́léne ɓɛ́nɛ mbaŋ ya. Ɓɛ́hɛ bísɛ bi ŋgá kɛ ɓé lí wú, ndí bíg kɛ ɓɛ́hɛ bísɛ li yaanɛ lí nyaa etám,

Elōg-Kɔlínto 1 2:14

Mut nyɔ́ a tɔɓéné jā á líɓɛ́ɛg jɛ́ɛ́ lí mut-a-binam jɔ́-ntámɛ́, a ŋgá yéɓe ɓé yé ɛ́ ŋga sɔ́léne la M̀búl á Ɔ́lolómɛ̄. Bíŋ bísɛ bí lɛ́ jā nzeg ányúū yɛ́ɛ̄, a ŋgá la ɓé lí yí lí tɔ jam átē, átɔm nɛ́ M̀búl Mpúán nɛ a ŋga yíhɛ mut yé ɛ́ lɛ́ m̀ɓɛɛŋ la yé ɛ́ lɛ́ áɓē á míŋ mam.

Elōg-Kɔlínto 1 2:7

Biíg camanɛ jā peg nyí Ɔlolómɛ̄, nyí ɛ lɛ̄ mbaŋ, nyí ya tíg á lísɔl, nyí ɛ lɛ̄ nɛ́ Ɔlolómɛ̄ a ɓoŋháán mimbú ndí mímbú ɔ́sū ví eceg ányúū lipém jáhá.

Elōg-Kɔlínto 1 4:1

Á élōgyāŋ, miní nyɔ́ŋɔg hɔ́ ɓɛ́hɛ ákaa ɓaɓɔŋle bí Nyɔ́-a-Pɔ́hlɛ, ɓá bí lɛ́ ɓálégɓe-miɓɛɛŋ mí mbaŋ nyí Ɔlolómɛ̄.

Elōg-Kɔlínto 1 4:7

Ákaa ɛ́sɛ, ɔg loo ɓáŋá la yéé é? Ɓaá, yé ɔ byɛ́ɛ̄ yáh sɔ́le ɓé ja la Ɔlolómɛ̄ é? Kíyáɓɛ́nɛ yá tíéɓɛ́ wa, ányúū yéé hɔ́ ɔ ŋgɔ yáta nyaa nɛ́ wa kūh jā yɔ́ é?

Elōg-Éféso 1:18

A légé mimím máná nɛ́ mípūū mɛ́ɛ́ mí paayé ɓɛ́nɛ, á lí ɓɔŋ nɛ́ miní sɔ́ŋtánɛ jɔɔ́jɔ́ɔ lipitá ŋyáŋlán wɛ́ɛ́ á ŋga sɔ́la ɓɛ́nɛ, nɛ́ miní sɔ́ŋtánɛ wɔɔ́wɔ́ɔ ábyaŋ lipém jɛ́ɛ́ lí ŋga sɔ́la ɓɛ́nɛ, yɔɔ́yɔ́ɔ embámbá a ŋga káahanɛ ɓɛ́nɛ la ndog yɛ́ɛ̄,

Elōg-Éféso 1:9

A yɛ́ɛ́léné ɓɛ́hɛ mbaŋ nyí nsom wɛ́ɛ́, ɔ yɛ́ɛ́léné ki ɓɛ́hɛ peg a vúl la m̀mím á m̀ɓɛɛŋ ɔ́sū ví eceg á jóō lí Nyɔ́-a-Pɔ́hlɛ.

Elōg-Éféso 5:32

Nyíŋ mbaŋ ɛ lɛ́ ŋguu. Ma, mag laga nɛ́ ɛg pɔ́tle Nyɔ́-a-Pɔ́hlɛ la Eɓasɛ.

Elōg-Éféso 6:19

Kánhánɛ ki ányúū yáma á lí ɓɔŋ nɛ́ Ɔlolómɛ̄ a tí ma biɓaŋgá bí kɔ́ɔ̄, bí ma nyɛ́ɛ lí lɛglene lí mbaŋ nyí Pɔ́l M̀ɓɛɛŋ la akwáá.

Elōg-Kólóso 2:2

La náŋ, mag somo nɛ́ ɓɛ́nɛ bísɛ miní ɓɛ́la mikúndá, miní ɓɛ́ jam já átē a ediŋ, miní yál la eyí, nɛ́ ndí miní yí mbaŋ Ɔlolómɛ̄, nyí ɛ lɛ̄ Yésus Kilístus.

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Timotéo 1 3:9

Ɓá nyɛɛ́ lí naŋɛ lí mbaŋ nyí ŋyéɓé á mímīm ɛ́h ɓɛ́ ɓé nɛ cíŋ-m̀mím yāɓá ɛ kááhɛ́ ɓɔ́.

Yákop 1:5

Kíyáɓɛ́nɛ mut á póla yaná ag yɛ́ɛ́ peg, a ɓāt yɔ Ɔlolómɛ̄, nyɛ́ ag kɛ nyɛ́ yɔ li tíi, átɔm nɛ́, Ɔlolómɛ̄ nɛ́ a ŋga tíi la elɔ́ŋgɔ m̀mím, yé ɓot bísɛ bí ŋga ɓāt nyɛ́ ɛ́h ɓɛ́ ɓé ntɔghanɛ́.

Yohánɛs 1 2:20

Ndí, ɓɛ́nɛ máná kuh ndómbo nsɔ́n ɛ ŋga sɔ́le la Nyɔ́-Mpúán, ányúū náŋ nɛ́ ɓɛ́nɛ bísɛ miní ŋga yí mbálɛ.

Yohánɛs 1 2:27

Ndí ɓɛ́nɛ, ndómbo nsɔ́n maná kuh ɛ ŋga sɔ́le la Nyɛ́, ɛ tɔ́ɔ átē wāná, nsɛ́ŋ á lí yéglɛ lí ɓɛ́nɛ jam tɔ já á sē ɓé pɛ, ányúū nɛ ndómbo yɛ́ɛ̄ nsɔ́n ɛg yéglɛ ɓɛ́nɛ mam mísɛ, ɛ lɛ́ mbálɛ, ɛ ŋgá naaɓan ɓé. Kasig ya yéglɛ́ ɓɛ́nɛ, miníg tɔ́ɔ átē á Nyɔ́-Mpúán.