Matéus 12:31 - Esaa-líat ɛ́ péná

³¹ Jɔ́ nɛ́ mi ŋga lága ɓɛ́nɛ nɛ́, joó nɛ aɓé ɓot bí ŋga kɛ́ li ɓɔŋ, joó nɛ lióó bí ŋga kɛ́ li pámɛ á mínyu, á lí vɔ́ɔ́le lí Ɔ́lolómɛ̄, bíg kɛ ɓɔ́ jɔ́ lí laakɛ; ndí, li vɔ́ɔ́le lí M̀búl Mpúán lí ŋgá kɛ ɓé lí kuh lí élaakɛ.

Matéus 12:31 ပူးပေါင်းရင်းမြစ်များ

Lúkas 12:10

Tɔ nzáá a ŋga kɛ́ li pɔ́t á li tɛ́ŋgánɛ lí Mɔɔ́n Mut, bíg kɛ nyɛ́ li laakɛ; ndí tɔ nzáá a ŋga kɛ li óŋo lí M̀búl Mpúán, bí ŋgá kɛ ɓé nyɛ li laakɛ.

Misɔ́n mí Ɓáōmɓɛ 7:51

Étiɛn ɔ lága pɛ ɓot bí ɔ́ku-vicɛ́ŋ-ví-bíkāāhɛ́nɛ́ nɛ: «Á ɓot bí ŋga lēt mimú ɓá, maná letɛ́ mímīm, munú lēg miɔ́ɔ́ máná á ŋyáŋlán á Ɔ́lolómɛ̄, tɛɛla lɛn, miní ŋgí ɓenég M̀búl Mpúán, miní lɛ́ nlemlem kaa ɓasɔ́ŋɛ́ ɓáná.

Elōg-Hébɛl 10:26

Ányúū nɛ kíyáɓɛ́nɛ ɓaá yégé lí yí lí mbálɛ nɛ́ ɓam, ndí biíg kondye li ɓɔŋ lí áɓē la cɛŋ, nsúlé tɔ wá á sē ɓé pɛ nyú a ŋga lá li so lí nyúŋ aɓé.

Elōg-Hébɛl 10:29

Ɓaá, mut a ŋga yáŋa Mɔɔ́n Ɔlolómɛ̄ a ŋgá kɛ́ ɓé li kuh lí ékɔ́ghɛ ɛ́ ŋga lóo yéŋ é? Kasig nyɔ́ŋ mut a ŋgá ditɛ ɓé mícii mí ésaa-líat mí má so míɓē mɛ́ɛ́. Ag óŋo M̀búl Mpúán nyɔ́ a yíhɛ́ ɓɛ́hɛ nɛ́ Ɔlolómɛ̄ a byɛ́ɛ́ elɔ́ŋgɔ m̀mím.

Elōg-Hébɛl 6:4

Bi nyɔ́ŋ sig ɔ́vega la ɓot ɓá tímān á éniŋ yáɓá yé kwaŋ: ɓɔ́ ɓot ɓá lɛ́glé mípūū mí Ɔ́lolómɛ̄, bú ɓōtlé lí yí lí m̀ɓɛɛŋ á líkaale jɛ́ɛ́, bú kūh M̀búl Mpúán.

Yohánɛs 1 1:9

Kaa Ɔlolómɛ̄ a ŋga yáhɛ mikakanɛ mɛ́ɛ́ éceg sig, ɔ ɓɛ́ ki mut a tɛ́ɛ́ sim, kíyáɓɛ́nɛ ɓaá páhá míɓē máhá, ag kɛ ɓɛ́hɛ mɔ́ lí laakɛ, a púɛ́ ɓɛ́hɛ yé ɛ́sɛ ɛ́ sē ɓé m̀ɓɛɛŋ á miíh mɛ́ɛ́.

Yohánɛs 1 5:16

Kíyáɓɛ́nɛ mut a ɛ́n mɔ́ɔ̄nyāŋ ag ɓɔŋ aɓé, nyú á ŋgá óm ɓé nyɛ á nyɛ̄mb, a kánɛ̄, Ɔlolómɛ̄ ag kɛ lí tíi lí mɔ́ɔ̄nyāŋ eniŋ, kíyáɓɛ́nɛ, aɓé nyɔ́ŋ a ɓɔ̄ŋ á ŋgá óm ɓé kɔɔ nyɛ́ á nyɛ̄mb. Aɓé wá á lɛ̄ nyú á ŋga óm á nyɛ̄mb, ah ányúū wɔ́ ɓé nɛ mi ŋga lága nɛ́ bí kánɛ̄.