Matéus 11:7 - Esaa-líat ɛ́ péná

⁷ Eceg ɓayége bí Yohánɛs bí ŋgí timan, Yésus ɔ ɓōtlé lí kwɛlɛ lí límut likɔlɓan la Yohánɛs. La nyɛ́ ɔ bíhī ɓɔ̄ nɛ́: «Yéé miní kɛ̄nɛ́ɛ́ lí légɓe á éyāŋ é? Likáá jé ŋgɔá ɛ ŋga pógɛ é?

Matéus 11:7 ပူးပေါင်းရင်းမြစ်များ

Matéus 11:8

Ɓaá yéé yágá miní ɓɛ́ɛ́ lí légɓe é? Mut nyɔ́ á jáhɛ́ mbɔ́tí élāām é? Ɛ́ lɛ́ mbálɛ nɛ́ ɓot bí ŋga jál mbɔ́tí élāām, bíg tɔɓene ja á mílɛ̄ɛ̄ mí káísa.

Matéus 12:20

A ŋgá kɛ ɓé lí búg lí líkāā jé lá yɔŋɔ, a ŋgá kɛ ɓé lí dím lí nzáan ɛ ŋga yɔ́ɔte. A ŋgá ɓɔ̄ŋ ja náŋ nɛ́-tɛ́ɛ etɛ́l-sim yá ɓɛ́ jam lí ɔ́sū.

Matéus 21:25

Laglán ma, ɓaá nzoɓan nyí Yohánɛs ɛg sɔ́le la Ɔlolómɛ̄ tɔ nɛ́ la ɓot-bí-bínam é?» Bú dūtɛ́ míɔ̄ŋɔ, bú mɔg nɛ: «Kíyáɓɛ́nɛ ɓa lāgá nɛ, Ɔlolómɛ̄, ag ɓat ɓɛ́hɛ nɛ́: ‹Ányúū yéé hɔ́ manáh yéɓe ɓé la nyɛ é?›

Matéus 3:5

Ɓot bí Yélūsalɛm, ɓá bí Yúdēa bísɛ la ɓá bí nyúŋú mií á lɔm lí Yɔ́ldan bísɛ bí ŋgí sɔ́ ápah Yohánɛs a ɓɛ́ɛ́.

Lúkas 8:18

Miní nyɔ́ŋɔg hɔ́ lítāt la nyaa miní ŋga ámble; átɔm nɛ́ nyɔ́ a byɛ́ɛ̄ jam, bíg kɛ nyɛ́ lí kondye; ndí nyɔ́ ah byɛ́ɛ̄ ɓé tɔ jam, bíg kɛ ki nyɛ́ lí nyɔŋle lí yé a ŋga ɔ́ŋɔ́ɔ nɛ́ a byɛ́ɛ.»

Yohánɛs 1:38

Á míyaan mí Yésus, ɔ ɛ́n nɛ́ ɓayége bíg oŋ nyɛ́, ɔ bíhī ɓɔ nɛ́: «Miníg somo yéé é?» Bú pélē nyɛ nɛ́: «Lábi yóg yɔ́ɔ ɛ lɛ véé é?» Lábi ag mínɛ nɛ́ ŋ̀yéglɛ.

Yohánɛs 5:35

Yohánɛs Ǹtíi-nzoɓan a ɓɛ́ɛ́ etúlkáŋ bí ŋga kóo la yɔ́ yá páa, ndí ɓɛ́nɛ, munú somó ja li kɔn li mívag la mipúú mɛ́ɛ́ ányúū pupúhú eceg.

Elōg-Éféso 4:14

La náŋ, bi ŋgá ɓɛ́ ɓé pɛ ɓɔɔ́n ɓátɔ̄ga, ɓá ŋgɔá nyí miéélé mí nyaa la nyaa ɛ ŋga ndémtanɛ, ɓá ɓot-bí-mínaa bí ŋga léé á pɛ́ɛ́ la misóómbá máɓá.

Yákop 1:6

Ndí, eceg mut a ŋga ɓāt, a ɓāt la ŋyéɓé, ɛ́h ɓɛ́ ɓé pendan tɔ ya, átɔm nɛ́ nyɔ́ la nyɔ́ a ŋga péndan ag punan la minɔŋgɔ́ mí túwɛ nɛ́ ŋgɔá ɛ ŋga pógɛ.