Matéus 11:25 - Esaa-líat ɛ́ péná

²⁵ Váŋ á yéŋ eceg, Yésus ɔ nyɔ̄ŋ mpɔ́t a byɛ́ nɛ́: «Mag tíi wa mítamlan Etāa, Ɛtáŋɛ nyɔ́ á sí la lóō, ányúū yé wa sɔ́ɔ̄ ɓot-bí-peg la ɓá bí éyī, ndí wu yɛ́ɛ́lé yɔ ɓot bí lɛ́ kaa ɓɔɔ́n ɓátɔ̄ga.

Matéus 11:25 ပူးပေါင်းရင်းမြစ်များ

Matéus 16:17

Yésus ɔ nyɔ̄ŋ sīg-pɛ mpɔ́t, ɔ lāgá nɛ: «Misɔ́tá la wa á Símɔn, mɔɔ́n Yónas, átɔm nɛ́ mut-a-binam ɓé nɛ a yíhɛ́ wa náŋ, ndí Etāa nyɔ́ a lɛ á lóō.

Matéus 21:16

La ɓɔ́ bú bíhī Yésus nɛ́: «Ɔg ámble ákaa bí ŋga lága é?» Ndí nyɛ́ ɔ lāgá ɓɔ nɛ́: «Ɔɔ, miní ɓáág ŋgí lí sɔ́ŋgɔ lí yé epah Lícii-Lipúán ɛ́ ŋga máŋa nɛ́: ‹Wa ɓōŋhán mínyu mí ɓɔ́ɔ̄n ɓátɔ̄ga la mí mí míkɛ̄gá mí ɓɔ́ɔ̄n nɛ mí lɔ́ŋghɛ́nɛ wā ŋgóso eɓégɛ!›»

Lúkas 22:42

«Etāa, kí wá yéɓe, nɛ̄ŋɓɛ́ ma jé liɓondó lí ésɔghe. Ah nsom wáma ɓé, ndí nsom wɔ́ɔ nɛ́ á ɓɔ̄ŋɓɛ́ɛ!»

Lúkas 23:34

Váŋ nɛ́ Yésus a lága nɛ: «Etāa, laakɛ́ ɓɔ́ ányúū nɛ bí ŋgá yí ɓé yé bí ŋga ɓɔ̄ŋ.» Á kaa sónja ɛ́ ŋgí somo li kaan lí mbɔ́tí yɛ́ɛ́, yú lɛ̄ŋgɛ́ mbam.

Yohánɛs 11:41

La ɓɔ́ bú ɓógtɛ́ hɔ́ ŋgɔg; Yésus ɔ ɓétɛ́ miíh á lóō ɔ lága nɛ: «Etāa, mag tíi wa mitamlan ányúū nɛ́ wa ámblé ma.

Yohánɛs 12:27

Nyí vɔ́ŋɔ́ɔ, m̀mím wáma wá tuŋglan. Ɓaá yéé mi lágá é? Mi lágá nɛ́ Etāa, sūŋ ma á nyíŋ ŋgɛ́ŋ é? Kɛ́m, ányúū nɛ́ ma sɔ́lé tín-tín ányúū yɔ.

Yohánɛs 12:28

Etāa, tí jóō jɔ́ɔ lipém.» Váŋ hɔ́ nɛ cíŋ ya sɔ́léné á lóō yu lága nɛ: «Ma tí jɔ lipém, mag kondye ki jɔ́ lí tíi lí lípēm.»

Misɔ́n mí Ɓáōmɓɛ 17:24

Ɔlolómɛ̄ nyɔ́ a vēg ŋkɔŋ-á-sí la yé ɛ́sɛ ɛ́ lɛ́ átē, nyɛ́ nɛ́ a lɛ Nyɔ́ŋ-Ɛsáŋɛ́ a sí la lóō. A ŋgá tɔɔ ɓé á ndáá-loó nyí ɓá óŋ la mɔ mí ɓot-bí-bínam.

Elōg-Kɔlínto 1 2:10

Ákaa ɛ́sɛ, ɓɛ́hɛ nɛ́ Ɔ́lolómɛ̄ a yɛ́ɛ́léné nyíŋ mbaŋ li loole la M̀búl Mpúán. Kasig M̀búl Mpúán a ŋga pígi joó nɛ̄ jam, li pám tɛɛla á peg ɛ sɔ́lɛ̄ yí Ɔlolómɛ̄ a vúl.

Elōg-Kɔlínto 2 3:14

Ndí eyí yáɓá ɛ́ tūŋɓéé. Tɛɛla nyí lɛn, nyúŋ nlemlem á líɓato á ŋgí bútyɛ́gɛ́ ɓɔ́ míōgá eceg bí ŋga sɔ́ŋgɔ kálati yí Esaa-líat ɛ́ Kwaŋ. Kɛ́m, jéŋ liɓato líh mɓógyág ɓé, átɔm nɛ́ la Nyɔ́-a-Pɔ́hlɛ nɛ́ lí ŋga ɓógo ányúū ɓá bí ŋga kɛ́ li at la nyɛ́.