Matéus 10:20 - Esaa-líat ɛ́ péná

²⁰ ányúū nɛ, ah ɓɛ́nɛ-mɛ̄n ɓé nɛ miní ŋga kɛ́ li pɔ́t, ndí M̀búl á Ɛ́sɔ̄ŋɛ́ wāná nɛ á ŋga kɛ́ li pɔ́t á átē wāná.

Matéus 10:20 ပူးပေါင်းရင်းမြစ်များ

Matéus 6:32

Bíŋ bísɛ, ɓot bí ŋgíla ŋyéɓé nɛ bí ŋga sómo byɔ́ ɛ́h ɓɛ́ ɓé lí tɔmb. Ndí, Ɛsɔ́ŋɛ́ wāná nyɔ́ a lɛ á lóō, ag yí nɛ́ miní byɛ́ɛ́ kóó la bíŋ byoóm bísɛ.

Málkus 12:36

M̀búl Mpúán nyɛ́-mɛ̄n a yíglé Dávid li laga nɛ́: Nyɔ́ŋ-Ɛsáŋɛ́ a laga Ɛtáŋɛ wama nɛ́: Tɔɔ́ á m̀ɓɛ́nlómɛ wama nɛ tɛ́ɛ ma vá ɓálem ɓɔ́ɔ á sí yɔ́ɔ míkoo.

Lúkas 11:13

Ɓɛ́nɛ biɓéɓéyɛ bí ɓot hɔ́ kíyáɓɛ́nɛ miníg yí li tíi lí ɓɔ́ɔ̄n ɓáná byoóm bílāām, ɛbuu-la-ŋgele yáŋvéé la Etāa nyɔ́ a lɛ á lóō a ŋga kɛ li tíi lí M̀búl Mpúán ɓá bí ŋga ɓāt nyɛ́ wɔ́.»

Lúkas 12:12

Átɔm nɛ́, váŋ á nyíŋ ŋgɛ́ŋ yɔ-mɛ̄n, M̀búl Mpúán ag kɛ ɓɛ́nɛ li yéglɛ lí yé maná nyɛ́ɛ lí pɔ́t.»

Lúkas 21:15

Átɔm nɛ́ má, mag kɛ ɓɛ́nɛ li tíi lí éyī la biɓaŋgá bí ŋga kɛ́ li ɓɔŋ nɛ́ ɓalem ɓáná bíh laág ɓé ɓɛ́nɛ li tɛ́ŋgánɛ tɔ li pendan lí yé miní ŋga kɛ li lága.

Misɔ́n mí Ɓáōmɓɛ 13:9

Váŋ nɛ́ Sául, nyɔ́ bí ŋga yáŋa ki nɛ́ Póol, ŋyálāg la M̀búl Mpúán, a tīŋ Élīmas miíh

Misɔ́n mí Ɓáōmɓɛ 2:4

Ɓɔ́ bísɛ, ŋyálāg la M̀búl Mpúán, bú ɓōtlé lí pɔ́t lí mípɔ̄t mitám ákaa M̀búl a ŋgí yígle mut sig nɛ́ a pɔ̄t.

Misɔ́n mí Ɓáōmɓɛ 28:25

Tɛɛla á miɓógo máɓá á líɓomán, ŋ̀ámblānɛ́ ah ɓɛ́ɛ́ ɓé pɛ á póla yaɓá. Váŋ nɛ́ Póol a lága ɓɔ́ nɛ́: «M̀búl Mpúán a pɔ́tɔ́ɔ́ mbálɛ, eceg á ŋgí laga ɓatāa ɓáná li kele la Esáya m̀pɔ́tle-a-Ɔlolómɛ̄ nɛ́:

Misɔ́n mí Ɓáōmɓɛ 4:8

Ŋyálāg la M̀búl Mpúán, Pétlos ɔ yó ɓɔ nɛ́:

Misɔ́n mí Ɓáōmɓɛ 6:10

Ndí kaa bí ŋgí la ɓé lí tɛ́ŋgánɛ lí peg yɛ́ɛ̄ tɔ biɓaŋgá M̀búl Mpúán á ŋgí yígle nyɛ́ lí pɔ́t,

Elōg-Kɔlínto 2 13:3

kasig miní ŋga sómo ndembye ɛ ŋga étɛ́ nɛ́ Nyɔ́-a-Pɔ́hlɛ ag loole la ma á lí pɔ́t. Nyɔ́-a-Pɔ́hlɛ a sē ɓé ntɔt á ŋgwáāg yāná, ndí á póla yaná nɛ a éthɛ́nɛ́ ŋguu yɛ́ɛ̄.

Elōg-Tésaloníka 1 2:13

Á élōgyāŋ, jɔ́ nɛ́ á ɛ́yāhā épah, ɓāh tɔmb ɓé ɓɛ́hɛ lí tíi lí Ɔlolómɛ̄ mítamlan, ányúū nɛ maná lɛ́glé eɓaŋgá yɛ́ɛ́ ɓaá lɛgɛ́ ɓɛ́nɛ. Manáh lɛ́gle ɓé yɔ ákaa eɓaŋgá yé mut-a-binam, ndí maná lɛ́glé yɔ ákaa ɛ́ lɛ̄, yɔ́ nɛ́ ɛ́ lɛ́ eɓaŋgá Ɔ́lolómɛ̄, yé ɛ́ ŋga sál átē wāná ɓɛ́nɛ ɓayéɓe.

Pétlos 1 1:12

Ɔlolómɛ̄ a yɛ́ɛ́léné ɓɔ nɛ́, nyíŋ pɔ́l bí ŋgí lɛ́gɛ ɛh ɓɛ́ɛ́ ɓé ányúū yaɓá ɓɔ́-mɛ̄n, ndí ɛ ɓɛ́ɛ́ ányúū yāná. Yɔ nɛ́, nyí vɔ́ŋɔ́ɔ, ɓalɛgɛ Pɔ́l M̀ɓɛɛŋ bí ŋga lɛ́gɛ ɓɛ́nɛ la ŋguu nyí M̀búl Mpúán nyɔ́ a sɔ́lé á lōó. Nyíŋ pɔ́l, áŋgɛl yɔ́-mɛ̄n ɛ́g somo yɔ lí yí.

Pétlos 2 1:21

Ákaa ɛ́sɛ, m̀ɓá-mɓá, li pɔ́t á jóō lí Ɔlolómɛ̄ lí ŋgá sɔ́le ɓé la miɔ́ŋɔ mí mut-a-binam, ndí M̀búl Mpúán nɛ́ a ŋga tíi ɓot nɛ́ bí pɔ́t á jóō lí Ɔlolómɛ̄.