Matéus 10:15 - Esaa-líat ɛ́ péná

¹⁵ La mbálɛ mag laga ɓɛ́nɛ nɛ́, á ɔ́lɔ̄ ví bíkááhɛ́nɛ́, ɓot bí nyíŋ tísɔn bíg kɛ li kuh lí ékɔ́ghɛ ecɛ́ŋ li loo lí ɓot bí Sódom la Gomóla.»

Matéus 10:15 ပူးပေါင်းရင်းမြစ်များ

Matéus 12:36

Ɔɔ, mag laga ɓɛ́nɛ nɛ́, á ɔ́lɔ̄ ví bíkááhɛ́nɛ́, ɓot bíg kɛ li tíi lí bílegléné á bíɓaŋgá bí ŋgíla eɓáha bí pɔ́tɔ́ɔ́;

Matéus 5:18

La mbálɛ, mag laga ɓɛ́nɛ nɛ́, sɔ́kágánɛ́ sí la lóō bíg loo, tɔ píhí likétée tɔ ya ndí tɔ litɔt tɔ já bí ŋgá kɛ ɓé lí ɓógo á mbéndá, nɛ́-tɛ́ɛ míŋ mam mísɛ má yál.

Matéus 7:22

Ŋgandag ɓot múŋ á víŋ ɔlɔ́ ɛg kɛ ma lí laga nɛ́: ‹Ɛtáŋɛ, Ɛtáŋɛ ɓaá á jóō jɔ́ɔ ɓé nɛ bi ŋgí pɔ́tle é? Ɓaá á jóō jɔ́ɔ ɓé nɛ bi ŋgí dúhu mimbúl míɓē é? Ɓaá á jóō jɔ́ɔ ɓé nɛ bi ŋgí ɓɔŋ bínanaŋga bí mam é?›

Málkus 6:11

Kíyáɓɛ́nɛ ɓot ɓá ɓen ɓɛ́nɛ li lɛ́gle voóm tɔ li ámble, á míɓógo máná, kután líbūlú lí míkoo máná, náŋ ag kɛ ɓɔ́ li yégle ákaa ndembye eɓé.»

Yohánɛs 12:48

Nyɔ́ a ŋga pún ma, ndí ah lɛ́gle ɓé ki éɓaŋgá yáma, a kūh ŋ̀kááhɛ wɛɛ́. Eɓaŋgá ma lɛ́gɛ, ɛ́g kɛ nyɛ́ lí kááhɛ á ɔlɔ́ vá tiile.

Yohánɛs 6:39

Á mbálɛ, nsom á mut a óm ma á lɛ nɛ́, míh jáŋhɛ́gɛ́ ɓé ma tɔ wa á ɓá bísɛ a tí ma, ndí mi pāhyɛ́ ɓɔ́ á ɔlɔ́ vá tiile.

Yohánɛs 6:40

Nsom á Etāa nyú nɛ́, Tɔ nzáá a ɛ́n Mɔɔ́n ndí a yéɓé la nyɛ́, ag kuh eniŋ éɓem. Mág, mag kɛ nyɛ́ li pahyɛ á ɔlɔ́ vá tiile.»

Misɔ́n mí Ɓáōmɓɛ 17:31

Ákaa ɛ́sɛ, a tɛ́ɛ́yɛ́ ɔlɔ́ ví a ŋga kɛ́ li kááhɛ li ŋkɔŋ-á-sí á mbálɛ nyí tɛ́ɛ́ sim, li kele la mut a pɔ́hɔ, ákaa a tíéé ɓɛ́hɛ bísɛ ndembye, eceg a pahyɛ́ɛ́ nyɛ́ á póla ɓá ɓā wú.»

Elōg-Kɔlínto 1 3:13

nsɔ́n á mut sig ág kɛ li ɛ́ni. Ɔlɔ́ ví bíkāāhɛ́nɛ́ víg kɛ wɔ́ lí yíhɛ, ányúū nɛ víŋ ɔlɔ́ víg kɛ li ɛ́nyéne a nzáan, la nyíŋ nzáan ɛ étɛ́ eɓɛ́lé yé nsɔ́n á mut sig.

Elōg-Tésaloníka 1 5:4

Á élōgyāŋ, ndí ɓɛ́nɛ, kaa Miní sē ɓé á lívito, ɛ́ ŋgá somlɛ ɓé nɛ víŋ ɔlɔ́ ví púhé ɓɛ́nɛ kaa mut a wií.

Elōg-Hébɛl 10:25

Biíh cóóg ɓé ɓɛ́hɛ mikɔtán máhá ákaa ɓot ɓá, ɓá mwaán bíg túŋ átē. Ndí á mveŋghanɛ́, bi tíélán jā míkūndá, kasig miní ŋga ɛ́n nɛ́, ɔlɔ́ ví Nyɔ́ŋ-Ɛsáŋɛ́ ví lɛ́ lí siŋgle.

Pétlos 2 2:6

Ámbúh náŋ, Ɔlolómɛ̄ a kɔ́ghɛ́ɛ kí tísɔn yí Sódom la Gomóla eceg a cɛ́hɛ́ɛ́ yɔ́, yú yāán lísuu á lí ɓɔŋ nɛ́ náŋ a ɓɛ́ ndembye ányúū biɓéɓéyɛ bí ɓot bí ŋga kɛ́ li sɔ́.

Pétlos 2 2:9

Náŋ ag étɛ hɔ́ nɛ́ Nyɔ́ŋ-Ɛsáŋɛ́ ag la li ɓógtɛ lí ɓot ɓá tiŋɓé la nyɛ́ átē á míceglan, la nyɛ́ a náŋɛ̄ ɓot ɓaɓé á li kɔ́ghɛ lí ɓɔ á ɔ́lɔ̄ ví ŋkál,

Pétlos 2 3:7

Nlemlem á eɓaŋgá wá ɓag sí lɛn la loó lí lɛn á lí laaŋke lí nzáan nyí ɛ ŋga kɛ́ ɓɔ́ lí sɔ́le, yú naŋɛ ki ɓɔ́ ányúū ɔlɔ́ ví ŋkál la ecɛ́hɛ yé ɓaɓɔŋ-miɓé.

Yohánɛs 1 4:17

Kíyáɓɛ́nɛ bi byɛ́ɛ́ taŋ ediŋ á póla yahá, bi ŋgá kɔn ɓé woŋ á ɔ́lɔ̄ ví ŋkál, ányúū nɛ ákaa nyɛ́ Yésus, a lɛ, náŋ nɛ́ ɓɛ́hɛ ki bi lɛ á nyū ŋkɔŋ-á-sí.

Yúde 1:6

Nlemlem, áŋgɛl yí yáh naŋɛ ɓé líɓɛ́ɛg jáɓá, ndí yú cóó lítɔɓéné jáɓá, Ɔlolómɛ̄ a náŋɛ̄ yɔ ŋkwɛɛ́hkɛ́gɛ la misáŋ-mí-bícɛɛ átē a livito á nlaaŋkán á ɔ́lɔ̄ vícɛ̄ŋ ví bíkááhɛ́nɛ́.

Yúde 1:7

Nlemlem á jam tísɔn yí Sódom la Gomóla, la yíŋí tísɔn ɛ́ lɛ́ á ŋgwáāg, yí yɔ́g yá níŋgí á mpuŋgú á ndeŋg, yí ɛ́ lɛ́ nɛ ɓatɔɓene ɓá oŋ bíveglé bí bí sē ɓé ákaa ɓɔ́. Yíŋ tísɔn ɛ́sɛ ɛ́ lɛ́ lɛn ákaa ndembye á ékɔ́ghɛ yé nzáan nyí ɛ ŋgá dím ɓé á éɓem la á éɓem.