Matéus 1:20 - Esaa-líat ɛ́ péná

²⁰ Ɛnɛ́ a manáá lí veg lí nyíŋ peg, áŋgɛl nyí Nyɔ́ŋ-Ɛsáŋɛ́ yu pámlé nyɛ á élɛɛ́lɛm, yu yó nyɛ nɛ́: «Á Yósɛp, mɔɔ́n Dávid, ɔh kɔnɔ́g ɓé woŋ li nyɔŋ lí ŋ̀gáá wɔ́ɔ Malía á yóg yɔ́ɔ; átɔm nɛ́ a nyɔ̄ŋ já líbum la ŋguu nyí M̀búl Mpúán.

Matéus 1:20 ပူးပေါင်းရင်းမြစ်များ

Matéus 1:18

Libyáa lí Yésus Kilístus lí sɔ́ɔ́ jā nɛ́; nyaŋɛ́ Mālía, a kuhúú évān nɛ Yósɛp. Ndí, sɔ́kágánɛ́ bí ŋgí tɔɔ ndáá ya, Malía ɔ nyɔ̄ŋ líbum la ŋguu nyí M̀búl Mpúán.

Matéus 2:12

Váŋ nɛ́ Ɔlolómɛ̄ a yíhɛ́ ɓɔ á élɛɛ́lɛm nɛ́ bíh timkágán ɓé pɛ á yóg káísa Elóde. La ɓɔ́ bú nyɔ̄ŋ nzen etám á lí timan á ékombo yáɓá.

Matéus 2:13

Ámbúh mikɛ mí ɓáyī-átɛ̄, áŋgɛl nyí Nyɔ́ŋ-Ɛsáŋɛ́ yu pámlé Yósɛp á élɛɛ́lɛm yu lāgá nyɛ nɛ́: «Tɛ́lɛ́, nyɔ̄ŋ mɔ́ɔ̄n la nyaŋɛ́ túú pɛ́ɛ́ la ɓɔ́ ɔ kɛ́ á Égípto, tɔɔ́ wóŋ nɛ́-tɛ́ɛ la á éceg mi ŋga kɛ̄ wa lí yíhɛ, átɔm nɛ́ káísa Elóde ag kɛ li somo nɛ́ a ólhánɛ nyɔ́ŋ mɔɔ́n.»

Matéus 2:19

Ámbúh nyɛmb nyí káísa Elóde, áŋgɛl ya nyí Nyɔ́ŋ-Ɛsáŋɛ́ yu pámlé Yósɛp á élɛɛ́lɛm á Égípto,

Matéus 2:22

Ndí ɛnɛ́ a ámblé nɛ́ Alkéláus a nyɔ̄ŋ étɛ̄l yé ɛ́sāŋɛ́ Élóde á Yúdēa, ɔ kɔ̄n woŋ li timan wóŋ. Kasig Nyɔ́ŋ-Ɛsáŋɛ́ a yíhɛ́ɛ sīg-pɛ nyɛ́ náŋ á élɛɛ́lɛm, ɔ kɛ́ á Galiléa,

Matéus 27:19

Kasig Piláto a ɓɛ́ɛ́ a ŋgí tɔ́ɔ̄ á étɔɓé bíkááhɛ́nɛ́ ag kááhɛ, ŋ̀gáá wɛ́ɛ̄ ɔ óm mut li laga lí nyɛ nɛ́: «Ɔh níŋglág ɓé á ŋkwɛl á nyɔ́ mut a tɛ́ɛ́ sim, átɔm nɛ́ ma táka ŋgándag lɛn á élɛɛ́lɛm ányúū yɛ́ɛ̄.»

Matéus 28:5

Ndí áŋgɛl yu nyɔ̄ŋ mpɔ́t, yu lāgá ɓondígá nɛ: «Miníh kɔnɔ́g ɓé woŋ. Mag yí nɛ́ miníg somo Yésus nyɔ́ a tōmlɛ́ á mbásá.

Lúkas 1:19

La áŋgɛl yu tímānɛ̄ nyɛ nɛ́: «Ma nɛ́ mi lɛ Gábliɛl, mi tɛ́ɛ ɔsú ví Ɔlolómɛ̄ á lí ɓɔŋle lí nyɛ. Ma ómɓɛ́ nɛ́ mi kwɛ́lɛ́ wa la nɛ́ mi lɛ́gɛ́ wa nyí pɔ́l m̀ɓɛɛŋ.

Lúkas 2:4

La Yósɛp ki ɔ ɓógó á Názalɛt tísɔn nyí Galiléa, ɔ ɓét á Bétlehéem tísɔn nyí Dávid á ékombo yé Yúdēa, ányúū nɛ a ɓɛ́ɛ́ mɔ́ɔ̄n á ndáá-m̀biya nyí Dávid.

Misɔ́n mí Ɓáōmɓɛ 5:19

Ndí, la díɓe, áŋgɛl nyí Nyɔ́ŋ-Ɛsáŋɛ́ yu légē míkooká mí ndáá-m̀ɓog, yu pámɛ́ ɓɔ̄ la yɔ yu lāgá ɓɔ nɛ́:

Biyɛ́ɛ́léné 19:7

Bi sóphɛ́ɛ, bi ɓɛ́ até á mivag, bi tí nyɛ́ lipém, átɔm nɛ́ eceg ɛ́ ŋgand aúg ɛ́ mɔɔ́n ntómbɛ́ yé! Ŋ̀gáá wɛ́ɛ̄ a súgɛ́ m̀ɓoŋhanɛ́.»