Málkus 9:7 - Esaa-líat ɛ́ péná

⁷ Mbaga yu sūh, yu bútyɛ́ ɓɔ́, váŋ nɛ́ cíŋ ya pámléné múŋ á nyíŋ mbaga, yu yó nɛ: «Nyɔ́ nɛ́ a lɛ édidíŋɛ yáma Mɔɔ́n, miní óglé nyɛ́!»

Málkus 9:7 ပူးပေါင်းရင်းမြစ်များ

Matéus 27:43

A vá lípitá jɛ́ɛ́ la Ɔlolómɛ̄, Ɔlolómɛ̄ a sūŋ hɔ́ nyɛ vɔ́ŋɔ́ɔ, kíyáɓɛ́nɛ ag diŋ nyɛ́, átɔm nɛ́ a lāgá nɛ: ‹Mi lɛ Mɔ́ɔ̄n Ɔ́lolómɛ̄!›»

Matéus 27:54

Ɛnɛ́ ŋ̀kanʼyɛ a nlɔŋ á éɓōgo sónja la ɓatát Yésus bí ógtáán kaa sí ya póghan, bú ɛ́n ki kaa mam mí ŋgí loo, bú nát la woŋ la ɓɔ́ bú pɔ́t nɛ: «La mbálɛ, nyɔ́ mut a mɓɛ́ kɔɔ Mɔɔ́n Ɔ́lolómɛ̄!»

Matéus 3:17

Váŋ nɛ́ cíŋ ya sɔ́lé á lóō yú lágá nɛ: «Nyɔ́ nɛ́ a lɛ̄ edidíŋɛ yáma Mɔɔ́n, nyɔ́ ma ɛ́n m̀ɓɛɛŋ nɛ́ mi pɔ́hɔ́.»

Málkus 1:11

Váŋ nɛ́ cíŋ ya sɔ́le á lóō yú lága nɛ: «Ɔ lɛ edidíŋɛ yáma Mɔɔ́n, nyɔ́ ma pɔ́hɔ.»

Málkus 9:6

Ah yíí ɓé pɛ yéé a lágá ányúū woŋ á ŋgandag.

Málkus 9:8

Á ékūyá-kúyá, ɓáyēge bú légɓé á ŋgwáāg yaɓá, ɓáh ɛ́n ɓé pɛ tɔ mut amáh sig Yésus nyɛ́-ntámɛ́.

Lúkas 3:22

M̀búl Mpúán a sūhlé nyɛ́ mbunán la ɔɓeŋ. Váŋ nɛ́ cíŋ ɛ sɔ́léné á lóō, yu lága nɛ: «Wa nɛ ɔ lɛ mɔɔ́n wama, nyí lɛn nɛ́ ma byál wa.»

Yohánɛs 1:34

Jɔ́ nɛ́, kaa ma ɛ́n, mi lɛ mbóŋ nɛ́, nyɔ́ mut a lɛ̄ Mɔ́ɔ̄n Ɔlolómɛ̄.»

Yohánɛs 1:49

Natánáɛl ɔ tímānɛ̄ nyɛ nɛ́: «Lábi, ɔ lɛ̄ Mɔ́ɔ̄n Ɔlolómɛ̄, ɔ lɛ káísa nyí Íslāɛl.»

Yohánɛs 12:28

Etāa, tí jóō jɔ́ɔ lipém.» Váŋ hɔ́ nɛ cíŋ ya sɔ́léné á lóō yu lága nɛ: «Ma tí jɔ lipém, mag kondye ki jɔ́ lí tíi lí lípēm.»

Yohánɛs 19:7

Ɓakanʼyɛ bí Élōg-Yúda bú tímānɛ̄ nyɛ nɛ́: «Bi byɛ́ɛ́ litiŋ lí mbéndá já, li oŋle la jɔ́, ag nyɛɛ li wú, átɔm nɛ́ a kātɓán nɛ a lɛ̄ Mɔ́ɔ̄n Ɔ́lolómɛ̄!»

Yohánɛs 20:31

Ndí, mí mam má ciiɓɛ́ já á lí ɓɔŋ nɛ́ miní yéɓé nɛ́ Yésus a lɛ Nyɔ́-a-Pɔ́hlɛ, ɔ ɓɛ́ Mɔɔ́n Ɔlolómɛ̄, la nɛ́, kaa maná yéɓe, miní ɓɛ́la eniŋ éɓem a jóō jɛ́ɛ́.

Yohánɛs 5:18

Li ɓotle la váŋ nɛ́ mikanʼyɛ mí Élōg-Yúda mí kondyéé lí somo lí nzen á lí ólhánɛ lí Yésus, ányúū nɛ́, amáh nɛ́ a ŋgí sáá ɔlɔ́ váɓá ví évɛɛɓan, ndí ag katɓan ki nɛ́ Ɔlolómɛ̄ a lɛ Ɛsáŋɛ́, á jéŋ lilaglag jɛ́ɛ́, a ŋgí somo li laga nɛ́ nyɛ́ la Ɔlolómɛ̄ bí kɔ́ɔ.

Yohánɛs 5:37

Etāa nyɔ́ a óm ma nyɛ́-mɛ̄n a tí mbóŋ yama. Ndí, m̀ɓá-mɓá manáh ámble ɓé cíŋ yɛ́ɛ̄ tɔ li ɛ́n lí asú wɛ́ɛ́.

Yohánɛs 6:69

Ɓɛ́hɛ ɓaá yéɓé, ɓaá yí nɛ́ ɔ lɛ Nyɔ́-mpúán a Ɔlolómɛ̄.»

Yohánɛs 9:35

Yésus ɔ ámblé nɛ Elōg-Falísái yá duhú nyɔ́ŋ mut. Ɔ sɔ́ hɔ́ nyɛ li kɔ́p, la nyɛ́ ɔ bíhī nyɛ nɛ́: «Ɓaá wa, ɔg yéɓe la Mɔɔ́n Mut é?»

Misɔ́n mí Ɓáōmɓɛ 1:9

Ámbúh bíŋ biɓaŋgá, Yésus ɔ ɓét á lóō ɔ́sū váɓá, mbaga yu sɔ́, yu dímhánɛ́ nyɛ á miíh máɓá.

Misɔ́n mí Ɓáōmɓɛ 7:37

Nyɛ́ Móse nɛ́, a lāgá ɓɔ́ɔ̄n bí Íslāɛl nɛ́: ‹Ɔlolómɛ̄ ag kɛ ɓɛ́nɛ li pámɛ lí m̀pɔ́tle-a-Ɔlolómɛ̄ ákaa ma átē á linyaŋ jáná.›

Misɔ́n mí Ɓáōmɓɛ 8:36

Múŋ á nzen, bú pám ápah mindím mí ɓɛ́ɛ́, mut a Etiópia ɔ lāgá Filípo nɛ́: «Mindím mí, yéé pɛ ɛ́ ŋga céŋɛ nɛ́ mi kūh nzoɓan é?» [

Elōg-Lóma 1:4

li loole la M̀búl Mpúán, Ɔ́lolómɛ̄ ɔ tɛ́ɛ́yɛ́ nyɛ́ Mɔ́ɔ̄n wɛ́ɛ̄, ɔ tí nyɛ ŋguu, eceg a pāhyɛ́ nyɛ̄ á póla ɓá ɓá wū. Nyɛ́ nɛ́ a lɛ Yésus Kilístus Ɛtáŋɛ wahá.

Elōg-Hébɛl 2:1

Ákaa náŋ nɛ́ ɛ́ lɛ, biíg nyɛɛ li tiŋɓe á pɔ́l ɓā ámble kíyáɓɛ́nɛ bi ŋgá somo ɓé li kɛ á njáŋgá.

Pétlos 2 1:17

Átɔm nɛ́, Etāa Ɔlolómɛ̄ a tí nyɛ adit la lipém, eceg cíŋ Ɔlolómɛ̄ ɛ sɔ́léé á épapáɛ mbaga, yu lagá nɛ: «Nyɔ́ nɛ́ a lɛ édidíŋɛ yáma Mɔ́ɔ̄n, nyɛ́ nɛ́ ma dīŋ lí pɔhɔ.»

Yohánɛs 1 5:20

Biíg yí ki nɛ́, Mɔɔ́n Ɔlolómɛ̄ a sɔ́, la nyɛ́ ɔ tí ɓɛ́hɛ eyí, á lí ɓɔŋ nɛ́, bi yí Loó-lí-mbálɛ. Bi lɛ la Loó-lí-mbálɛ bu ɓɛ́ ki la Mɔɔ́n wɛ́ɛ̄ Yésus Kilístus. Nyɛ́ nɛ́ a lɛ Loó-lí-mbálɛ ɔ ɓɛ́ ki eniŋ éɓem.

Biyɛ́ɛ́léné 1:7

Léɓyán sig, ag kɛ li sɔ́ até á mbaga; joó nɛ́ diíh líg kɛ nyɛ́ li ɛ́n, nlemlem la ɓá bísɛ ɓá ól nyɛ́, ɓot bí mílōmɛ mí ŋkɔŋ-á-sí bísɛ bíg kɛ li lee ányúū yɛ́ɛ́. Ɔɔ, ɛ́ ɓɛ́ náŋ!»