Málkus 9:25 - Esaa-líat ɛ́ péná

²⁵ Ɛnɛ́ Yésus a ɛ́n límut lú kóman, ɔ kímɛ nyúŋ m̀búl m̀ɓé, aá la wɔ́ nɛ́: «Á m̀búl á mbúg la ndɔ́g, mag pɔ́t, ɔg pám á nyúū nyɔ́ mɔɔ́n; ɔh timkágán ɓé pɛ á átē wɛ́ɛ̄!»

Málkus 9:25 ပူးပေါင်းရင်းမြစ်များ

Matéus 12:22

Váŋ nɛ́ ɓá sɔ́la Yésus mut nyɔ́ a byɛ́ɛ̄ m̀búl m̀ɓé, ɔ ɓɛ́ ndím la mbúg. Yésus ɔ tɔ́ɔyɛ́ nyɔ́ŋ mut mbólí, nyaa nyí lɛ nɛ́ mbúg-mut yu pɔ́t, yu ɛ́n ki.

Matéus 17:18

Váŋ nɛ̄ Yésus a nyáálé nyúŋ m̀búl m̀ɓé. Á ékūyá-kúyá wú pám mɔɔ́n á nyúū la nyɛ́ ɔ tɔ́ɔ̄ mbólí.

Málkus 9:15

Ɛnɛ́ ɓot ɓá ɛ́n Yésus, voóm asɛ̄ ɔ póghan, bí ŋgí loo yé epah la yéŋé á li somo nɛ́ bí tama nyɛ́.

Málkus 9:24

Á ékūyá-kúyá, ɛsáŋɛ́ á mɔɔ́n ɔ tɛ́ɛ́ nlón nɛ: «Mag yéɓe! Sóon óŋgánɛ ma, tɔ la ŋgíla ŋyéɓé yáma!»

Málkus 9:26

M̀búl m̀ɓé wú pám ág tɛ́ɛ milón, wú kóndɛ́ mɔɔ́n; ɔ óŋg m̀bim, nyaa nyí lɛ nɛ́ ɓot bísɛ bú lága nɛ: «A wú.»

Lúkas 11:14

Yésus a pámhɛ́ɛ mut m̀búl m̀ɓé nyú á tɔ́ɔ̄yɛ́ɛ nyɛ́ mbúg. Ɛnɛ́ m̀búl m̀ɓé wá pám, nyí mbúg-mut yu ɓōtlé lí pɔ́t. La limut lísɛ lú nyág.

Lúkas 4:35

Váŋ nɛ́ Yésus a kímɛ́ nyúŋ m̀búl m̀ɓé nɛ: «Lēg ányu, ɔ pám átē á nyɔ́ mut.» Á ékūyá-kúyá, nyúŋ m̀búl m̀ɓé wú ɓɛ́h nyɔ́ŋ mut á sí ɔ́sū ví ɓot la wɔ́ wú pám ɛ́h ɓɛ́ ɓé wɔ li ɓɔŋ lí nyɛ aɓé tɔ wá.

Lúkas 4:41

Mimbúl míɓē ki mú pám ŋgandag ɓot á nyúū míg tɛ́ɛ milón nɛ́: «Kɔɔ la mbálɛ ɔ lɛ̄ Mɔ́ɔ̄n Ɔlolómɛ̄!» Váŋ nɛ́ Yésus a kímɛ mɔ̄, ɔ súŋɛ̄ mɔ mpɔ́t, ányúū nɛ mí ŋgí yí nɛ́, nyɛ́ nɛ́ a lɛ Nyɔ́-a-Pɔ́hlɛ.

Lúkas 8:29

Nyɔ́ŋ mut a ŋgí ɓɔŋ míŋ mam ányúū nɛ́ Yésus a ŋgí kanʼyɛ nyúŋ m̀búl m̀ɓé nɛ a pám nyɛ́ á nyúū; átɔm nɛ́, biceg byá, wɔ́ nɛ́ á ŋgí dúg nyɛ́. Ɓot bí ŋgí kág nyɛ́ la misáŋ-mí-bícɛɛ la ŋgáho á lí somo nɛ́ bí nyɔŋ eceg la nyɛ́. Ndí a ŋgí pát nyíŋ ŋgatka yɛ́ɛ̄, la nyúŋ m̀búl m̀ɓé ág kɛ ág teeŋge la nyɛ́ á ɓávoóm tɔ mut a sē ɓé.

Lúkas 9:42

Mɔɔ́n nyɛ́ la li pám ɔ́sū ví Yésus, m̀búl m̀ɓé wú léé nyɛ á sí, wú pógɛ́ nyɛ nɛ́-tɛ́ɛ ɔ kónd. La Yésus ɔ kímɛ́ nyúŋ m̀búl m̀ɓé, mɔɔ́n ɔ tɔ́ɔ̄ mbólí la nyɛ́ ɔ tímānɛ nyɛ ɛsáŋɛ́.

Misɔ́n mí Ɓáōmɓɛ 16:18

La nyɛ́ ɔ ɓɔ̄ŋ náŋ alɔ́ ŋgandag. Ɛnɛ́ Póol a yál naŋ, ɔ yáan, ɔ laga nyúŋ m̀búl nɛ: «Á joó lí Yésus Kilístus mag kanʼyɛ wa, pám nyɔ́ mindígá á nyúū!» Á ékūyá-kúyá, nyúŋ m̀búl wú pám nyɔ́ŋ mindígá á nyúū.

Yúde 1:9

Ndí tɔ Míkaɛ̄l ŋ̀kanʼyɛ áŋgɛl, āh ɓɔŋ ɓé nāŋ á míkālá mɛ́ɛ́ la ǹsɔhɔ, eceg bí ŋgí suŋan m̀bim á Móse. Āh cege ɓé nyɛ li óŋo eceg bí ŋgí kwámblān, ndí a lagléé ja nɛ́: «Nyɔ́ŋ-Ɛsáŋɛ́ nyɛ́-mɛ̄n a kɔ́ghɛ́ wa!»