Málkus 9:1 - Esaa-líat ɛ́ péná

¹ La Yésus ɔ lága sīg-pɛ limut la ɓayége ɓɛ́ɛ́ nɛ́: «La mbálɛ, mag laga ɓɛ́nɛ nɛ́, jogo lí ɓot vá lí ŋgá kɛ ɓé lí wú jɔ́ ŋgí lí ɛ́n lí Líkanʼyɛ lí Ɔlolómɛ̄ líg suh la adit wɛ́ɛ́ ásɛ.»

Málkus 9:1 ပူးပေါင်းရင်းမြစ်များ

Matéus 16:28

La mbálɛ, mag laga ɓɛ́nɛ nɛ́, jogo lí ɓot vá lí ŋgá kɛ ɓé lí wú jɔ́ ŋgí lí ɛ́n lí Mɔɔ́n Mut ag sɔ́ kaa káísa.»

Matéus 24:30

Váŋ nɛ́ bí ŋga kɛ́ li ɛ́n lí ndembye misɔ́ mí Mɔ́ɔ̄n Mut á lóō. La náŋ, milóm mí sí ɛsɛ̄ míg kɛ li lee, la mɔ́ mí ɛ́n Mɔɔ́n Mut ag sɔ́ átē á mbaga, ŋyálāg la ŋguu, la lipém.

Matéus 25:31

«Eceg Mɔ́ɔ̄n Mut a ŋga kɛ́ li sɔ́ átē a lipém jɛ́ɛ́, elɔŋ la áŋgɛl ɛ́sɛ, váŋ nɛ̄ a ŋga kɛ́ li tɔɔ á étɔɓé-líkanʼyɛ yɛ́ɛ́.

Málkus 13:26

Váŋ nɛ́ bí ŋga kɛ́ li ɛ́n lí Mɔɔ́n Mut ag sɔ́ átē á mbaga, ŋyálāg la ŋguu, la lipém.

Málkus 13:30

La mbálɛ, mag laga ɓɛ́nɛ nɛ́, nyí nyɔŋɔn ɛg ɓɛ́ ŋgí li loo kí míŋ mam mísɛ mú ɓɔŋɓɛ.

Lúkas 2:26

M̀búl Mpúán á yíhɛ́ɛ́ nyɛ́ nɛ́, a ŋgá kɛ ɓé li wú nyɛ́ ŋgí li ɛ́n lí Nyɔ́-a-Pɔ́hlɛ la Nyɔ́ŋ-Ɛsáŋɛ́.

Lúkas 22:18

Átɔm nɛ́ mag yíhɛ ɓɛ́nɛ nɛ́: m̀ɓá-mɓá, mi ŋgá nyú ɓé pɛ ma bínyūnyú bí ŋga sɔ́le á ǹdíí á bínyɛŋgɛ́n bí wáany nɛ́-tɛ́ɛ Likanʼyɛ lí Ɔ́lolómɛ̄ lá sɔ́.»

Lúkas 22:30

La náŋ, miníg kɛ li dí la li nyú á téɓeli á Ékombo yáma. Miníg kɛ li tɔɔ á bítɔɓé-bí-líkanʼyɛ á li kááhɛ lí jóom lí mílōm la míɓáa mí Íslāɛl.»

Lúkas 9:27

La mbálɛ, mag laga ɓɛ́nɛ nɛ́, jogo lí ɓot vá lí ŋgá kɛ ɓé lí wú jɔ́ ŋgí lí ɛ́n lí Líkanʼyɛ lí Ɔlolómɛ̄.»

Yohánɛs 21:23

Bíŋ biɓaŋgá bí Yésus nɛ́ byá ɓɔŋ pɔ́l yu cáman á póla ɓayéɓe bísɛ nɛ́ nyɔ́ŋ ŋ̀yége a ŋgá kɛ ɓé lí wú. La mbálɛ, Yésus áh laglee ɓé Pétlos nɛ́ nyɔ́ŋ ŋ̀yége a ŋga kɛ ɓé lí wú, ndí nɛ: «Náŋ a byɛ́ɛ́ wa yéé é? Kíyáɓɛ́nɛ mag diŋ, ag tɔɔ á éniŋ nɛ́-tɛ́ɛla á mítiman máma.»

Elōg-Hébɛl 2:9

Ndí, ɓaá sɔm nɛ nyɔ́ Yésus a mɓɛ́ puh eceg á sí áŋgɛl, nyɛ́ nɛ́ li kele la nyɛmb yɛ́ɛ̄ á mbásá ɓá jáhɛ́ nyɛ ekót yé káísa, yé ɛ́ ŋga tíi nyɛ́ ádit la li yaanɛ lí nyɛ́ mut ǹcɛ́ŋ. Jɔ́ nɛ́, li kele la elɔ́ŋgɔ m̀mím yé Ɔ́lolómɛ̄, a wú ányúū ɓot bísɛ.