Málkus 6:56 - Esaa-líat ɛ́ péná

⁵⁶ Á ɓávoóm bí líŋgīndá bísɛ Yésus a ŋgí níŋgi; ɛ́ ɓɛ́ á tísɔn, míkɔŋ tɔ á mítān, ɓot bí ŋgí sɔ́la nyɛ́ ɓakɔɔ́kɔ̄n wóŋ. Bíg sɔ́hye nyɛ́ nɛ́ a mwáhɛ́ ɓɔ́ bí síiɓán tɔ lisúg jɛ́ɛ́ lí mbɔ́tí. Ɓáŋ bísɛ bí síiɓán nyɛ́ bí tɔɓéé mbólí.

Málkus 6:56 ပူးပေါင်းရင်းမြစ်များ

Matéus 14:36

Váŋ nɛ̄ ɓá sɔ́hyé nyɛ nɛ́ a mwáhɛ́ ɓakɔɔ́kɔ̄n bí síiɓán tɔ lisúg jɛ́ɛ́ lí mbɔ́tí. Ɓot bísɛ bí síiɓáán jɔ́ bú tɔ́ɔ̄ mbólí.

Matéus 9:20

Váŋ nɛ́ mindígá wa nyɔ́ mícii mí ŋgí pám, náŋ ag ɓɔŋ jóom lí mímbú la míɓáa, a sɔ́lé Yésus á mbúh, ɔ síiɓán nyɛ lisúg lí mbɔ́tí,

Málkus 3:10

Kasig a tááléé ɓakɔɔ́kɔ̄n ŋgandag, ɓá bísɛ ki bí ɓɛ́ɛ́la ákɔn á nyaa la nyaa, bí ŋgí siŋgle nyɛ́ ɓɛ́ɓɛ á li somo nɛ́ bí síiɓán nyɛ.

Málkus 6:55

Váŋ nɛ́ ɓáŋ ɓot ɓá kɛ á míkɔŋ mísɛ, bú káhá nyɛ lí sɔ́la lí ɓakɔɔ́kɔ̄n á lóō lí bíbúŋga á voóm sig bí ŋgí ámble nɛ́ a lɛ.

Lúkas 22:51

Váŋ nɛ́ Yésus a pɔ́t nɛ: «Mwahánɛ̄, náŋ a kɔ́ɔ.» Ɔ síiɓán nyɛ aɔ́ɔ́, wú átɓan.

Lúkas 6:19

Múŋ á yéŋ elɔŋ, mut sig a ŋgí somo nyɛ́ lí siiɓan, átɔm nɛ́ ŋguu ɛ ŋgí pámle nyɛ́ á nyúū ɛ ŋgí tɔɔyɛ ɓɔ́ bísɛ mbólí.

Lúkas 8:44

Váŋ nɛ́ a sɔ́lé Yésus á mbúh, ɔ síiɓán nyɛ lisúg lí mbɔ́tí; á ékūyá-kúyá micii mú sɛ́m.

Misɔ́n mí Ɓáōmɓɛ 4:12

Lisuŋga tɔ já lí ŋgá sɔ́le ɓé voóm ntám amáh sig la nyɛ́, átɔm nɛ́, mú á sí vaŋgá, Ɔlolómɛ̄ āh tíi ɓé ɓot-bí-bínam joó lítām tɔ já lí ŋga sɔ́la ɓɛ́hɛ lisuŋga.»

Misɔ́n mí Ɓáōmɓɛ 4:9

«Á ɓákanʼyɛ bí Élōg-Yúda la ɓacɛ́ŋ bí lílōmɛ, ányúū m̀ɓɛɛŋ ɓaá ɓɔŋlé éɓōg-mut, nyí lɛn, bíg kááhɛ ɓɛ́hɛ nɛ́ bi lágá láá ɓaá ɓɔŋ ndí bu tɔ́ɔyɛ́ nyɛ mbólí!

Misɔ́n mí Ɓáōmɓɛ 5:15

Ɓot bí ŋgí pám la ɓakɔɔ́kɔ̄n á mílɔ̄ŋ, ɓá tɔ́ɔyɛ́ ɓɔ á sáŋkálɛ tɔ á bíbúŋga, la lipitá nɛ, Pétlos á míloo mɛ́ɛ́ váŋ, ndíndímɛ wɛɛ́ ag siiɓan tɔ mut wa múŋ á póla yaɓá.