Málkus 6:45 - Esaa-líat ɛ́ péná

⁴⁵ Á ékūyá-kúyá, Yésus ɔ nyághánɛ́ ɓayége ɓɛ́ɛ́ li ɓét á m̀ɓoŋgó. Ɔ dúgɛ́ ɓɔ nɛ́ bí ɓēhé á nyúŋú mií á ebúle, jé lí tísɔn Betsaída. Nyɛ́ ɔ yéglé á li soɛ lí limut.

Málkus 6:45 ပူးပေါင်းရင်းမြစ်များ

Matéus 11:21

«Eɓéé-nyúū la wa á tísɔn nyí Kolásin! Eɓéé-nyúū la wa á tísɔn nyí Betsaída! Ányúū nɛ, kí ɓɔŋ nɛ́ bí binanaŋga bí mam, bí byá ɓɔ̄ŋɓɛ́ á yóg yāná bí ɓɔ̄ŋɓɛgɛ ja á tísɔn nyí Tíil la nyí Sídon, kí ɓɛɛvéé ɓatɔɓene ɓáɓá bú jálɓán mípēg la li tɔɔ átē a lisuu á lí étɛ nɛ́ bí lɛ́ átē a esɔghe ecɛ́ŋ; ki bú vēŋé bílɛ̄m.

Málkus 6:32

La ɓɔ́ bú ɓét á m̀ɓoŋgó á lí kɛ á voóm á liɛ́g.

Málkus 8:22

Ɛnɛ́ Yésus la ɓayége ɓɛ́ɛ́ bí pámáá á Betsaída, bú sɔ́la nyɛ́ mut-a-ndím, bú sɔ́hyé nɛ a sííɓán nyɛ.

Lúkas 10:13

Eɓéé-nyúū la wa á tísɔn nyí Kolásin! Eɓéé-nyúū la wa á tísɔn nyí Betsaída! Ányúū nɛ, ki ɓɔŋ nɛ́ bí binanaŋga bí mam, bí byá ɓɔ̄ŋɓɛ́ á yóg yaná bí ɓɔ̄ŋɓɛgɛ ja á tísɔn nyí Tíil la nyí Sídon, kí ɓátɔɓene ɓáɓá bú vēŋé bílɛ̄m ɓɛɛvéé; kí bú jálɓán mípēg la li tɔɔ átē a lisuu á lí étɛ nɛ́ bí lɛ átē a esɔghe ecɛ́ŋ.