32 La ɓɔ́ bú ɓét á m̀ɓoŋgó á lí kɛ á voóm á liɛ́g.
Váŋ nɛ́ Yésus a lága ɓáyēge ɓɛ́ɛ́ nɛ bí ɓoŋhán nyɛ́ m̀ɓoŋgó á li ɓɔŋ nɛ́ limut líh legtágánɛ́ ɓé nyɛ.
Ɛnɛ́ ɓá yíg límut, ɓayége ɓɛ́ɛ́ bú ɓét á m̀ɓoŋgó elɔŋ la Yésus. Miɓoŋgó mítām mí ɓɛ́ɛ́ váŋ.
Kasig ɓot bí ɛ́nɛ́ɛ́ ɓɔ́ bíg kɛ, ŋgandag yu lēm ɓɔ. Váŋ nɛ́ ɓot ɓá ɓógyé á tísɔn ɛ́sɛ, bú ɓól m̀bíí li kɛ wóŋ, bú pám á nyɔ́ŋ voóm sɔ́kágánɛ́ Yésus la ɓayége ɓɛ́ɛ́ bíg pám átē.
Á ékūyá-kúyá, Yésus ɔ nyághánɛ́ ɓayége ɓɛ́ɛ́ li ɓét á m̀ɓoŋgó. Ɔ dúgɛ́ ɓɔ nɛ́ bí ɓēhé á nyúŋú mií á ebúle, jé lí tísɔn Betsaída. Nyɛ́ ɔ yéglé á li soɛ lí limut.
Váŋ nɛ́ a ɓét á m̀ɓoŋgó wáɓá, ŋgɔá ki yu vɔ́lɓe. Ɓayége ɓɛ́ɛ́ bú nyág nlohanɛ́.
Ámbúh náŋ, Yésus ɔ ɓéhe á nyúŋú mií á ébúle yé Galiléa bí ŋga yáŋa ki nɛ́ ebúle yé Tibeliáda.
