Málkus 6:21 - Esaa-líat ɛ́ péná

²¹ Ndí ɔlɔ́ ví m̀ɓɛɛŋ vá vú kɔlan, ápah Elódiáda a kuhúú póla nyí li ólhánɛ lí Yohánɛs. Náŋ a ɓɛ́ɛ́ ŋgand ɔlɔ́ ví líbyáa ví Élóde, eceg nyɛ́ Élóde a yáŋléé ɓot bí gɔ́mna, sónja ecɛ́ŋ, la ɓacɛ́ŋ bi Galiléa á líndēmá.

Málkus 6:21 ပူးပေါင်းရင်းမြစ်များ

Lúkas 3:1

Á m̀bú wá yáhɛ́ jóom la mítáan nyú á likanʼyɛ jé lí káísa ecɛ́ŋ Tibélia, Pɔ́nsio Piláto nɛ́ a ɓɛ́ɛ́ gɔ́mna licɛ́ŋ lí Yúdēa, Elóde ŋ̀kanʼyɛ a Galiléa, mɔɔ́nyāŋ Filípo ŋ̀kanʼyɛ a ékombo yé Ituléa la Tilakonitída; Lisánias ɔ ɓɛ́ ŋ̀kanʼyɛ á Abiléna.

Misɔ́n mí Ɓáōmɓɛ 25:23

Ɔlɔ́ ví ŋgí oŋ víŋ, Káísa Agilípa la mɔɔ́nyāŋ-a-ŋgɔn Belénis bú sɔ́ até á eduŋgú ecɛ́ŋ. Ámbúh, bú níŋgí á ndáá-mikál, elɔŋ la ɓakanʼyɛ ɓacɛ́ŋ bí sónja la ɓacɛ́ŋ bí tísɔn. Gɔ́mna licɛ́ŋ Féstus ɔ kānʼyɛ́ nɛ bí sɔ́la Póol, la ɓɔ́ bú sɔ́la nyɛ́.

Pétlos 1 4:3

La mbálɛ á kwakwáŋɛ, maná loɛ́ eceg á lí ɓɔŋ lí mam mí ŋga nyɛ́ɛle ɓot bí ŋgá yí ɓé Ɔlolómɛ̄, maná niŋlé á mpuŋgú á ndeŋg, á kóó-eɓé yí éniŋ, á péa, á éōt-lídī, á éōt-mílɔg la eɓégɛ-bisát yé lí lɛ́ jam li ɓé.

Biyɛ́ɛ́léné 11:10

Ɓatɔɓene bí ŋkɔŋ-á-sí bíg kɛ li kɔn lí mívag ányúū nyɛmb yaɓá; bíg kɛ li ɓɔŋ li ŋgand, la li tíélan lí mikaale átɔm nɛ́ ɓáŋ ɓapɔ́tle-bí-Ɔ́lolómɛ̄ bíɓáa ɓá tí ɓɔ také ŋgandag.