Málkus 6:2 - Esaa-líat ɛ́ péná

² Á ɔlɔ́ ví évɛɛɓan ví Élōg-Yúda, Yésus a ɓɛ́ɛ́ a ŋgí yéglɛ á ndáá-miɓomán, ŋgandag ɓot ɛ́ ŋgí ámblé nyɛ́ yú nyág. Váŋ nɛ ɓá ɓatán nɛ: «Ɓaá véé náŋ a ŋga sɔ́léne nyɛ́ é? Yɔɔ́yɔ́ɔ nyíŋ peg a kūh ɛ́ ŋga yígle nyɛ́ li ɓɔŋ lí bínanaŋga bí mam la mɔ mɛ́ɛ́ é?

Málkus 6:2 ပူးပေါင်းရင်းမြစ်များ

Matéus 4:23

Yésus ɔ ɓōtlé lí wɛɛ á Galiléa ɛsɛ̄, ag yéglɛ á ndáá-míɓomán yáɓá; ag lɛgɛ Pɔ́l M̀ɓɛɛŋ nyí Likanʼyɛ lí Ɔ́lolómɛ̄, ag manɛ ɓot bí lílōm ákɔn ásɛ la jóō nɛ elɛ́m yé ɛ́ ɓɛ́ɛ́ ɓot á nyúū.

Matéus 7:28

Ɛnɛ́ Yésus a manɛ́ ɓɔ́ li tíi lí bíŋ biyíhɛ́nɛ́, limut lísɛ lú nyág la liyéglɛ́gɛ jɛ́ɛ́,

Málkus 1:39

La nyɛ́ ɔ wɛ́ɛ Galiléa ɛsɛ̄, ɔ lɛ́gɛ Pɔ́l M̀ɓɛɛŋ á ndáá-míɓomán yáɓá, ɔ dúhú ki mimbúl míɓē.

Málkus 10:1

Yésus ɔ ɓógo váŋ á nyɔ́ŋ voóm ɔ kɛ á ŋkɔŋ á Yúdēa, á nyúŋú mií á lɔm lí Yɔ́ldan. Limut lú kɔtan sīg-pɛ, la nyɛ́ ɔ ɓōtlé jɔ́ li yéglɛ ákaa elɛ́m.

Lúkas 2:47

Ɓot bísɛ bí ŋgí ámble nyɛ́ ag pɔ́t, bú nyág la nlohanɛ́ wɛɛ́ a eyí ndí la mbele yɛ́ɛ́ ki.

Lúkas 4:15

A ŋgí yéglɛ á ndáá-míɓomán yáɓá. Ɓot bísɛ bú ɓōtlé nyɛ li tíi lí lipém.

Yohánɛs 6:42

La ɓɔ́ bú lága sīg-pɛ nɛ́: «Ah Yésus mɔɔ́n Yósɛp ɓé nyɔ́ é? Ɓaá, bi ŋgá yí ɓé ɛsáŋɛ́ la nyaŋɛ́ é? Nɛ́-láá a ŋga lá lí laga nyí vɔ́ŋɔ́ɔ nɛ́: ‹Ma sɔ́léné á lóō é›?»

Yohánɛs 7:15

Ɓákanʼyɛ bí Élōg-Yúda bú nyág la nyɛ́, la ɓɔ́ bú lága nɛ: «yɔɔ́yɔ́ɔ nyaa eyí nyí é? Nyɛ́ mut āh yége ɓé tɔ jam!»