Málkus 5:7 - Esaa-líat ɛ́ péná

⁷ Váŋ nɛ́ a tɛ́ɛ́ nlón la ŋguu nɛ́: «Á Yésus, Mɔɔ́n Ɔlolómɛ̄ Nyɔlɛ, yéé ɔ ŋgɔ sōmle ma é? Sóon á jóō lí Ɔlolómɛ̄, ɔh sɔ́ɔ́g ɓé ma lí ɓɔgɔ.»

Málkus 5:7 ပူးပေါင်းရင်းမြစ်များ

Matéus 16:16

Símɔn Pétlos ɔ nyɔ̄ŋ hɔ́ mpɔ́t, ɔ pélē nyɛ nɛ́: «Ɔ lɛ Nyɔ́-a-Pɔ́hlɛ, Mɔɔ́n Ɔ́lolómɛ̄, Loó lí éniŋ.»

Matéus 26:63

Ndí Yésus ɔ tɔ́ɔ̄ pīí. Ŋ̀kanʼyɛ ǹcɛ́ŋ a ɓatíi-nsúlé ɔ lāgá nyɛ̄ nɛ́: «Á jóō lí Ɔ́lolómɛ̄ nyɔ́ a lɛ́ éniŋ, lagá ɓɛ́hɛ kíyáɓɛ́nɛ wa nɛ́ ɔ lɛ Nyɔ́-a-Pɔ́hlɛ, Mɔɔ́n Ɔ́lolómɛ̄.»

Matéus 4:3

Ǹsɔhɔ ɔ sīŋglé nyɛ ɓɛɓɛ a byɛ́la nyɛ́ nɛ́: «Kíyáɓɛ́nɛ ɔ lɛ̄ Mɔ́ɔ̄n Ɔ́lolómɛ̄, kanʼyɛ́ yí ŋgɔg nɛ́ ɛ́ yáan bikɔgá.»

Matéus 8:29

Váŋ nɛ́ ɓá ɓōtlé lí ɓéglan nɛ́: «Yéé ɔ ŋgɔ sōmle ɓɛ́hɛ á Mɔ́ɔ̄n Ɔ́lolómɛ̄ nyɔ́! Wa sɔ́ ja ɓɛ́hɛ li ɓɔgɔ vá eceg ŋgi lí kɔlan é?»

Málkus 1:24

«Mɔɔ́ a! Yéé ɔ ŋgɔ sōmle ɓɛ́hɛ á Yésus nyɔ́ á Názalɛt, ɓaá wa sɔ́ ja ɓɛ́hɛ li ɓɔgɔ é? Mag yí nzáá ɔ lɛ: Nyɔ́ Mpúán a Ɔlolómɛ̄.»

Málkus 14:61

Ndí Yésus ɔ tɔ́ɔ̄ pií, ah pélee ɓé tɔ jam. Ŋ̀kanʼyɛ ǹcɛ́ŋ a ɓatíi-nsúlé ɔ bíhī sīg-pɛ nyɛ́ nɛ́: «Ɓaá wa nɛ́ ɔ lɛ Nyɔ́-a-Pɔ́hlɛ Mɔɔ́n Ɔlolómɛ̄ nyɔ́ bi ŋga ɓégɛ é?»

Málkus 3:11

Eceg mimbúl míɓē mí ŋgí ɛ́n nyɛ́, mí ŋgí ku nyɛ́ á míkoo, míg tɛ́ɛ milón nɛ́: «Ɔ lɛ Mɔɔ́n Ɔlolómɛ̄.»

Málkus 5:6

Ɛnɛ́ a ɛ́n Yésus énɛŋɛ́ wóŋóó, ɔ ɓógó m̀bíí, ɔ sɔ́ ɔ kū la miɓɔ́ŋ ɔ́sū vɛ́ɛ́.

Málkus 5:8

Ákaa ɛ́sɛ Yésus a ŋgí laga wɔ́ nɛ́: «Á m̀búl m̀ɓé, pám á nyúū nyɔ́ mut!»

Lúkas 1:32

Ag kɛ lí ɓɛ́ lí mɔɔ́n á lipém; bíg kɛ nyɛ́ li yáŋa nɛ́: Mɔɔ́n Nyɔlɛ. Ɛtáŋɛ Ɔlolómɛ̄ ag kɛ nyɛ́ li tíi lí étɔɓé-líkanʼyɛ yé Dávid ɛsáŋɛ́;

Lúkas 4:34

«Mɔɔ́ a! Yéé ɔ ŋgɔ sōmle ɓɛ́hɛ, á Yésus nyɔ́ á Názalɛt? Ɓaá, wa sɔ́ ja ɓɛ́hɛ li ɓɔgɔ é? Mag yí nzáá ɔ lɛ: Nyɔ́ Mpúán a Ɔlolómɛ̄.»

Lúkas 6:35

Ndí ɓɛ́nɛ, diŋán ɓálem ɓáná, ɓɔŋán m̀ɓɛɛŋ, miní ɓálɛ́ɛ ɛ́h ɓɛ́ ɓé lí laaŋke nɛ́ bí tímānɛ ɓɛ́nɛ. Váŋ nɛ́ nsála wáná á ŋga kɛ́ li ɓɛ́ lí ǹcɛ́ŋ; miníg kɛ li ɓɛ́ lí ɓɔ́ɔ̄n bí Nyɔlɛ. Ányúū nɛ́, nyɛ́ Ɔlolómɛ̄, a lɛ elɔ́ŋgɔ ányúū ɓá bí ŋgá yí ɓé lí tíi lí mítamlan, la ányúū biɓéɓéyɛ bí ɓot.»

Lúkas 8:28

Ɛnɛ́ a ɛ́n Yésus, ɔ kúēlé nyɛ á míkoo, ɔ tɛ́ɛ́ nlón la ŋguu nɛ́: «Yéé ɔ ŋgɔ sōmle ma é? Á Yésus, Mɔɔ́n Ɔlolómɛ̄ Nyɔlɛ! Mag sɔ́hye wa, ɔh sɔ́ɔ́g ɓé ma lí ɓɔgɔ.»

Yohánɛs 20:31

Ndí, mí mam má ciiɓɛ́ já á lí ɓɔŋ nɛ́ miní yéɓé nɛ́ Yésus a lɛ Nyɔ́-a-Pɔ́hlɛ, ɔ ɓɛ́ Mɔɔ́n Ɔlolómɛ̄, la nɛ́, kaa maná yéɓe, miní ɓɛ́la eniŋ éɓem a jóō jɛ́ɛ́.

Misɔ́n mí Ɓáōmɓɛ 16:17

Ɔ ɓōtlé li oŋ lí Póol la ɓɛ́hɛ ag lón nɛ́: «Ɓá ɓot bí lɛ́ ɓaɓɔŋle bí Ɔlolómɛ̄ Nyɔlɛ. Bíg lɛgɛ ɓɛ́nɛ nzen nyí lisuŋga.»

Misɔ́n mí Ɓáōmɓɛ 19:13

Jogo lí ɓɔ́ɔ̄n bí Élōg-Yúda, ɓá bí ŋgí kɛ́ ɓavoóm nyɔ́ ámbúh nyɔ́ŋɔ́, ɓɔ́g bú nyɔŋɓán mbóŋ li páha lí joó lí Nyɔ́ŋ-Ɛsáŋɛ́ Yésus á lí duhu lí mímbūl míɓē mí mí lɛ́ ɓot á nyúū. Bí ŋgí laga nɛ́: «Á joó lí nyɔ́ŋ Yésus Póol a ŋga lɛ́gɛ, pámán!»

Misɔ́n mí Ɓáōmɓɛ 8:36

Múŋ á nzen, bú pám ápah mindím mí ɓɛ́ɛ́, mut a Etiópia ɔ lāgá Filípo nɛ́: «Mindím mí, yéé pɛ ɛ́ ŋga céŋɛ nɛ́ mi kūh nzoɓan é?» [

Elōg-Lóma 16:20

Puh eceg, Ɔlolómɛ̄ a ŋga tíi nsaŋ ag kɛ li kɔgte lí Sátan nyɔ́ a lɛ ɓɛ́nɛ á sí míkoo. Ndómbo nyí Ɛtáŋɛ wahá Yésus Kilístus ɛ ɓɛ́ la ɓɛ́nɛ.

Elōg-Hébɛl 2:14

Kasig ɓáŋ ɓɔɔ́n bí lɛ́ ɓot-bí-bínam, bú oŋgɓɛ́ nyaa ya á nyuú la á micii, Yésus ki a yāán kaa ɓɔ́, ɔ púnān la ɓɔ́ á líɓɛ́ɛg lí mut-a-binam. Ányúū náŋ nɛ́, li kele la nyɛmb yɛɛ́, a yáanɛ́ ǹsɔhɔ yɛmɛ́, nyɔ́ a mɓɛ́ a byɛ́ɛ́ ŋguu nyí li óm á nyɛmb.

Elōg-Hébɛl 7:1

Nyɔ́ŋ Mɛlkisédɛk a ɓɛ́ɛ́ káísa nyí ɓot bí Sálɛm, ǹtíi-nsúlé a Nyɔlɛ. A kɛnɛ́ɛ́ á lí ɓoman la Áblaháam eceg nyɔ́ŋ a ŋgí sɔ́léne á wélan ápah a ɓomóó yíŋí káísa etám. La Mɛlkisédɛk ɔ lómbó nyɛ.

Yákop 2:19

Ɓaá, ɔg yéɓé nɛ́ Ɔlolómɛ̄ a lɛ̄ pɔmbɛ é? Náŋ a lɛ̄ m̀ɓɛɛŋ. Mimbúl míɓē mɔ́g míg yéɓé náŋ, la mɔ́ má sɛ́glán lā woŋ.

Pétlos 2 2:4

La mbálɛ, Ɔlolómɛ̄ āh láakɛ́ɛ ɓé áŋgɛl yí ɛ́ ɓɔŋɔ́ɔ́ áɓē, ndí a ómóó yɔ́ á eɓél ɛ́ nzáan, ápah a náŋɛ̄ yɔ ŋkágag la misáŋ mí bícɛɛ, á lí laaŋke lí ɔ́lɔ̄ ví ŋkál.

Yohánɛs 1 3:8

Nyɔ́ la nyɔ́ a ŋga ɓɔ̄ŋ aɓé a lɛ á épah ɛ́ ǹsɔhɔ, ányúū nɛ li ɓotle á ɔkolpáŋá, ǹsɔhɔ a lɛ m̀ɓɔŋ-miɓé. Jɔ́ nɛ́, Mɔɔ́n Ɔlolómɛ̄ a sɔ́ á lí cɛ́hɛ lí mísɔ̄n mí ǹsɔhɔ.

Yúde 1:6

Nlemlem, áŋgɛl yí yáh naŋɛ ɓé líɓɛ́ɛg jáɓá, ndí yú cóó lítɔɓéné jáɓá, Ɔlolómɛ̄ a náŋɛ̄ yɔ ŋkwɛɛ́hkɛ́gɛ la misáŋ-mí-bícɛɛ átē a livito á nlaaŋkán á ɔ́lɔ̄ vícɛ̄ŋ ví bíkááhɛ́nɛ́.

Biyɛ́ɛ́léné 12:12

Jɔ́ nɛ́, kɔnán mívag, wa lóō la ɓɛ́nɛ ɓatɔɓene wóŋ! Eɓéé-nyúū la ɓɛ́nɛ; wa sí la wa túwɛ, átɔm nɛ́ ǹsɔhɔ a sūh á yóg yaná, ŋyálāg la ɔún, ákaa a ŋga yí nɛ́ yá yéglé ja nyɛ́ puh eceg.»