Málkus 4:19 - Esaa-líat ɛ́ péná

¹⁹ mitaka mí ŋkɔŋ-á-sí, nsom á ábyaŋ bú lɛ̄ndánɛ́ ɓɔ́ la míŋí mam mísɛ bí byɛ́ɛ̄ kóó, míg legtanɛ yéŋ Eɓaŋgá la yɔ́ yáh úm ɓé mítām.

Málkus 4:19 ပူးပေါင်းရင်းမြစ်များ

Matéus 13:22

Mbóó ya ɓɛ̄lɓɛ́ á voóm á bikáá bí bílɔ, ɛ lɛ́ mut a ŋga ámblé eɓaŋgá Ɔ́lolómɛ̄, ndí mitaka mí ŋkɔŋ-á-sí la nsom á ábyaŋ ɓá lēgtánɛ́ yéŋ eɓaŋgá, yáh wúm ɓé mítām.

Matéus 19:23

Váŋ nɛ́ Yésus a yó ɓayége ɓɛ́ɛ́ nɛ́: «La mbálɛ mag laga ɓɛ́nɛ nɛ́, la ŋgandag ndutu nɛ́ m̀byaŋ-á-mut á ŋga kɛ́ li níŋgí á Líkanʼyɛ lí Ɔ́lolómɛ̄!

Matéus 3:10

Ŋkulaŋ a lɛ́ m̀ɓoŋhágan á lí sɛ́m lí míkaŋ mí bíéé; jɔ́ hɔ́ nɛ: eéé la eéé ɛ́ ŋgá úm ɓé mítām mílāām, ɛ́g kɛ li sɛ́mɓɛ, la yɔ́ ɛ́ lééɓɛ́ á nzáan.»

Málkus 4:18

Ɓot ɓatám bí lɛ́ ákaa bikáá bí bílɔ ápah Eɓaŋgá yá mwɛ́hɓɛ. Ɓɔ́ nɛ́, ɛnɛ́ ɓá ámblé Éɓaŋgá,

Lúkas 10:41

Nyɔ́ŋ-Ɛsáŋɛ́ ɔ pélē nyɛ nɛ́: «A Maatá, a Maatá, ɔg tɔghan, ɔg lɔ́gɓan ki ányúū mam ŋgandag,

Lúkas 21:34

«Nyɔŋán hɔ́ lítāt m̀ɓɛɛŋ, á li pún nɛ́, mimím máná míh lɛndkágán ɓé á péa, á li nyú á bíɓóndo bí mílɔg, tɔ li tiŋɓe á mam mí éniŋ; nɛ́ víŋ ɔlɔ́ víh púhégé ɓé ɓɛ́nɛ,

Yohánɛs 15:2

Tɔ wɔɔ́wɔ́ɔ ŋkɔɔ wáh úm ɓé bínyɛŋgɛ́n, Etāa ag sɛ́m wɔ́. Ndí nyú wa úm bínyɛŋgɛ́n, ag sɛ́m bípaápáa byɛ́ɛ́, á lí ɓɔŋ nɛ́ á kóndyé sīg-pɛ li úm lí bínyɛŋgɛ́n.

Elōg-Lóma 12:2

Miníh oŋlégé ɓé míɓɔŋɔg mí ɓot bí nyú ŋkɔŋ-á-sí á lɛn, ndí Mwahánɛ̄ Ɔlolómɛ̄ a yáanɛ́ ɓɛ́nɛ la eyí péná a ŋga tíi ɓɛ́nɛ, nɛ́ ndí miní la lí yí lí nsom wɛ́ɛ́: Ag somo yé ɛ́ lɛ́ élɔ́ŋgɔ, yé ɛ́ lɛ́ líŋgɔ̄ŋɔ́ á miíh mɛ́ɛ́ la yé ɛ́ lɛ́ tɛ́ŋgɛ́n.

Elōg-Éféso 2:2

á ɔkolpáŋá, eceg miní ŋgí ógle loó lí nyú ŋkɔŋ-á-sí, ŋ̀kanʼyɛ nyɔ́ a lɛ á póla sí la loó. Nyɔ́ŋ ŋ̀kanʼyɛ nɛ́ a lɛ m̀búl m̀ɓé á ŋga sál vɔ́ŋɔ́ɔ á póla ɓot ɓá ndɔ́gɓéné Ɔ́lolómɛ̄.

Elōg-Éféso 6:12

átɔm nɛ́, ah la ɓot-bí-bínam ɓé nɛ́ bi ŋga dúu, ndí biíg du la Mikanʼyɛ mí lɛ́ á lōó, la patí Ŋguu ɛ́sɛ ɛ́ lɛ́ á lōó, la Ɓaɓémbɛ bí nyú ŋkɔŋ á lívito, la mimbúl míɓē mí lɛ́ á lóō.

Elōg-Fílípi 4:6

Jam tɔ já líh kótɛ́gɛ́ ɓé ɓɛ́nɛ, ndí á tɔ yɔɔ́yɔ́ɔ eceg, á míkánɛ máná la á nzɔ́hyé yáná, tíán Ɔ́lolómɛ̄ mítamlan, miní yíhɛ́ nyɛ́ yé ɛ́sɛ ɛ́ ŋga sōmlɛ ɓɛ́nɛ.

Timotéo 1 6:17

Ɓéhyɛ́ mimbyaŋ-mí-ɓot mí nyú ŋkɔŋ-á-sí nɛ́ míh ɓɛ́ɛ́g ɓé kúmba tɔ li vá lí lípitá jáɓá á ábyaŋ nyú a ŋgá lɔ́ɓe, ndí mí válé jā lípitá jáɓá la Ɔlolómɛ̄, nyɔ́ a ŋga tíi ɓɛ́hɛ míɓɛɛŋ ɔbul nɛ́ ndí bi ɓɛ́la mívag á m̀mím.

Timotéo 2 4:10

ányúū nɛ Démas a cóó ma ányúū ediŋ yé nyú ŋkɔŋ-á-sí A kɛ́ á tísɔn nyí Tesaloníka, Kelésaŋs ɔ kɛ́ á épah-ékombo yé Galátia, Títo ɔ kɛ́ á épah-ékombo yé Dalmátia.

Pétlos 2 1:8

Ákaa ɛ́sɛ, kíyáɓɛ́nɛ maná loohán lí ɓɛ́la lí bíŋ bilɛ́m bílāām bísɛ, bíg yígle ɓɛ́nɛ nɛ́ miníh kómānɛ́gɛ́ ɓé mɔ, ndí miní úm mitám mílāām, nɛ́ ndí miní kóndyé lí yí lí Ɛtáŋɛ wahá Yésus Kilístus.

Yúde 1:12

Ɓáŋ ɓot yágá ki nɛ́ bí ŋga óŋlánɛ bipepá bí lídī byáná bí línyaŋ, ápah bí ŋga yáhɛ bisóá bí lídī nɛ̄ káŋ, ɓá sógɓán lídī la li mbaatan lí binyúnyú ɛ́h ɓɛ́ ɓé ɓɔ li kɔn lí ɔ́sɔ̄n. Bí lɛ́ kaa mbaga nyí ŋgíla mindím nɛ́ ŋgɔá ɛ ŋga vóóŋgɛ́ɛ. Bí lɛ́ kaa biéé bí bíh byɛ́ɛ́ ɓé mítām á éceg ɛ́ pumu, bí byá uulɛ la byɔ́ bú wú ŋgéle ɛ́ɓáa.