Málkus 3:35 - Esaa-líat ɛ́ péná

³⁵ Tɔ nzáá a ŋga ɓɔ̄ŋ nsom á Ɔlolómɛ̄, nyɛ́ nɛ́ a lɛ mɔɔ́lyāŋ á páam, mɔɔ́lyāŋ a mindígá, la yɛɛ.»

Málkus 3:35 ပူးပေါင်းရင်းမြစ်များ

Matéus 7:21

«Ah li yáŋá lí ma ɓé nɛ: ‹Ɛtáŋɛ, Ɛtáŋɛ› nɛ́ lí ŋga níŋgɛ á Ékombo-lóō, ndí li ɓɔŋ lí nsom á Etāa nyɔ́ a lɛ á lóō.

Yohánɛs 7:17

Nyɔ́ a ŋga sómo li ɓɔŋ lí nsom á Ɔ́lolómɛ̄, ag kɛ li yí kíyáɓɛ́nɛ yé mi ŋga yéglɛ ɛ́g sɔ́le la Ɔlolómɛ̄ tɔ nɛ́ la mā-mɛn.

Elōg-Éféso 6:6

Miníh ɓɔŋɔ́g ɓé naŋ á li nyɛɛle lí ɓot-bí-bínam ányúū nɛ bíg légɓe ɓɛ́nɛ, ndí ɓɔŋán náŋ ákaa miyɔ́ŋ bí Nyɔ́-a-Pɔ́hlɛ ɓá bí ŋga dīgɓan li ɓɔŋ lí nsom á Ɔ́lolómɛ̄.

Elōg-Hébɛl 10:36

Ákaa ɛ́sɛ, miní byɛ́ɛ́ kóó la kɔkɔ á lí yáhɛ lí nsom á Ɔ́lolómɛ̄, nɛ́ ndí miní kuh yé a kákānɛ̄ ɓɛ́nɛ.

Yákop 1:25

Ndí, nyɔ́ la nyɔ́ a ŋga ɛ́gɓéne á taŋ mbéndá nyí ɛ ŋga tɛ́ɛ́yɛ kundɛ, la nyɛ́ a tíŋɓéné átē, ag kɛ li kuh lí mísɔ̄tá á mam mísɛ a ŋga kɛ́ li ɓɔŋ. A ŋgá ɓɛ́ ɓé ákaa nyɔ́ mut a ámble yɔ, la nyɛ́ ɔ vólanɛ, ndí ag ɓɛ́ ákaa nyɔ́ a ŋga ógle yɔ́.

Pétlos 1 4:2

Li ɓotle nyí vɔ́ŋɔ́ɔ, maná nyɛ́ɛ li niŋ lí nyí puh eceg ɛ ŋgí tɔɔ́ ɓɛ́nɛ á ŋkɔŋ-á-sí li oŋle la nsom á Ɔlolómɛ̄, ndí ah li oŋle la kóó-eɓé yí ŋkɔŋ-á-sí ɓé.

Yohánɛs 1 2:17

Ákaa ɛ́sɛ, ŋkɔŋ-á-sí ág loo la kóó-eɓé ɛ́sɛ ɛ́ lɛ́ átē, ndí nyɔ́ a ŋga ɓɔ̄ŋ nsom á Ɔlolómɛ̄ ag niŋ á éɓem la á éɓem.