Málkus 2:21 - Esaa-líat ɛ́ péná

²¹ Tɔ mut a ŋgá la ɓé li lɔndɔ lí písīs ŋkánág á líɓato á ǹdunɛ á mbɔ́tí; la náŋ eɓambo yé ŋkánág á líɓato ɛ́g wala ǹdunɛ a mbɔ́tí, la ewáhá yá kóndyé li ée.

Málkus 2:21 ပူးပေါင်းရင်းမြစ်များ

Matéus 9:16

Mut tɔ wa a ŋgá vá ɓé ŋkánág á písīs liɓato á ǹdunɛ a mbɔ́tí, átɔm nɛ́, yéŋ eɓambo ɓá ɓát ɛ́g wala nyíŋ mbɔ́tí, la ewáhá yá kondyé lí ée.

Málkus 2:20

Ndí eceg ɛ́g kɛ li sɔ́ yé bí ŋga nyɔ̄ŋle ɓɔ́ sɔ́mbɔ́, múŋ á nyúŋ alɔ́ hɔ́, bíg kɛ li tɔɔ lí nzal.

Málkus 2:22

Mut tɔ wa a ŋgá ɔlɔ ɓé míkānág mí mílɔg á míndunɛ mí bílōgá; kí mílɔg míg ɓól bílōgá, ɓá ɓɔ́lán mílɔg la bilógá byɔ́ bísɛ. Jɔ́ hɔ́ nɛ́, mikánág mí mílɔg míg kɛ ja á míkānág mí bílōgá.»

Lúkas 5:36

Yésus ɔ kánɛ sīg-pɛ ɓɔ́ ví ɔŋgaáŋgan nɛ́: «Mut tɔ wa a ŋgá ɓógtɛ ɓé písīs liɓato á ŋkánág á mbɔ́tí, á li lɔndɔ lí yɔ á nyí ǹdunɛ; kí á ɓɔŋ náŋ, ŋkánág á mbɔ́tí ág lɔɓe, ndí písīs liɓato nyí ŋkánág á mbɔ́tí ki ɛ́h la ɓé li byelɓan á nyí ǹdunɛ.

Elōg-Kɔlínto 1 10:13

Miceglan miní kūhúú mí ɓɛ́ɛ́ á ɔ́vega ví mut-a-binam, Ɔlolómɛ̄ ag yáhɛ biɓaŋgá byɛ́ɛ́, a ŋgá kɛ ɓé lí yéɓe nɛ́ miní kūh miceglan mí ŋga lóo ɓɛ́nɛ ŋguu. Eceg miceglan mí ŋga sɔ́, ag kɛ ɓɛ́nɛ li ɓɔŋ nɛ́ miní pámɓán, ag kɛ ki ɓɛ́nɛ li tíi lí ŋguu á lí ɔ́hánɛ lí mɔ̄.