Málkus 2:20 - Esaa-líat ɛ́ péná

²⁰ Ndí eceg ɛ́g kɛ li sɔ́ yé bí ŋga nyɔ̄ŋle ɓɔ́ sɔ́mbɔ́, múŋ á nyúŋ alɔ́ hɔ́, bíg kɛ li tɔɔ lí nzal.

Málkus 2:20 ပူးပေါင်းရင်းမြစ်များ

Matéus 26:31

Váŋ nɛ̄ Yésus a lāgá ɓɔ nɛ́: «Jé díɓe lí lɛn, ɓɛ́nɛ bísɛ miníg kɛ ma lí cóó, átɔm nɛ́ yá ciiɓɛ́ nɛ: ‹Mag kɛ li ól lí ǹtát mítōmbɛ́, la mitómbɛ́ mí líɓembá mí cámān.›

Matéus 9:15

Yésus ɔ pélē ɓɔ nɛ́: «Miníg ɔ́ŋɔ nɛ́ ɓayáŋlɛ á ŋgand aúg bí lɛ́ nɛ́ ɓá ɓɛ́ bíg ála kí sɔ́mbɔ́ ɛ tɔ́ɔ̄ elɔŋ la ɓɔ́ é? Kɛ́m, ndí eceg ɛ́g kɛ li sɔ́ yé bí ŋga nyɔ̄ŋle ɓɔ́ sɔ́mbɔ́; váŋ hɔ́, bíg kɛ li tɔɔ lí nzal.

Málkus 2:19

Yésus ɔ pélē ɓɔ nɛ́: «Miníg ɔ́ŋɔ nɛ́ ɓayáŋlɛ á ŋgand aúg bíg la li yéɓe nɛ́ bí tɔɔ nzal kí sɔ́mbɔ́ ɛ lɛ elɔŋ la ɓɔ é? Kɛ́m, kíyáɓɛ́nɛ sɔ́mbɔ́ ɛ ŋgí lɛ elɔŋ la ɓɔ́, bí ŋgá la ɓé li yéɓe nɛ́ bí tɔɔ nzal.

Málkus 2:21

Tɔ mut a ŋgá la ɓé li lɔndɔ lí písīs ŋkánág á líɓato á ǹdunɛ á mbɔ́tí; la náŋ eɓambo yé ŋkánág á líɓato ɛ́g wala ǹdunɛ a mbɔ́tí, la ewáhá yá kóndyé li ée.

Lúkas 17:22

Ámbúh náŋ, Yésus a byɛ́la ɓayége ɓɛ́ɛ́ nɛ: «Alɔ́ ág kɛ li sɔ́, nyú miní ŋga kɛ́ li ɓɛ́la lí kóó li ɛ́n lí Mɔɔ́n Mut, tɔ yá ɓɛ́ ja ɔlɔ́ váhvá, ndí miní ŋga kɛ ɓé nyɛ li ɛ́n.

Lúkas 5:35

Ndí eceg ɛg kɛ li sɔ́ yé bí ŋga nyɔ̄ŋle ɓɔ́ sɔ́mbɔ́, muŋ á nyúŋ alɔ́ hɔ́, bíg kɛ li tɔɔ lí nzal.»

Yohánɛs 12:8

Ɓayɛ́ɛ́yɛ́ɛ bí lɛ́ la ɓɛ́nɛ eceg sig, ndí ma, miní ŋgá ɓɛ́ ɓé la ma eceg ɛ́sɛ.»

Yohánɛs 13:33

Á ɓɔ́ɔ̄n ɓáma, mi ŋgí tɔ́ɔ̄ jā la ɓɛ́nɛ ányúū puh eceg. Miníg kɛ ma lí somo, ndí kaa ma lága ɓɔ́ɔ̄n bí Élōg-Yúda, ápah mi ŋga kɛ̄, miní ŋgá la ɓé lí pám wóŋ; ɓɛ́nɛ ki mag laga ɓɛ́nɛ nlemlem á jam vɔ́ŋɔ́ɔ.

Yohánɛs 16:28

Ma pámléné á átē á Etāa li sɔ́ á ŋkɔŋ-á-sí, ndí nyí vɔ́ŋɔ́ɔ mag ɓógo á ŋkɔŋ-á-sí á li timan á yóg Etāa.»

Yohánɛs 16:7

Ákaa ɛ́sɛ ma lagá ɓɛ́nɛ mbálɛ. Mikɛ máma mí lɛ́ ányúū nsɛ́ŋ wáná, ányúū nɛ́, kí máh kɛ́ ɓé ma, M̀mɔ́mɛ a ŋgá kɛ́ ɓé li sɔ́ ápah miní lɛ. Ndí kíyáɓɛ́nɛ ma kɛ̄, mag kɛ ɓɛ́nɛ nyɛ́ lí ómle.

Yohánɛs 17:11

Li ɓotle nyí vɔ́ŋɔ́ɔ, mi sē ɓé pɛ ma á ŋkɔŋ-á-sí, ndí, ɓɔ́ bíg yégle á ŋkɔŋ-á-sí, ányúū nɛ má mag timan á yóg yɔ́ɔ. Etāa nyɔ́ a lɛ Mpúán tát ɓɔ́ á jóō jɔ́ɔ, joó lí lɛ́ nɛ wa tí ma, á lí ɓɔŋ nɛ́ bí ɓɛ́ mut wa, ákaa ma la wa bi lɛ́ mut wa.

Yohánɛs 17:13

Etāa, nyí vɔ́ŋɔ́ɔ, mag timan á yóg yɔ́ɔ. Ma pɔ́t bíŋ biɓaŋgá ányúū ɓayége ɓáma bí lɛ́ á ŋkɔŋ-á-sí á lí ɓɔŋ nɛ́ ɓɔ́g bí ɓɛ́la mivag máma, mí ɓɛ́ micɛ́ŋɛ́ tɔláá.

Yohánɛs 3:29

Tɔ nzáá a byɛ́ɛ̄ ŋ̀gáá wɛ́ɛ̄, a lɛ nlóm á nyɔ́ŋ mindígá. Liwándá lí nyíŋ páam ki líg tɔɔ yɔ á ŋgwáāg, eceg lí ŋga ámble cíŋ yɛ́ɛ̄, ɛg kɔnɛ jɔ́ mivag. Náŋ nɛ́ a lɛ mívag máma, mí yáhɛ́.

Misɔ́n mí Ɓáōmɓɛ 1:9

Ámbúh bíŋ biɓaŋgá, Yésus ɔ ɓét á lóō ɔ́sū váɓá, mbaga yu sɔ́, yu dímhánɛ́ nyɛ á miíh máɓá.

Misɔ́n mí Ɓáōmɓɛ 14:23

Póol la Balnábas bí ŋgí pɔhle Eɓasɛ sig ɓacɛ́ŋ bí éɓasɛ. Átē á míkánɛ la etɔɔ-nzal, bí ŋgí vá ɓɔ́ á sí bitátlé bí Nyɔ́ŋ-Ɛsáŋɛ́ nyɔ́ ɓá válé ŋyéɓé wáɓá.

Misɔ́n mí Ɓáōmɓɛ 3:21

Nyɔ́ŋ Yésus a nyɛ́ɛ yágá li tɔɔ á lóō nɛ́-tɛ́ɛla á éceg mam mísɛ mí ŋga kɛ́ li tɛ́lɛ, mí Ɔlolómɛ̄ a lɛ́gɛ á minyu mí ɓápɔ́tle-bí-Ɔ́lolómɛ̄ ɓapúán bí kwakwáŋɛ.

Elōg-Kɔlínto 1 7:5

Nyɔ́ wa ah ɓenég ɓé nyɔ́ŋɔ́, amáh nɛ́ maná ámblán á lí tɔɔ náŋ ányúū puh eceg, á li ɓɔŋ nɛ́ miní vá ɓɛ́nɛ-mɛ̄n á mikánɛ. Ámbúh náŋ miní tímān káa miní mɓɛ́, á ŋkɔnwoŋɛ́ nɛ, ŋgí lí la lí lí byee lí nyúū yáná ɛ tí ǹsɔhɔ póla nɛ́ a céglɛ̄ ɓɛ́nɛ.

Elōg-Kɔlínto 2 11:2

Mag kɔ́ɔ́ ɓɛ́nɛ ŋgandag, nlemlem kaa yé Ɔlolómɛ̄ a ŋga kɔ́ɔ́ ɓɛ́nɛ. Ma víŋléné ɓɛ́nɛ páam yāhya, yɔ nɛ́ ɛ lɛ̄ Nyɔ́-a-Pɔ́hlɛ, mu kɛ́lā ɓɛ́nɛ ɔ́sū vɛ́ɛ́ kaa ŋgɔn-mindígá nyí ɛ ŋgí lɛ kɔɔ kɔ́njí.

Elōg-Kɔlínto 2 11:27

Ma sál mísɔ̄n mí ŋga tɔ̄mbhan la mí mí ndútu, biceg byá ma tɔ́ɔ́ pɛ́ɛ, ma tɔ́ɔ̄ nzal la evéhé, biceg bitám mu ɓɔ̄ŋ étɔɔ-nzal á ŋkágán, ma ógtán ávɔ̄l, mbɔ́tí yú yɛ́ɛ́lé mā,

Elōg-Kɔlínto 2 6:5

eɓom, miɓog, mpuŋgú ǹcɛ́ŋ, etɔmb, etɔɔ-pɛɛ, la etɔɔ-nzal.

Biyɛ́ɛ́léné 19:7

Bi sóphɛ́ɛ, bi ɓɛ́ até á mivag, bi tí nyɛ́ lipém, átɔm nɛ́ eceg ɛ́ ŋgand aúg ɛ́ mɔɔ́n ntómbɛ́ yé! Ŋ̀gáá wɛ́ɛ̄ a súgɛ́ m̀ɓoŋhanɛ́.»

Biyɛ́ɛ́léné 21:9

Váŋ nɛ́ áŋgɛl ya até á yí nzambúwá yí ɓɛ́ɛ́ ɛ́ ɓɛ́gɛ miɓondó nzambúwá, ŋyálāg la bisɔghe byá tiile nzambúwá ya sɔ́ ma li laga nɛ́: «Sɔ́, mag kɛ wa li étɛ lí évān, ŋ̀gáá mɔ́ɔ̄n ntómbɛ́.»