Málkus 2:13 - Esaa-líat ɛ́ péná

¹³ Yésus ɔ kɛ sīg-pɛ á ŋgwáāg ebúle yé Galiléa. Limut lú oŋ nyɛ, la nyɛ́ ɔ ɓōtlé jɔ li yéglɛ.

Málkus 2:13 ပူးပေါင်းရင်းမြစ်များ

Matéus 13:1

Múŋ a víŋ ɔlɔ́, Yésus ɔ pám á ndáá, ɔ kɛ ɔ tɔɔ á ŋgwáāg ebúle.

Matéus 9:9

Kasig Yésus a nyɔŋɔ́ɔ́ duwɛ li kɛ, a ŋgí loo nzen, ɔ ɛ́n mut wa bí ŋga yáŋa nɛ́ Matéus a tɔ́ɔ̄ á voóm wɛ́ɛ̄ á nsɔ́n; a byɛ́la nyɛ́ nɛ́: «Ōŋ ma.» La nyɔ́ŋ ɔ tɛ́lɛ, ɔ ōŋ nyɛ.

Málkus 1:45

Ndí ɛnɛ́ nyɔ́ŋ mut a kɛ, ɔ ɓōtlé li lɛgɛ lí yé yá loo, ag tɛ́ɛ milón voóm asɛ̄ la nyɛ́ ɔ cámánɛ́ nyíŋ pɔ́l, nyaa nyí lɛ nɛ́ Yésus a ŋgí la ɓé pɛ li níŋgi á tísɔn á miíh mí límut; ɔ ɓōtlé ja li tɔɓene á ápūū, wóŋ á liɛ́g. Ɓot bí ŋgí sɔ́le bipah bísɛ á li ɛ́n lí nyɛ.

Málkus 10:1

Yésus ɔ ɓógo váŋ á nyɔ́ŋ voóm ɔ kɛ á ŋkɔŋ á Yúdēa, á nyúŋú mií á lɔm lí Yɔ́ldan. Limut lú kɔtan sīg-pɛ, la nyɛ́ ɔ ɓōtlé jɔ́ li yéglɛ ákaa elɛ́m.

Málkus 2:2

Edila límut lú kóman á nyaa nyí lɛ nɛ́, litɛ́lɓéné líh mɓɛ́ ɓé pɛ á ápūū, li pám nɛ́-tɛ́ɛla á ányu-á-mɓɛ́l; la Yésus ɔ ɓōtlé ɓɔ li lɛgɛ lí Pɔ́l Ɔlolómɛ̄.

Málkus 4:1

Yésus ɔ ɓōtlé sīg-pɛ li yéglɛ á ŋgwáāg ebúle. Limut lú díí nyɛ nyaa nyí lɛ nɛ́, ɔ ɓét á m̀ɓoŋgó á ɓɛ́ɛ́ váŋ á míndīm. Jéŋ limut lú yéglé á sí líg légɓé nyɛ́.

Lúkas 19:48

Ndí bí ŋgí yí ɓé yéé ɓá nyɛɛ́ li ɓɔŋ, átɔm nɛ́ ɓot bísɛ bí ŋgí nyɔŋ eceg á lí ámble lí nyɛ.

Lúkas 21:38

La miyɛ́ mí kítí, ɓot bísɛ bí ŋgí sɔ́ á ndáá-ēcɛ́ŋ-Ɔlolómɛ̄ á li ámble lí nyɛ.