Málkus 16:17 - Esaa-líat ɛ́ péná

¹⁷ Ndembye ɛ́ ŋga kɛ́ li wɛɛla lí ɓá bí ŋga kɛ́ li yéɓe ɛ́g ɓɛ́ nɛ́: á jóō jáma bíg kɛ li duhu lí mímbūl míɓē, bíg kɛ li pɔ́t lí mípɔ̄t mí péná,

Málkus 16:17 ပူးပေါင်းရင်းမြစ်များ

Málkus 9:38

Yohánɛs ɔ nyɔ̄ŋ mpɔ́t, ɔ laga Yésus nɛ́: «Á Ŋ̀yéglɛ, ɓa ɛ́n mut ag duhu mimbúl míɓē á jóō jɔ́ɔ, ndí ɓɛ́hɛ bu sómo nyɛ́ li suŋɛ náŋ, ányúū nɛ a sē ɓé á elɔŋ yáhá.»

Lúkas 10:17

Míŋ muúnzambúwá mí ɓayége la bíɓáa mú tímān átē a mivag, la ɓɔ́ bú lága nɛ: «Ɛtáŋɛ, tɛɛla mimbúl míɓē mí ŋga ógle ɓɛ́hɛ á jóō jɔ́ɔ.»

Yohánɛs 14:12

La mbálɛ-mbálɛ, mag laga ɓɛ́nɛ nɛ́, nyɔ́ la nyɔ́ a ŋga yéɓe la ma, ag kɛ li sál lí misɔ́n mi ŋga sál; mí loo ki ɛmáma, átɔm nɛ́ mag kɛ á yóg Etāa.

Misɔ́n mí Ɓáōmɓɛ 10:46

Náŋ nɛ̄ a yíglé ɓɔ li ámble lí ɓáŋ ɓot bíg pɔ́t ɓacɛn bí mípɔ̄t mí mí ŋgá yílɛ ɓé á lí ɓégɛ lí Ɔlolómɛ̄. La Pétlos ɔ nyɔ̄ŋ sīg-pɛ mpɔ́t, a byɛ́ nɛ́:

Misɔ́n mí Ɓáōmɓɛ 16:18

La nyɛ́ ɔ ɓɔ̄ŋ náŋ alɔ́ ŋgandag. Ɛnɛ́ Póol a yál naŋ, ɔ yáan, ɔ laga nyúŋ m̀búl nɛ: «Á joó lí Yésus Kilístus mag kanʼyɛ wa, pám nyɔ́ mindígá á nyúū!» Á ékūyá-kúyá, nyúŋ m̀búl wú pám nyɔ́ŋ mindígá á nyúū.

Misɔ́n mí Ɓáōmɓɛ 19:6

Póol ɔ káhyɛ́ ɓɔ mɔ, la M̀búl Mpúán ɔ sūhlé ɓɔ. Bú ɓōtlé lí pɔ́t lí ɓácɛn bí mípɔ̄t ɓá ɓot bí ŋgí yí ɓé la li lɛgɛ lí mam á joó lí Ɔlolómɛ̄.

Misɔ́n mí Ɓáōmɓɛ 2:33

Ɔlolómɛ̄ ɔ ɓétɛ nyɛ á m̀ɓɛ́nlómɛ wɛɛ́, Ɛsáŋɛ́ ɔ tí nyɛ M̀búl Mpúán a kakáánɛ, nyɛ́g ɔ kúúlé ɓɛ́hɛ wɔ́, kaa miní lɛ́ lí ɛ́n la li ámble.

Misɔ́n mí Ɓáōmɓɛ 5:16

Ɔbul ví límut ví ŋgí sɔ́le á míkɔŋ mí lɛ́ á ŋgwáāg Yelúsalɛm, vɔ́g ví ŋgí digɓan li kɛla lí ɓákɔɔ́kɔ̄n la ɓot bí byɛ́ɛ̄ mímbūl míɓē. Ɓáŋ ɓakɔɔ́kɔ̄n bísɛ bí ŋgí tɔɔ mbólí.

Misɔ́n mí Ɓáōmɓɛ 8:7

Ŋgandag mímbūl míɓē mí mí ŋgí teeŋgɛ ɓot mí ŋgí pám ɓɔ́ á nyúū míg tɛ́ɛ́ milón, biɓóg-bí-ɓōt la ɓá ɓá lɛ́mɛ ki bú tɔ́ɔ̄ mbólí.

Elōg-Kɔlínto 1 12:10

nyɔ́ŋɔ́ ntám, ɔ tí nyɛ li ɓɔŋ lí mínɛ̄ŋ, ntám sīg-pɛ ɔ tí nyɛ li pɔ́t á jóō lí Ɔ́lolómɛ̄, ntám sīg-pɛ, ɔ tí nyɛ likaale jé lí yí lí lí lem lí mímbūl, nyɔ́ŋɔ́ ntám sīg-pɛ ki, ɔ tí nyɛ li pɔ́t lí álēmb ákaa M̀búl a ŋgí yígle nyɛ́, ndí ɔ tí ki ntám eyí lí kɔpɔ lí wɔ.

Elōg-Kɔlínto 1 12:28

Ɓot Ɔlolómɛ̄ a tɛ́ɛ́yɛ́ á Éɓasɛ bí lɛ́: ɓaómɓɛ kaa ɓot bí ɔ́sū, ɓapɔ́tle-bí-Ɔ́lolómɛ̄ kaa ɓot ɓá yáhɛ́ bíɓáa, ɓayéglɛ á Éɓasɛ kaa ɓá yáhɛ́ bíŋháa, ámbúh náŋ ɓot ɓá kuh líkaale á lí ɓɔŋ lí mínɛ̄ŋ, likaale lí lí tɔɔyɛ lí ɓot mbólí, likaale lí lí nit lí ɓot, likaale jé lí lí yí lí lí wɛɛla lí ɓot, likaale jé lí lí pɔ́t lí álēmb.

Elōg-Kɔlínto 1 12:30

Ɓɔ́ bísɛ ɓá kūh líkaale lí lí tɔɔyɛ lí ɓot mbólí é? Kɛ́m! Ɓaá, ɓɔ́ bísɛ bíg pɔ́t álēmb é? Kɛ́m! Ɓɔ́ bísɛ bíg kɔpɔ wɔ́ é? Kɛ́m!

Elōg-Kɔlínto 1 13:1

Á élōgyāŋ, tɔ yá ɓɛ́ nɛ mag pɔ́t mípɔ̄t mí ɓot bí binam la mí mí áŋgɛl, kíyáɓɛ́nɛ mīh byɛ́ɛ́ ɓé ma édiŋ, mi lɛ ákaa eɓɛ́ndɛ́ yé ɛ́ ŋga ɓɔ̄ŋ eduŋgú, kaa ncéŋ nyú a ŋga kūt kóŋ-kóŋ.

Elōg-Kɔlínto 1 14:2

Á mbálɛ, nyɔ́ la nyɔ́ a ŋga pɔ́t álēmb ákaa M̀búl Mpúán a ŋga yígle nyɛ́, a ŋgá pɔ́tɛ ɓé ɓot-bí-bínam, ndí ag pɔ́tɛ ja Ɔ́lolómɛ̄, átɔm nɛ́ tɔ mut a ŋgá sɔ́ŋtánɛ ɓé nyɛ. M̀búl Mpúán nɛ a ŋga yígle nyɛ́ á lí lɛgɛ lí mam mí mbaŋ.