Málkus 14:22 - Esaa-líat ɛ́ péná

²² Á eceg li dí, Yésus ɔ nyɔ̄ŋ ékɔgá, ɔ lómbó yɔ, ɔ búg yɔ, la nyɛ́ ɔ káahánɛ́ ɓɔ yɔ́; ɔ lága nɛ: «Nyɔŋán, nyuú yáma nyí.»

Málkus 14:22 ပူးပေါင်းရင်းမြစ်များ

Matéus 14:19

Ɔ kānʼyɛ́ limut nɛ́ lí tɔ́ɔ̄ á lóō lí bíkāā. Ámbúh náŋ, ɔ nyɔ̄ŋ bíŋ bikɔgá bítáan la yíŋ kɔh ɛ́ɓáa. Ɛnɛ́ a ɓétɛ́ miíh á lóō, ɔ tí Ɔ́lolómɛ̄ mítamlan, ɔ búg bíkɔgá ɔ tí byɔ́ ɓayége ɓɛ́ɛ́ nɛ bí kaa byɔ́ la limut.

Málkus 10:16

Ámbúh náŋ, ɔ ɓɛ́gɛ̄ ɓáŋ ɓɔɔ́n á mɔ mɛ́ɛ́, ɔ óóɓē ɓɔ la nyɛ́ ɔ lómbó ɓɔ.

Málkus 14:21

La mbálɛ, Mɔɔ́n Mut ag nyɛɛ li wú likɔlɓan la yé yá ciiɓɛ́ ányúū yɛ́ɛ̄. Ndí eɓéé-nyúū la mut a ŋga núŋu Mɔɔ́n Mut. Ɛ́ mɓɛ́ nsɛ́ŋ nɛ ah byááyág ɓé.»

Málkus 14:23

Ámbúh náŋ, ɔ nyɔ̄ŋ líɓondó, ɛnɛ́ a tí Ɔ́lolómɛ̄ mítamlan, ɔ tí ɓɔ jɔ́ la ɓɔ́ bísɛ bú nyú.

Málkus 14:24

Ɔ lága ɓɔ nɛ́: «Micii máma mí, micii mí Ésaa-líat mí má kómɓɛ́ ányúū ɔbul ví límut.

Málkus 6:41

Yésus ɔ nyɔ̄ŋ bíŋ bikɔgá bítáan la yíŋ kɔh ɛ́ɓáa, ɔ ɓétɛ́ miíh á lóō, ɔ tí Ɔ́lolómɛ̄ mítamlan, ɔ búg byɔ, ɔ tí byɔ ɓayége ɓɛ́ɛ́ nɛ bí kaa byɔ́ la ɓot; ɔ nyɔ̄ŋ ki nyíŋ kɔh ɛ́ɓáa, ɔ káa yɔ la ɓot bísɛ.

Lúkas 22:17

La nyɛ́ ɔ nyɔ́ŋ líɓondó, ámbúh li tíi lí Ɔlolómɛ̄ mítamlan, ɔ yó nɛ: «Nyɔŋán miní nyú ɓɛ́nɛ bísɛ.

Lúkas 24:30

Eceg a tɔɔ á téɓeli la ɓɔ́, ɔ nyɔ̄ŋ ékɔgá, ɔ lómbó yɔ, ɔ búg yɔ la nyɛ́ ɔ tí ɓɔ yɔ́.

Yohánɛs 6:23

Ákaa ɛ́sɛ, miɓoŋgó mitám mí ɓɛ́ɛ́ váŋ mí mí sɔ́léé á Tibeliáda, mú cág á voóm Nyɔ́ŋ-Ɛsáŋɛ́ a nyɔŋɔ́ɔ́ ékɔgá, ɔ tí Ɔlolómɛ̄ mitamlan la ɓɔ́ bu dí yɔ.

Elōg-Kɔlínto 1 10:4

ɓɔ́ bísɛ bú nyú ki nlemlem á ényūnyú Ɔ́lolómɛ̄ a tíéé ɓɔ́, kasig bí ŋgí nyú míndīm mí ŋgí pámle á líāā lí ŋgɔg lí m̀búl jé lí ŋgí oŋ ɓɔ́. Nyɔ́-a-Pɔ́hlɛ nɛ́ a ɓɛ́ɛ́ jéŋ liáá lí ŋgɔg.

Elōg-Gálátia 4:25

Ɔkolá ví Sinái ví lɛ́ á épah-ékombo yé Alábya. Ágāal a lɛ́ Yélūsalɛm nyí lɛn, ányúū nɛ nyɛ́ la ɓɔɔ́n ɓɛ́ɛ́ bí lɛ́ míndimí.